Joshua 6:22 - ŊWÀʼ NYÙY

²² Kí wáa koóy bèy, a Joshua kì yòŋ ne e vilum vee abaà ve vé‑eè shweʼen woŋe jii, «Vèn du e Rahav lav, e fə̀ə́r wùn à kfə́ə rəə́ mo vèn‑eè kàʼàn wun.»

Joshua 6:22 Iomraidhean Croise

2 Samuel 21:2

Fòn nèn tòóy wír veé Gibeon, a lon áwune. Wír veé Gibeon vìne yòʼ‑oò dzə̀ kfəə́ yeé Isray, yì‑iì dzə̀ kibér ke wìr veé Amor. Wír veé Israyi‑iì yiì kilìʼ fó ŋgùʼ ji á yòʼ wíy kùm a áwune. Saul nèn wìy sìíy lò, a laàr áwune bìʼ shií wo wù‑uù kér fo wír veé Isray wùn à veé Judàa.

2 Samuel 21:7

Fòn nèn dù, e bàvtí Mefiboshet woo wan Jonatan woo wan Saul, bìʼ kilìʼ ke wun woo fon‑eè yiìn wùn Jonatan e Nyùy Tǎr si,

Nsùyrì Nyùy 15:4

Dzə̀ wír wo wù taʼ kinyè ké wìr ve Nyùy meŋen ne ntéŋ, ghvə́m wír ve á fan Nyùy Tàr, tíy e kinyò ke wù kànèn yír Nyùy sho, a fə̀m dzə̀ ka.

Esiker 17:13

Wù‑uù ghàr wan ntoʼ wùmòʼ, e yiì, wùn wun gwár *mensaŋ, aá koó ne kfə́m sé wìr fo wòŋ sidzə̀m, e dù sho.

Esiker 17:16

«Ke suuy mo woo Nyùy Tàr woo Taà Ndzə ki nén a dzə jii, ‹Rúrú, mo m dzəə̀n shó e tin, fòn və̀n wíy kpu e Babilon e nsay fòn wo wù‑uù koʼorin wun, é bo wù wáa ŋway wun, e bivír kilìʼ kév, e ŋwày ntò sév sé mensàŋ.

Hibru 11:31

Wiíy wùmòʼ wáa dzə fo, a dzə̀ sàkì, aá yoŋ ji Rahav, vé ŋkiyi wìy wìy e Jeriko, wù səə́sí, e lìtì e wùn lav. Á wìy tòn fó, wù nèn bòy, e làa yòʼ dzə́ə kpu moo kibér ke wìr ve vé‑eè méŋ Nyùy, táv kitú, á yúyrí.

Joshua 6:17

«Vèn kù kér fóo laàr ŋkàlaʼ wùn à kifá ke kí dzəə̀n shó ki kidzə̀m. Kifá kidzə̀m ki yíi a dzə nshwǐ Nyùy Tàr, a vèn yíi laàr laàrìn kidzə̀m, é may Rahav woo sàkì wùn à wìr dzə̀m wo wù dzəə̀n e wun lav ve á yíi bòy, bìʼ fo wù‑uù lìtìn vé ŋkiyi ve vèsən‑eè tumen.

Joshua 6:23

Wónlě nsùm vee aŋgàa ŋkiy vìyi nèn dù, e fə̀ə́r Rahav wùn à kitàr kí, à kiyìy kí, aàfə́r vəə́, à wìr dzə̀m woo wun kfəə. Á fəə́r wùn à kfə́ə rəə́ e dzə̀m, e nèn dù lèm e shweesí kibeèy keé Isray.

Joshua 9:15

Joshua nèn gwàr kikoŋnìn wùn áwune, e gwàr mensaŋ ji bó yòʼ dzə̀ á kfə̀n laàr a áwune. Vilìmbìy veé Isray vi nèn fìnèr e kilìʼ kí.

Atǎr Nsaʼ 1:25

Wìr və̀y ku nèn dìn dzə́ə ye yì nəə e ŋkàlaʼ aáwune. Á nəə́, e nèn yùyrí wir dzə̀m fo ŋkàlaʼ fèn, e kù màʼtì cáʼ a dzə̀ wír wo wù kì dìnèn dzə́ə ye yì nəə e ŋkàlaʼ wùn à kfə́ə rəə́.