Joshua 6:19 - ŊWÀʼ NYÙY

¹⁹ Yii bèy, kifá kidzə̀m ke á fèrìn e *kisha ke mbàm ke fəvír kí, à kee kisha ke mbàm ke baar kí, à kee kisha kee *brons ki, à kee kisha kee kiy ki, aá fəə́r jeéy ji vé Nyùy Tàr. Vèn yíi lì, e wìy sho, e way e wun kitàv.»

Joshua 6:19 Iomraidhean Croise

2 Samuel 8:11

Fòn Davir ku fò vifá vìn e Nyùy Tàr ji cu réŋréŋ mo wù‑uù foon kisha ke mbàm ke fəvír kí wùn à ke baar kí, ke wù‑uù faàsìn fo vitúm ve wù‑uù tònèn ví.

1 Afòn 14:26

e kùúy káv woo Nyùy Tǎr lav cù wùn à woó ntoʼo. Wù‑uù lì kifá kidzə̀m, e dù sho, e lì sa aŋkèe rər ve Fòn Solomon‑eè fèrìn e *kisha ke mbàm ke baar kí.

1 Afòn 7:51

Á bèy, Fòn Solomon nèn màysì lim yee Nyùy Tǎr lav cù e dzə̀m, e nèn lì vifá ve tàr wov Davir‑iì lèmèn ne jeéy ji vé Nyùy Tàr, e wìy sho, e wày é vitàv veé lav cù. Vifá vìn vi‑iì dzə̀ jii, kisha ke mbàm ke fəvír kí wùn à ke baar kí, à vighín ví.

2 Afòn 24:13

Wù‑uù kùúy vifá veé kitàv keé lav cù wùn à veé kitàv keé ntoʼ vi, e dù sho. Wù‑uù lì vifá vee *kisha ke mbàm ke baar kí ve Fòn Solomon‑eè fèrìn ji á wáa ker a e lav cù, e tìnrí e vintsə̌m vintsə̀m réŋréŋ mo Nyùy Tàr‑iì suuyin fó ghan ji kí wíy koóy a bèy.

1 Wòŋ 18:11

Fòn Davir lì vifá vìn, e fò e Nyùy Tàr ji cu réŋréŋ mo wù‑uù foon kisha ke mbàm ke fəvír kí wùn à ke baar kí, ke wù‑uù faàsìn fo vitúm ve wù‑uù tònèn ví, a ví dzə̀ ji Edom, Moav, Ammon, Filistia, e lì Amalek.

1 Wòŋ 26:20

Wír veé ram Levi ámóʼó‑oò leey fo vitàv veé lav cù, kfə̀n leey fo vitàv vé vifa ve vé‑eè shoʼtin, e lèm jeéy ji vé Nyùy.

1 Wòŋ 26:26

Shelomit wùn aàfə́r vəə́‑əə̀ leey fo vitàv vidzə̀m fo vé‑eè lèmèn vifá vee jeéy vé Nyùy. A yì‑iì lèm Fòn Davir wùn aàtǎr kfəə, aàmfòómeé. Amfòómé vin ámóʼó‑oò dzə̀ ve vé‑eè sáʼ wíri nsə̀kì nsə̀kì, aámóʼó sáʼ wíri wií wií, é bo ámóʼó wáa dzə ve vé‑eè tatin mànjòŋ e dzə̀m, a saʼ.

1 Wòŋ 26:27

Vé‑eè lì vifá ve vé‑eè kuuyin fó kwaʼ rər, e lèm ji vifá vee jeéy ví ve á wáa naŋsín lav Nyùy Tàr shó.

1 Wòŋ 26:28

Shelomit wùn aàfə́r vəə́ kfə̀n‑eè leey sa fo kifa kidzə̀m keé lav cù ke vé‑eè lèmèn ne jeéy ji ké Nyùy. Vifá vìn vímóʼ ví‑iì dzə̀ ve yì‑iì foon Samuel woo wir si wùn à Saul woo wan Kish, à Abner woo wan Ner, à Joav woo wan Tsəruyia.

1 Wòŋ 28:12

Wù kfən fò mfìʼ se wù‑uù kér e vifii se yì‑iì dzəə̀n sé maàndzə wùn à sé mewon me lav me mè kaarin lav cù si, e fò sá sé vitàv veé lav cù, à sé vitàv vé vifa ve á foon ne ji vé Nyùy vi.

