Joshua 6:26 - ŊWÀʼ NYÙY

²⁶ Joshua ká kiŋka e ghan fen, e lìʼ jii, Lǒn Nyùy Tàrí ku shòv wír wo wù wíy a mùm ji wun siir a ŋkàlaʼ yee Jeriko rə̀n fo. Wù wíy way a kinsə̀ŋ, e lày wan və mbìy woo lumèn. Wù wíy wayrí a shuu se kày, e lày wan və bàm woo lumèn.

Joshua 6:26 Iomraidhean Croise

1 Afòn 16:34

Yì‑iì dzə̀ é ghan se wù‑uù sáʼa, Hiel woó Betel báʼrí Jeriko. Hiel‑iì wày kinsə̀ŋ, e lày wán və mbìy woo Abiram. Wù bóm kay, e lòo wayrí shuu si, e lày wán və bàm woo Seguv. A vinyo vìn vi‑iì kòóy a dzə mo Nyùy Tàr‑iì yiìn ne sùúy, e shaà fo Joshua woo wan Nun.

1 Afòn 22:16

Yii bèy, Fòn Ahav suúy shó jii, «M wíy suŋnín e wò, e dù meé e le, ji à lóo suúy kinyo e mò, e Nyùy Tǎr yir, à wàa suúy a dzə̀ ké ru kí.»

2 Afòn 2:4

Elija kfən sùúy e Elisha jii, «Kii wò, gòʼ fen, bìʼ fo Nyùy Tàr tumen mo é Jeriko.» Elisha ku sùúy jii, «Mo Nyùy Tàr dzəə̀n shó, aà kfə̀n dzə̀ shó, yòʼ dzə̀ m màʼtì wò.» Á bèy, áwune nèn dù e Jeriko.

Malakay 1:4

Mo Nyùy yoŋ bèy, a tàm wír veé Edom vee rám Esavi lò, a suúy jii, «Aŋgaà vér vibàné sàʼtì ne mvə́m se laʼ sér, aá sàʼtì bèy, a vèr kù‑úù baʼri, e siìr fo.» A kí kòóy bèy, bo Nyùy Tàr woo Taà Mànjòŋ yíi suúy kfə́ jii, «Aáwune fə̀m bàʼrì, e siìr fo, bo m kù yíi sàʼtì, é wíri nèn a yòŋ fó ji kitúm ke vinyo ve bi ví runen shó. Kitúm, a dzə̀ ke Nyùy Tàr wíy a shwiíy kilòŋ wùn áwune, e wìy dù, e mày.»

Matio 26:63

Jesus ku nèn a tiy, e làa yòʼ a ghay. Taà cù wo kuʼùn və̀y nèn kfə̀n sùúy sho jii, «Ku lìʼ, e kàn yír Nyùy wo wù gòʼòn kàŋ mòʼón. Dzə̀ wò *Mfə̀ə́r woo Wan Nyùy moo ŋgáŋ á?»

Lim Aŋgàa Ntum 19:13

Wír veé Juda ámóʼó wáa dzə fo, a vé‑eè sí ghán, jum anyùy. Áwune nèn lò, a mùm sa ji á wáa yòŋ yír Jesus, e bó a jùm anyùy. Wìr lo, wù nèn a suúy aànyùyi jii, «M jum ven e Jesus wo Por fiʼtì və̀y yir.»