Joshua 6:21 - ŊWÀʼ NYÙY

²¹ Mànjòŋ nèn laàr kifá kidzə̀m keé ŋkàlaʼ e nyùy rə̀r, kifá kidzə̀m moo vilum wùn à vikìy, à wánlè, à ŋgàywìr, à nàʼ, à njiì, à vimbèʼbìy ví.

Joshua 6:21 Iomraidhean Croise

1 Afòn 20:42

Wù suúy e fòn ji Nyùy Tàr suuy a jii, «Mo à màʼtìn wír wo m yòŋèn ji à yuyrí, wù dú, bo à lo, e kpu e wun kiliŋ, é wír vée kpú sá e vəə́ kiliŋ.»

Jeremia 48:18

«Éè wìr veé Dibon, vèn maʼti ghay wón kiŋkoʼòrwùné, e sèsín a dzə̀ é kibvə̀r. Ŋgaà laàr wo wù laar Moav, lo, e kìʼ ven lèn, e bvəʼtí virə́ʼ ve tavkín vee věn ŋkàlaʼ.

Remrí 13:16

Vèn yii bèy, á kùúy kéŋ yee fó e dzə̀m, e dù sho e màwày, e tòn ŋkàlaʼ wùn à kéŋ yee fóo e dzə̀m e və́yí. Vèn ku tòn ji cu Nyùy Tàr woo Nyùy won yee tòn e fur. Fóo kù sí wìy gòʼ e vifə̀m, a bó yòʼ dzə̀ á kfə̀n bàʼrì.

Remrí 2:34

Vèsən‑eè sùm fó, e tòn ŋkà se laʼ sə́ sidzə̀m e ghan fóo fèy, e laàr vilum wùn à vikìy, à wóné, la kintiʼ ke wìr ki yòʼ bèr.

Remrí 7:16

Vèn wíy laàr wir dzə̀m wo Nyùy Tàr woo Nyùy won wayin e věn kiwo. Lá vèn yòʼ wìy rə̀r mendzən fo áwune, e bàvtí. Lá vèn yòʼ wìy a ghvəm anyùy vév, bìʼ fo kee shooy ki dzəə̀n kitám ke dzə̀ vèn lì shó.

Joshua 10:28

Joshua nèn tòn ŋkàlaʼ yee Makkeda e kishiíy fóo fèy, e yùyrí fon woo fó, e laàr wir dzə̀m fo fo ŋkuuŋkùŋ, e làa yòʼ ber wír. Wù kù‑uù yiì e fòn woó Makkeda mo wù‑uù yiìn e fòn woó Jeriko.

Joshua 10:39

e tòn wùn à fòn wov. Á kfən tòn sa ŋkà se laʼ sév sidzə̀m, e laàr wir dzə̀m ŋkuuŋkùŋ, la wìr yòʼ bèr. Joshua‑aà lòvtí e Debir réŋréŋ mo wù‑uù lovtin e Hebron, e lòvtí e Libna wùn à fòn wov.

Joshua 11:11

Wír veé Israyi yúyrí wir dzə̀m wo wù‑uù dzəə̀n fó, e laàr áwune ŋkuuŋkùŋ, la wìr yò gòʼ, e nèn tòn ŋkàlaʼ Hasor e və́yí.

Joshua 11:14

Wír veé Israyi kuúy vifá vidzə̀m fo ŋkà se laʼ se á tònèn wùn à nyám si ji nsàʼmboʼ wov, e kù laàr wir dzə̀m láarin e nyùy, e làa yòʼ bavtí wír.

Joshua 8:2

À yíi lovtí e fòn woó Ay wùn à wír vəə́ réŋréŋ mo wò‑oò lovtin e fòn woó Jeriko wùn à və́ vee wíri. Yii bèy, à yíi lì lèn kéŋ yév wùn à nyám sév sí ji nshwì wó. À yíi baʼtí wír ámóʼó, aá laáy laayín é bǎm ŋkàlaʼ.»

Joshua 8:22

Vé rər ve vé‑eè tònèn ŋkàlaʼa nèn fəə̀ sá e wír veé Ayí bàm, wír veé Ayi nèn a dzə fo kintìntìn, bìʼ fo wír veé Israyi‑iì siìn mbìv sidzə̀m. Wír veé Israyi yúyrí áwune adzə̀m, la wìr yòʼ lèʼ, la wìr yòʼ gòʼ e tin.

Joshua 9:3

Yii bèy, wír veé ŋkàlaʼ Gibeone yú mo Joshua lovtin e Jeriko wùn à Ay,

Ŋgaà Yen 18:21

M nèn yèn mo kigha ke nshìylav Nyùy kímóʼ kí ŋerin lúm tíy kiban, e màʼ e rìbà ndzə̀v, a yòm jii, «Kù dzə̀ mo á wíy màʼ Babilon woo ŋkàlaʼ ye ghaʼán ji vitaáví ben, é la wìr yòʼ kfə̀n dzəə wìy a yen.

1 Samuel 15:3

Dù lèn, e nə̀ə́ wír veé Amaleki e rə́r sí, e laàr áwune wùn à kifá kév kí kidzə̀m. Lá à yòʼ bàvtí kifá fo. Yúyrí vilum wùn à vikìy, à wóné, à wón ve bóri. Yúyrí sá anàʼ wùn aànjìi, aàkameri, à vimbèʼbìy ví.› »

1 Samuel 15:8

Wù koó Fòn Agag woó Amalek e tin, e yùyrí wír və́ adzə̀m adzə̀m.