2 Wòŋ 15:18

Wù‑uù lì vifá ve tàr wov Abija‑aà foon ji vé Nyùy, à ve wúnwun kitú kfə́‑əə̀ foon ví, e dù sho e Nyùy Tǎr lav. Vifá vìn vi‑iì dzə̀ jii, *kisha ke mbàm ke fəvír kí wùn à ke baar kí, à vifá ve ker vi.

2 Wòŋ 31:12

Mo á bàʼrìn, e nèn kwèʼ kifá kidzə̀m ke wíri‑iì foon, e wày é vitàv fey. Vifá vìn vi‑iì dzə̀ jii, afómo wùn à nsùʼ vifa wo vé‑eè li kee kimòʼón fo vee ghvə̀m vi, à vifá ve vé‑eè lèmèn jeéy ji vé Nyùy vi. Wìr wo wù‑uù leey fo vifa fèn dzə̀ Konaniya woo wír woó ram Levi, a ŋgaà ntom və dzə̀ fə́r və woo Shimey.

Nehemia 10:38

Taà cù woo Aaron ram kù wíy a dzə fo si e ghan se wír veé ram Levìi wíy a sə kirə́ʼ ké kimòʼón kìn. Á sə́, aá jav kirə́ʼ e ghvə̀m, e lì kee kimòʼón ki, e dù sho e lav Nyùy woo Nyùy wor, e dù, e wày é vitàv fó mvəm.

Jeremia 38:11

Ebed‑Melek ku nèn lì wír vìn, wùn áwune dù, e nə̀ə́ e wàn lav woó sar kitàv keé ntoʼ, e lì viŋkway ve ndzə̀y ve ví sí saʼkìrì, e dù, e sə̀yír e kfəə̀ é mbìʼ wo Jeremia‑aà dzəə̀n shó.

Cù 19:24

Lóo dzə e kiya ke kí meen ji kweè, vèn bàʼtí báŋ sidzə̀m ji nshwǐ Nyùy Tàr, e fò ji cu ye á suyrì wun sho.

Mayka 4:13

Nyùy Tàr nèn sùúy jii: «Wír veé Jerusalem, vèn ŋáʼáy, e dù, a buʼ aŋgaà vén vibàné, mo á bùʼ sáŋ. Vèn ŋáʼáy, bìʼ fo m yíi tavír ven, é vèn wáa dzə moo mbòŋ wo wù kér loŋ a dzə̀ sé kishà si. M yíi fo ven mfay, a dzə̀ see kisha ke *brons si, é vèn bvə́ʼə́y vitúm vìn moo kíŋ, é ví du é vimbvəʼ. Vèn yíi kuúy séʼ wo áwune‑eè faàsìn fo wíri, e fo e mò woo Nyùy Tàr. Vèn yíi lì bùʼ wov e dzə̀m, e fo e mò wo m kér kitú ke nsay kidzə̀m.»

Kintaŋ 31:11

Vé‑eè kùúy kéŋ yév e dzə̀m ji nsàʼmboʼ, e tàtí nyám si wùn à wíri,

Kintaŋ 31:12

e nèn dù e wír ve vé‑eè kooriné wùn à vifá ve vé‑eè kuuyin ví, e yèn Mooser wùn taà cù Eleasar sho, à màŋgòŋ woó Isray, aá dzə̀ é kibeèy é mboʼ yeé Moav e ŋguùŋè Jordan, a fóo dzə̀ é ŋkìʼnìn Jeriko.

Kintaŋ 31:22

A sí dzə̀ jii, kifá ke á fèrìn e kisha ki, kìn dzə̀ ké mbàm ke baar kí, kìn ke fəvír kí, kìn kee *brons, kìn dzə̀ kisha kee kiy, kìn kee tin, kìn kee *led,

Matio 27:6

Vitú ve atàá cùu siíy, e lì mbàm see shooy, e sùúy jii, «Mbàm sìn si yòʼ dzə̀ sé mbòŋ sí, dzə̀ káv mensə. Bó kí yoʼ ghèén ji á li, e wày é kibàm ke Nyùy.»

Maak 12:41

Jesus wáa suŋnín e lav cù bèy, e yìi lò, e kòʼtí, e dzə̀ʼə̀m e ghaa ŋkùv wo vé‑eè wáy mbàm se Nyùy sho, a leéy mo wíri wáyí. Aŋgàa mbàme wáa wìy anín, a way mbàm sikuʼùn.

Joshua 7:11

Isray jày ne, áwune shòʼór ne nsər ye mò‑oò foon aáwune. Áwune bòʼtí kimboʼtì, e shòŋ vifá ve nshwì vímóʼ ví, e wày aáwuné mvə̀m vifa, aá kì yíi laàr.