Joshua 6:23 - ŊWÀʼ NYÙY

²³ Wónlě nsùm vee aŋgàa ŋkiy vìyi nèn dù, e fə̀ə́r Rahav wùn à kitàr kí, à kiyìy kí, aàfə́r vəə́, à wìr dzə̀m woo wun kfəə. Á fəə́r wùn à kfə́ə rəə́ e dzə̀m, e nèn dù lèm e shweesí kibeèy keé Isray.

Joshua 6:23 Iomraidhean Croise

Kèʼlo 12:2

M wíy yiì, áà wáa ker kfəə́, é yí wìy a dzə kitúm ke kuʼùn kí. M wíy bùʼ wò, e yiì, é yír yée wáa dzə yír ye kuʼùné, áà wáa dzə wir kisəə̀vì fo wíri.

Kèʼlo 18:24

A kí kòóy ji wír ve juŋe wáa dzə mtàn e ŋkàlaʼ, à kù laàr kirə́ʼ kee shooy, é la à yòʼ màʼtì bìʼ wír ve juŋe vee mtàn ve á dzəə̀n fó à?

Kèʼlo 19:29

Á mo Nyùy‑iì lóo laàr ŋkà se laʼ seé mboʼ foo fèy sìn, e kuùmé kinyo ke Abraham‑eè lonen, e fə̀ə́r Lot, e bóo laàr ŋkà se laʼ sìn, é wù boy.

Kintaŋ 31:19

Wìr dzə̀m fo věn mvəm wo wù kì yuyrin wír, kìn wo wù kì kùmèn dzə́n wìr yíi dzə̀ʼə̀m e shweesí kibeèy kishiíy saàmbà. Lóo dzə e kishiíy kee taár wùn à kee saàmbà ki, é vèn *kfə́mrí vitú vén, e kfə̀mrí vé wìr ve vèn koorin.

Lim Aŋgàa Ntum 10:28

wù suúy aáwune jii, «Vèn kì sá kijuŋ ji dzə̀ nsər fo wìr woó Juda tátí wùn wìr kitum ke sən kí, bo taaka ji wù nəə́ e ŋgaàŋ lav. Yii bèy, a Nyùy dìn ne e mò ji lá m yòʼ a nyaŋsí wír wùmòʼ ji ŋgaà *kifàn.

Lim Aŋgàa Ntum 27:24

e yòŋ mo jii, ‹Por, lá à yòʼ a fàn. À kér fó wìy tiím e Fòn woó Rom si, a Nyùy bùʼ ne wò jii, wìr fo ve vèn áwune dzəə̀n é kikoŋe yòʼ wíy lày.›

1 Korin 5:12

Ké wìr ve bó vèsən áwune yòʼ dzəə̀n kintatì ki nén a dzə, a bó yòʼ dzə̀ m wàa nəə́ e mvəm wó, kù wíy saʼ Nyùy áwune. Wír ve dzə̀ vèsən wàa nəə́ aáwuné mvə̀m kinyòo dzə̀ ve á dzəə̀n e vèsə́n ŋgoo. A dzə̀ kíwun ke vé‑eè saŋen é Ŋwàʼ Nyùy jii, «Vèn jum wír wo wù kér liì wo bi fo věn mvəm.»

Efesor 2:12

Vèn yòʼ‑oò ló a kiíy wír wùmòʼ ji Kristu woo *Mfə̀ə́r gheéy, e bó a shìy. Mo bó vèn yòʼ‑oò dzəə̀n wír veé Isray, vèn yòʼ‑oò ló a dzə e mvə̀m *mensàŋ me wù‑uù gwàrìn wùn áwune. A bó kinyo ke wù‑uù kàʼàn áwune shó ki yòʼ dzə̀ kén. Kifá ke yì‑iì dzə̀ vèn tìír vifií shó, a shìy fo Nyùy ki yòʼ‑oò dzə̀. Vèn kù‑uù dzə́ kén dzəə́n, a bó á yòʼ kì Nyùy.

Hibru 11:31

Wiíy wùmòʼ wáa dzə fo, a dzə̀ sàkì, aá yoŋ ji Rahav, vé ŋkiyi wìy wìy e Jeriko, wù səə́sí, e lìtì e wùn lav. Á wìy tòn fó, wù nèn bòy, e làa yòʼ dzə́ə kpu moo kibér ke wìr ve vé‑eè méŋ Nyùy, táv kitú, á yúyrí.

Hibru 11:7

Noa wáa dzə sa, a wù‑uù wày shilív e Nyùy wùn féyì, Nyùy tír wun fo kinyò ke kí‑iì wíy koóy, a bó wù yòʼ fə̀m sí yén kisəəm, wù ku nèn biìmé, a yiì mo Nyùy suuyin. Wù‑uù bàʼrì lúm kikoŋ ji wùn à kfə́ə rəə́ nəə́ shó, e fíʼ wìy bòy fo ndzəv. Mo kù‑uù yuun wun ntir Nyùy rə̀n wùn mòʼón, wù nèn a dìn ji kibér ke wìr veé ndzə adzə̀m ki kù‑uù sì wír ve bií. Nèn a dzə wun woo Noa wo Nyùy‑iì liìn ji wír woo là jay, bìʼ fo wù‑uù wayin shilív e wun wùn.

Joshua 2:13

vèn yíi bavtí vèr à tàr wor, à yè wor, à lúmér sém sí wùn à jemèr si, à wìr wov e dzə̀m, e sə ver adzə̀m fo kpu.»

Joshua 2:16

Wù lòo səʼə́r, e sùúy aáwune jii, «Vèn du áàgwan, fo vé jwime yén ven. Vèn lir fó vishiíy vitaár. Á yií jwím ntéŋ, kfə́n e bàm, é vèn nèn fəə̀, a dù du yén.»

Joshua 2:18

Vèr wíy wiy e wòŋàn, à kù sə̀ə́y kinsàr ke ndzə̀y ke kí shé kìn e shùu wundu fèn wo à fəərin ver fó fo, é vèn báʼtí e wò lav, vèn à tàr won, à yè won, e lì lúmér sé wùn à wìr dzə̀m woo tàr wón kfəə.

Atǎr Nsaʼ 1:25

Wìr və̀y ku nèn dìn dzə́ə ye yì nəə e ŋkàlaʼ aáwune. Á nəə́, e nèn yùyrí wir dzə̀m fo ŋkàlaʼ fèn, e kù màʼtì cáʼ a dzə̀ wír wo wù kì dìnèn dzə́ə ye yì nəə e ŋkàlaʼ wùn à kfə́ə rəə́.