Joshua 5:9 - ŊWÀʼ NYÙY

⁹ Nyùy Tàr yòŋ Joshua, e sùúy jii, «Lán və̀n, m tsə̀ʼ ne nshoórsí woó Ejiv fo věn kitu.» Mo Nyùy suuyin bey, á nen yòŋ fó ji Gilgal, e shem lán.

Joshua 5:9 Iomraidhean Croise

Kèʼlo 34:14

Á nèn lò, e bìnèr aáwune jii, «Bó yòʼ dzə̀ kí kòóy ji vèr fó jemèr yer e wìr wo bó á yoʼ sàŋ mbèʼ sə́, bìʼ fo kí yíi a shoór ver.

2 Samuel 19:15

Wù nèn a kfən e bàm, e dù, e mèé e ndzəv yee Jordan, a wír veé Judàa kì bàʼtí ne e Gilgal ji fòn yií wiy, á tsəə̀né á wun, e tùm ndzə́v shó.

Nehemia 12:29

à fó Bet‑Gilgal, à fó mbìv wòŋ yee Geba wùn à Asmavet, a kù‑uù dzə̀ virə́ʼ vee fo wír véví‑iì bàʼrìn ntèʼ sév fó ndzə, e kaàrí Jerusalem, e tàr.

Nsùyrì Nyùy 119:39

M fan liy se aŋgaà vém vibàné shur mo shó sìn. Ku sə̀ mo, bìʼ fo vinyo ve tínen wò vi kù yii dzə́ vijuŋ.

Jeremia 9:25

Nyùy Tàr kfə́n a suúy jii, «Á yuúrí, e yù, kishiíy kí wíy gheén, é m maʼ ŋgeʼ e wìr dzə̀m wo á sáŋ mbèʼ sə́ ji á náŋsin a dzə̀ wún.

Esiker 23:3

Á nèn lò, a yiì visàkì e wòŋ woo Ejiv, fo vé‑eè dzə́, aá dzə̀ə́ wónlè, e nèn màʼtì vilum wáa tay vín yév, a yí rúnkír ne.

Esiker 23:8

Bó wù yòʼ‑oò lo màʼtì visàkì ve wù‑uù kèʼèn é Ejiv fo wù‑uù kiiyin vilum, á wáa tay wun e wo, a wù dzə̀ə́ wánlè, a shiíy wùn áwune.

Hosea 4:15

Yìiy, wìr veé Isray, mo vèn kfənen ne ji asàkì, lá kí yòʼ mùm kòóy ji wír veé Judàa biʼnin, é dzə̀rkìtu lo, a koo áwune. Vèn wáa yen fó tiír kiwuú kén é Gilgal, kìn ji vèn kóʼ é Bet‑Aven ji á suyrì mo. Vèn wáa yen fó lìʼ kinyo e mo woo Nyùy Tǎr yir, mo wo m dzəə̀n e tin.

Cù 24:14

«Vèn li ŋgaà ŋkáymé və̀n, e fəə̀ kibeey kí shó, é wìr dzə̀m wo wù yuun mo wù yoŋè neer wó rə́ é kitu wo, é màŋgòŋ tsə́mrí e tíy sí.

Amos 5:5

Lá vèn yòʼ dù, a tàʼ sə́mo, a dzə̀ fó Betel, lá vèn yòʼ dù e Gilgal, kìn ji wìr líysín é Beersheba. Wír veé Gilgali kù yíi fəə nsàm, aá laar Betel, é wù du é vifə̀m.»

Mayka 6:5

Éè wìr vem, vèn ku kuùmé menàŋ me Fòn Balak woó Moav‑iì baan e věn bàm mè. Vèn kuúmé kinyo ke Balaam woo wan Beor‑iì bìnèrìn shó ki. Vèn kuúmé ghán yén yee lò fó Shittim, e dù e Gilgali. Mò‑oò sə́ ven bey ji vèn fiʼ kìíy mo m yii boyìr wír.»

Tsəfaniya 2:8

Nyùy Tàr suuy jii: «M yù ne mo wír veé Moavi keŋ wír vém, e yù mo wír veé Ammone kuu wír vém. Á sévti ji á yíi faàsì a nsay yev.

Joshua 24:14

Joshua nèn sùúy lèn jii, vèn wáa ghvəm a dzə̀ Nyùy Tàr, a cù wun rúrú, e kfə̀n a tiy tìítiy e wun kinyò. Vèn maʼti anyùy ve atàr véné‑eè cu e Mesopotamia, à ve vé‑eè cu e Ejivi. Vèn kú a cù a dzə̀ Nyùy Tàr.

Joshua 4:19

Lòo dzə e kishiíy kee ghvə̀m, e ŋwee mbìyi, wír veé Israyi kóʼ fó ghaa Jordan, e dù beè e Gilgal wo wù dzəə̀n é ŋguùŋè Jeriko fo mbìv ntoshùy.

Joshua 5:8

Mo á saŋen mbèʼ se wìr dzə̀m e màysì, áwune gòʼ e kibeèy aáwuné virə̀ʼ, e mèé mo kileémé kí‑iì bonen.

1 Samuel 14:6

Jonatan kfən sùúy e wánlè nsùm wo wù‑uù kér ŋkeè və rə̀r jii, «Wòsò líysín fésə e kilaʼáy ké améŋnyùy veé Filistia vìsə, ghanmóʼ, é Nyùy Tàr sə́ wòsò. Yòʼ dzə̀ kinyo ki jìvír Nyùy Tàr fo wù luŋer wíri, e shaà fo wír vee aníne, kìn fo vee ashàri.»

1 Samuel 17:26

Davir dzə́r e wír ve vé‑eè tíy e wun ghaŋe jii, «A wìr lòo dzə e yùyrí wír woó Filistia və̀n, e tsə̀ʼ nshoórmé fo wír veé Israyí kitu, á fò ka e ŋgaàŋ? Kiŋgà ké méŋnyùy keé Filistia kìn ki dzə̀ la, bó a dzə ji wun shoór vé rə́r Nyùy wo wù dzəə̀n shó e tin.»

1 Samuel 17:36

M yùyrí ne abvərə̀ʼ, e yùyrí nyám yee bear, a kù dzə̀ sá réŋréŋ mo m yíi lovtí e kiŋgà ké méŋnyùy keé Filistia kìn ki, ke kí taʼ mànjòŋ Nyùy ntéŋ, Nyùy wo wù dzəə̀n shó e tin.

1 Samuel 7:16

Wù‑uù lo, wù fəə̀ kiyá kidzə̀m, a ghan, a dù e Betel, a dù e Gilgal, a dù e Mispa, a tinén nsaʼ se wìr veé Isray fo.