Joshua 6:25 - ŊWÀʼ NYÙY

²⁵ Yii bèy, Joshua lùŋèr Rahav woo sàkì wùn à kfə́ə rəə́, bìʼ fo Rahav‑iì lìtìn aŋgàa ŋkiy ve wù‑uù tumen é Jeriko. Kfə́ə Rahavi ku nèn a dzə e Isray, e shem lán.

Joshua 6:25 Iomraidhean Croise

Lim Aŋgàa Ntum 2:21

A wír ve á wíy a lon fo wun woo Tàr adzə̀me wíy lùŋ.› »

Hibru 11:31

Wiíy wùmòʼ wáa dzə fo, a dzə̀ sàkì, aá yoŋ ji Rahav, vé ŋkiyi wìy wìy e Jeriko, wù səə́sí, e lìtì e wùn lav. Á wìy tòn fó, wù nèn bòy, e làa yòʼ dzə́ə kpu moo kibér ke wìr ve vé‑eè méŋ Nyùy, táv kitú, á yúyrí.

Jeem 2:25

Kù dzə̀ sá mo ké Rahav wo yì‑iì dzəə̀n sàkì ki dzəə̀n. Kinyo ke kí din ji wù‑uù wáy rú shilív e Nyùy wùn kí dzə̀ ke wù‑uù yiìn. Wù‑uù səə̀sí aŋgàa ŋkiy ve wír veé Israyi‑iì tumen, e dìn dzə́ə ye sən, áwune léʼ.

Joshua 2:1

Joshua woo wan Nun nèn tùm wír abaà fó Shittim fo vé‑eè bee ji á du á bám bám, e kìy á woŋ. Wù suúy aáwune jii, «Vèn du, e shwèʼ woŋ Kanan, bo taaka ŋkàlaʼ yee Jeriko.» Wír vìyi nèn lò, e dù mèé e ŋkàlaʼ fèy, e nə̀ə́ e sàkì wùmǒʼ lav, aá yoŋ ji Rahav, e beè fo.

Joshua 2:18

Vèr wíy wiy e wòŋàn, à kù sə̀ə́y kinsàr ke ndzə̀y ke kí shé kìn e shùu wundu fèn wo à fəərin ver fó fo, é vèn báʼtí e wò lav, vèn à tàr won, à yè won, e lì lúmér sé wùn à wìr dzə̀m woo tàr wón kfəə.

Joshua 2:4

Yii bèy, a wiíy və̀n kì lìtì ne wír vee abaà viy, wù nèn bìnèr jii, «Dzə̀ á rú, wíri lo wìy a, e nə̀ə́ a mo, bo wáa dzə a ji bó m yoʼ waà kìíy ji á sà kì wìy fó feé á.

Joshua 2:6

A Rahav suuy bèy, a wù kì lì ne vilum vìy, e kòʼ shó e kikfəv, e lìtì e sar se vishaarín ve làv ŋkom ve wù‑uù naŋsin e lèm fo.

Joshua 4:9

Joshua kfən tàʼ tíy yímóʼó nshòv sibaà e ghvə̀m, e tùúy e kirə̀ʼ fo atàá cùu‑uù tíy e ndzəv, kér ŋkùv mensàŋ. A tíy sin si kù dzəə́ tíy fo e shem lán.