Joshua 6:1 - ŊWÀʼ NYÙY

¹ Yì‑iì dzə̀ é ghan sin, a wír veé Jerikòo sə́tí shuu se kày, e kfə̀n a shìy fo wír veé Israyi nəə́, a bó wìr yòʼ nəə e ŋkàlaʼ, a bó wìr yòʼ fəə́.

Joshua 6:1 Iomraidhean Croise

2 Samuel 10:5

Á lòo dù, e nèn a woomé fóo kfən e bàm fó laʼ. Davir yú kinyo ke kí kooyin, e tsə̀nsí ntum fo áwuné wùn ji á goʼ á e Jeriko, e dzə̀ʼə̀m a fo, é vighev vév ví wàá kwiíy, é bo á wáa wìy.

2 Afòn 17:4

Yii bèy, wáa dzə e kiya kímóʼ kí, Hoshea tsə́nsí vé ntume fo So woo fon woó Ejiv wùn, ji wù sə́ á wun. Wù tsə́nsí bey, e nèn yàr nshwì wo wù‑uù fó e fòn woó Assiriya. Fòn woó Assiriya nèn yèn ji Hoshea fèn fiìnè ne a wun, e nèn koò Hoshea, e wày é sháŋ, e fìn fo.

2 Afòn 2:4

Elija kfən sùúy e Elisha jii, «Kii wò, gòʼ fen, bìʼ fo Nyùy Tàr tumen mo é Jeriko.» Elisha ku sùúy jii, «Mo Nyùy Tàr dzəə̀n shó, aà kfə̀n dzə̀ shó, yòʼ dzə̀ m màʼtì wò.» Á bèy, áwune nèn dù e Jeriko.

Nsùyrì Nyùy 127:1

A lòo dzə la Nyùy Tàr baʼri kibaʼrì, bo wír ve á baʼrìi kù búʼ buʼún. A lòo dzə la Nyùy Tàr shiy ŋkàlaʼ, bo shiiykìʼ nshìy lày kisáŋ.

Joshua 18:21

Ŋkà se laʼ se rám Benjamin mo kfə́ə sév sí‑iì dzə̀kìn sí síne. Símóʼ sí dzə̀ jii, Jeriko, Bet‑Hogla, Emek‑Kesis,

Joshua 2:1

Joshua woo wan Nun nèn tùm wír abaà fó Shittim fo vé‑eè bee ji á du á bám bám, e kìy á woŋ. Wù suúy aáwune jii, «Vèn du, e shwèʼ woŋ Kanan, bo taaka ŋkàlaʼ yee Jeriko.» Wír vìyi nèn lò, e dù mèé e ŋkàlaʼ fèy, e nə̀ə́ e sàkì wùmǒʼ lav, aá yoŋ ji Rahav, e beè fo.

Joshua 2:24

Á suúy e Joshua jii, «Ké ru kí, Nyùy Tàr wày ne woŋ woo shooy e dzə̀m e vèsə́n kiwo. Jòkìnyàʼ, a kindzə́m kí kù gwar wir dzə̀m woo fó gwárin bìʼ vèsən.»

Joshua 2:7

Aŋgàa ntum fòn vìyi nèn fəə̀, a jùm wír vìy, a dù e dzəə̀ Jordan, e jùm, e dù mèé e tuumé ndzəv. Kù mo vé jùme kì fəən láʼ, á nèn sə̀tí shúu kày fo bàm.

Joshua 5:15

Tàá mfòóme Nyùy Tàr bìnèr e Joshua jii, «Shóʼtí alábáʼá fo wò wuù, bìʼ fo à tíy a dzə̀ e Nyùy kirə́ʼ ke ranén kí.» Joshua ku nèn yiì bèy.

Joshua 6:2

Nyùy Tàr yiì lò, e sùúy e Joshua jii, «Yuúrí, e yù, m wày ne ŋkàlaʼ yee Jeriko rə̀n e wò kiwo, à fòn, à vé rərí, a kù dzə̀ antav ve ghaʼtíné.