Joshua 6:18 - ŊWÀʼ NYÙY

¹⁸ Wìr kim kitú kfə́, a yen fóo màʼ kiwó e kifa ke nshwì, a fə̀m dzə̀ ka. Mo kí siìn nshwì, bo kí yíi sə̀ŋ lòn, e wìy sho e kibeèy, é kí bír, é ŋgeʼ ye tavín nəə́ wír veé Isray.

Joshua 6:18 Iomraidhean Croise

2 Samuel 21:1

Yì‑iì dzə̀ é ghan se Davir‑iì sáʼá, jìŋ koó viyá vitaár e kintuŋ kintuŋ. Á bèy, Davir nèn dù, e tàr fo Nyùy Tàr. Wù suúy jii, «Dzə̀ lǒn mensə me wìr veé Gibeon ve Saul‑iì yuyrin mo wú gbuùn ne e Saul wùn à kfə́ə rəə́ kitu.»

Ŋgaà Tàrvìnyò 9:18

Vifií ví bòŋ, e shaà vifá ve rər, yii bèy, wìr yúŋsi, jáy kinyo, kí bìvír vinyo vinín.

Jona 1:12

Wù bìnèr jii, «Vèn shúr mo, e màʼ e rìbà ndzə̀v, é wù nèn kpùrín. M kì jii, kinsəm kìn ki kar ven ben, a lòné lò a dzə̀ fo mò.»

Ŋwàʼ woó Rom 12:9

Vèn wáa kòŋ wíri rú e shilív shí, lá vèn yòʼ a suúy a dzə̀ fó shuù. Vèn wáa leʼ kinyo ke bi kí, a ghar a dzə̀ ke juŋ ki.

2 Korin 6:17

Nyùy Tàr nén a suúy jii: «Vèn fəə́ fo wír ve bó yòʼ dzəə̀n vémé mvəm, a dzə kén jeéy. Lá vèn yòʼ kùm kifá ke *kifàn kí, é vèsən fíʼ a dzə kijuŋ,

Efesor 5:11

Lá vèn yòʼ wày kiwó e vinyò ve wír ve á ghán e ndzə vitsə̀ʼə́ yii. Vèn wáa fo áwune a dzə̀ rán, aá wáa yen ji vinyo vee shooy vi dzə̀ á joonè.

Remrí 13:17

Lá vèn yòʼ wìy lèm kifá fo vifa ve nshwǐ Nyùy Tàr ji kén, é Nyùy Tàr nèn wìy bìn ndzə̀m e wun dòʼshwiíy, e rə̀r mendzən men, a sham ven, a yiì, é vèn wìy a kùʼ, a dzə wír nyanyày mo wù‑uù kàʼàn atàr vén.

Remrí 23:10

A wìr lò, a dzə e kifàn kí é wùn, e věn mvəm ji bìʼ fo njèm ye shoòŋ kì shiin wun vitsə́ʼ, bo wù fəə́ fo kilaʼáy, e bàr wún, e dzə̀ʼtì, e làa yòʼ wìy e mentsə̀m me kilàʼáy.

Remrí 7:26

Lá vèn yòʼ wìy lì kifá ke joònè kí, e wìy sho e věn melav, é kí yii, é vèn li lor, a dzə moo kifá kee shooy. Vèn ku nyàŋsí vifá vee shooy vi nyáŋsín, e tèr fo fo, bìʼ fo siìn vifá ve lor vi ve dzə̀ á kù laàr laàrìn.»

Jeem 1:27

Wìr wo Nyùy yén ji wù yú rú kinyo kfə́ shilív shimòʼón, a bó wù yòʼ kér jay wùmòʼ, dzə̀ wo wù leey fo wón tsə̀ə́ wùn à vikǐy ŋkfəə, sə́ áwune. Kfə́n a dzə wír wo wù kim kitú kfə́, fo vinyo veé ndzə fèn vi bívír wun.

Joshua 7:1

Yii bèy, la wír veé Israyi yòʼ yùnín nsər Nyùy Tàr yee kùm vifá ve nshwì. A kí dzə̀ jii, wìr woó ram Juda wùmòʼ, a yírí dzə̀ ji Akan‑eè lì vifá ve nshwì vímóʼ ví. Nyùy Tàr nèn shwìíy kilòŋ wùn à wír veé Israyi. Akan‑eè dzə̀ wan Karmi, a Karmi‑iì dzə̀ wan Sabdi, a Sabdi‑iì dzə̀ wan Sera, a dzə̀ kfə́ə Juda.

Joshua 7:13

Lò ri, e dù, e *kfə̀mrí wíri, e yòŋ aáwune ji Nyùy Tàr woo Nyùy woó Isray yoŋ a jii, vèn kfə́mrí vitú vén ví, aá bvəə́shí, a yen o. Éè mǒ Isray, kifá ke nshwì kí dzə̀ é věn mvəm. Bó yòʼ dzə̀ vèn kfə̀n tàm vèn aàŋgaà vén vibàné, a bó vèn fəə́r kifá ke lòn kin fo věn mvəm.

Joshua 7:15

Wìr wo á yenen kifá ke nshwì shó, bo á yíi tòn ŋgaàŋ wùn à kfə́ə rəə́, à kifá kidzə̀m ke wù kér ki. A dzə̀ á kù tòn, bìʼ fo wù shoʼorin nsər Nyùy Tàr, e wìy e nshoórsí wo ghaʼán e Isray kitu.»

Joshua 7:25

Joshua dzə́r jii, «À wìy e ŋgeʼ yee ben e věr kitu ji ka? Nyùy Tàr maʼ ŋgeʼ e wò kitu lán.» Wìr dzə̀m woó Isray nèn tsə̀mrí Akan wùn à kfə́ə rəə́ e tíyí, e yùyrí, e nèn lì, e tàtí wùn à vifá və́ ví vidzə̀m, e tòn.

1 Joon 5:21

Wòn vem, kí nén a dzə jii, vèn wáa yen a fó a jùmrì anyùy kisaŋe.

1 Samuel 15:9

Saul wùn à wír vəə́ bávtí Fòn Agag, e kfə̀n bàvtí anjiì ve juŋe wùn aànàʼ ve juŋe, à wón nàʼ ve faŋkìné, à vé njiì ve faŋkìné, à kifá kidzə̀m ke kí‑iì dzəə̀n kijuŋ ki. Á yòʼ‑oò ló a kòŋ e laàr kifá ke juŋ ki, á nèn laàr a dzə̀ ke bi kí wùn à ke kí‑iì giikin kí.