Joshua 6:24 - ŊWÀʼ NYÙY

²⁴ Á nèn tòn ŋkàlaʼ, yì shwí. Kifá kidzə̀m ke kí‑iì dzəə̀n shó ki bvə́ʼə́m, ku jòʼsì kisha ke mbàm ke fəvír kí wùn à ke baar kí, à vikáŋ vee brons vi, e lì kisha kee kiy, ve vé‑eè liìn, e lèm e kitàv ké Nyùy Tàr.

Joshua 6:24 Iomraidhean Croise

2 Samuel 10:5

Á lòo dù, e nèn a woomé fóo kfən e bàm fó laʼ. Davir yú kinyo ke kí kooyin, e tsə̀nsí ntum fo áwuné wùn ji á goʼ á e Jeriko, e dzə̀ʼə̀m a fo, é vighev vév ví wàá kwiíy, é bo á wáa wìy.

2 Afòn 25:9

e tòn lav cù Nyùy Tàr, e tòn ntoʼ, e tòn lav se wìr ve kuʼkìné sidzə̀m.

1 Wòŋ 18:11

Fòn Davir lì vifá vìn, e fò e Nyùy Tàr ji cu réŋréŋ mo wù‑uù foon kisha ke mbàm ke fəvír kí wùn à ke baar kí, ke wù‑uù faàsìn fo vitúm ve wù‑uù tònèn ví, a ví dzə̀ ji Edom, Moav, Ammon, Filistia, e lì Amalek.

Kintaŋ 31:10

Áwune‑eè tòn ŋkà se laʼ see fo wír veé Midiane‑eè dzə́ sidzə̀m e və́yí, e kfə̀n tòn sa viláʼáy vév vidzə̀m.

Remrí 13:16

Vèn yii bèy, á kùúy kéŋ yee fó e dzə̀m, e dù sho e màwày, e tòn ŋkàlaʼ wùn à kéŋ yee fóo e dzə̀m e və́yí. Vèn ku tòn ji cu Nyùy Tàr woo Nyùy won yee tòn e fur. Fóo kù sí wìy gòʼ e vifə̀m, a bó yòʼ dzə̀ á kfə̀n bàʼrì.

Remrí 13:17

Lá vèn yòʼ wìy lèm kifá fo vifa ve nshwǐ Nyùy Tàr ji kén, é Nyùy Tàr nèn wìy bìn ndzə̀m e wun dòʼshwiíy, e rə̀r mendzən men, a sham ven, a yiì, é vèn wìy a kùʼ, a dzə wír nyanyày mo wù‑uù kàʼàn atàr vén.

Remrí 20:16

«Yii bèy, ké ŋkà se laʼ se wìr ve Nyùy Tàr woo Nyùy won fó ji vitsə́ʼ vén, vèn wíy laàr kifá kidzə̀m ke kí ŋeʼè fo fo, kìn dzə̀ wír, kìn nyám.

Joshua 11:11

Wír veé Israyi yúyrí wir dzə̀m wo wù‑uù dzəə̀n fó, e laàr áwune ŋkuuŋkùŋ, la wìr yò gòʼ, e nèn tòn ŋkàlaʼ Hasor e və́yí.

Joshua 6:19

Yii bèy, kifá kidzə̀m ke á fèrìn e *kisha ke mbàm ke fəvír kí, à kee kisha ke mbàm ke baar kí, à kee kisha kee *brons ki, à kee kisha kee kiy ki, aá fəə́r jeéy ji vé Nyùy Tàr. Vèn yíi lì, e wìy sho, e way e wun kitàv.»

Joshua 6:25

Yii bèy, Joshua lùŋèr Rahav woo sàkì wùn à kfə́ə rəə́, bìʼ fo Rahav‑iì lìtìn aŋgàa ŋkiy ve wù‑uù tumen é Jeriko. Kfə́ə Rahavi ku nèn a dzə e Isray, e shem lán.

Joshua 8:28

Á mo Joshua wùn à wír vəə́‑əə̀ tònèn Ay bèy, fóo nèn kù gòʼ e vifə̀m e shem lán.

Ŋgaà Yen 17:16

Mo loŋ se nyàm se m yén sìn si dzəə̀n afon e ghvə̀m, áwune wíy lò, aá nèn tàtí wùn à nyàm ye beemén rə̀y, a bàn wiíy woo sàkì və̀n. Á wíy kàr vifá fo wùn wó vidzə̀m, é wù wáa tiy kinshóʼ, aá wóʼ nyám fo wùn wó, e kfər, e tòn vighvə́r.

Ŋgaà Yen 18:8

A kishiíy kí kù wiy ke wù wíy nəə́ e lòn wuu baà. Yàsí wíy gbù e wùn wó. Wù kfə̀n wíy a dìy. Wù wíy a tooŋé jíŋ. Á wíy tòn wun e və̀y, é wù shwí, e rèŋ, bìʼ fo Nyùy Tàr, wun woo Nyùy wo wù wíy màʼ ŋgeʼ sho dzə̀, a wù tàv é ŋàŋ.»