Joshua 5:6 - ŊWÀʼ NYÙY

⁶ Mo wír veé Israyi‑iì ghanen é woʼ kiyá mkweè, vilum ve vé‑eè siìn antav e ghan se vé‑eè lo fo Ejivi nèn kpù mày. Vé‑eè kpú bìʼ fo á yòʼ‑oò lo yùnín Nyùy Tàr, Nyùy Tàr nèn lìʼ ji bó wìr fo áwune yòʼ wíy shov a woŋ Kanan e si, woŋ wo wun‑eè kàʼàn atàr vév shó ji wun wíy fo e rám yéví, a kù dzə̀ woŋ, a vín nàʼ wùn à vilu vi tsəətìn sho.

Joshua 5:6 Iomraidhean Croise

Nsùyrì Nyùy 107:4

Ámóʼó‑oò ján e woʼ, e làa yòʼ yen ŋkàlaʼ yé a dzə sho.

Ŋwàʼ Fəə 3:17

Wù nen kàʼ ji wun yíi fəə́r a áwune fó ŋgeʼ yeé Ejiv, e dù sho e nsay ye vín nàʼ wùn à vilu vi tsəətìn sho, a dzə̀ fo wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́.

Ŋwàʼ Fəə 3:8

Á bèy, m nen sə̀y ji m boyir á áwune fo wír veé Ejiví wo, e fəə́r fo nsay foo fèy, e dù sho e nsay ye juŋ, nsay ye vín nàʼ wùn à vilu vi tsəətìn sho. A dzə̀ nsay ye wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́ sho.

Jeremia 2:2

«Dù, a tiisí, é wìr dzə̀m woó Jerusalem wáa yu ji mo woo Nyùy Tàr suuy a jii: « ‹Isray, m kuúme mo wò‑oò wayin shilív e mǒ wùn, aà dzə̀ə́ ji wánlè ŋgòn. Wò‑oò koŋ mo é ghan se wòsò‑oò tatin vijín. Wò‑oò jumrì mo é kirə̀ʼ ké woʼ kí, nsay, a bó kifá ki yòʼ kúy sho.

Esiker 20:15

Á bèy, m ku nèn tìn kàʼ aáwune, e lìʼ jii, m yòʼ dzəə́ yìi lì áwune, e dù sho e wòŋ wo mò‑oò kàʼàn áwune shó. Woŋ, a vín nàʼ wùn à vilu vi tsəətìn sho tsə́ətin, a wú bóŋ é ŋàŋ, e shaà símóʼ sí.

Esiker 20:6

Yì‑iì dzə̀ é kishiíy fóo fèy, m lìʼ, e yòŋ jii, m yíi fəə́r a áwune fó wòŋ woó Ejiv fèy, e lèm e wòŋ wo mò‑oò tayin ji wóv. Dzə̀ woŋ, a vín nàʼ wùn à vilu vi tsəətìn fo tsə́ətin, a wú bòŋ e ŋàŋ, e shaà woŋ símóʼ sí sidzə̀m.

Joel 3:18

Wíy lòo dzə e kishiíy fóo fèy, é meluʼ me nyomèn mè wáa shem fo virùmèn, é vín nàʼa wáa leŋ, a səy fo agwan. Ndzə́v seé wòŋ woo Juda si wíy runkír sidzə̀m. Ndzə́ví wíy a mee fo Nyùy Tǎr lav, a leŋ, a dù, a borír Kiwoóy ké Shittim.

Kintaŋ 14:23

Áwune yòʼ wíy shov woŋ woo shooy e si. Woŋ wo mò‑oò kàʼàn atǎr ram yév shó, e lìʼ. Bó wìr wo wù ŋwáy mo yòʼ wíy yen fó.

Kintaŋ 26:63

Á wír ve Mooser wùn taà cù woo Eleasar‑iì taŋen é ghan se vé‑eè táŋ wír veé Isray e mboʼ yeé Moav, e ghaa ndzəv yee Jordan, e ŋkìʼnìn Jeriko.

Remrí 1:3

Mooser nèn lò, e sùŋnín jí sìn e wír veé Israyi, a kiyá ki meé ne ji mkweè mo áwune‑eè kèʼèn, a ghan, a kishiíy kí‑iì dzə̀ kishiíy ké mbìy ki fó ŋwee woo nshòv mòʼón e ghvə̀m. Wù wáa remrí kinyo kidzə̀m ke Nyùy Tàr‑iì yòŋèn ji wù suúy aáwune.

Remrí 2:14

Yì‑iì sì kiyá nshòv waamé e mtaár, e kèʼ mo vèsən‑eè loòn fó Kadesh‑Barnea, e wìy a tum kiwoóy kin. Wáa dzə e ghan sin, a ŋgwàʼ yee ye mbìy dzə̀, a wìr wo dzə̀ wù dù rə́r réŋ ne, e mày fo kibeèy, kù mo Nyùy Tàr‑iì lìʼìn aáwune.

Remrí 2:7

A dzə̀ vèn kù yiì bèy, bìʼ fo Nyùy Tàr woo Nyùy won‑eè səə̀vìn vinyo vidzə̀m ve vèn‑eè yii. Wù‑uù leey fo vèn, a vèn ghán, tósin nsay wòʼ ye wiy rə̀n. E viya vee mkweè vìn ve Nyùy Tàr woo Nyùy won‑eè dzəə̀n vèn áwune, vèn yòʼ‑oò tan kifá.›

Remrí 8:4

Bó ndzə̀y sén sí yòʼ‑oò lo sàʼkìr e dzəə, a bó wuú yéné yòʼ‑oò lo kòʼkír e kiya kee mkweè kìn.

Hibru 3:11

Wún wómé nèn kìn, m lìʼ jii, bó yòʼ dzə̀ féyì áwune wìy nə̀ə́ e mǒ kirə̀ʼ ké meèmè.› »

Joshua 1:6

Kúr tímé, e wày ŋàŋ. Kù yíi lì wò wír vìn, e nəə́ sho e nsay fèn, é bo á yov woŋ wo mò‑oò lìʼìn vèr aàtǎr ram véví ji m wíy fo aáwune.

Joshua 24:7

Atàr véné kàn mo woo Nyùy Tàr ji m sə́ á áwune. M yiì, virə́ʼ ví sə́n, e tìnér áwune fo wír veé Ejivi, e lò yiì, ndzə́ví wìy, e sùm wír veé Ejiv, e lèér. Vèn‑eè lo yèn e sí yéné kinyo ke mò‑oò yiìn e Ejiv. Fo bàm, vèn dzə̀ʼə̀m e kirə̀ʼ ké woʼ kí ntàmda.

Joshua 5:5

Vé‑eè lo sàŋ mbèʼ se wìr dzə̀m wo wù‑uù loòn fó Ejiv. Yii bèy, ve vé‑eè dzəə̀n é woʼ é ghan se vé‑eè ghán e yuví‑iì dzə̀ə́ e nshòmé.

Joshua 5:7

Bìʼ kee shooy, nén a dzə wón wìr vìn ve Joshua‑aà saŋen mbèʼ sév. Nyùy Tàr‑iì lìy wír vìn ji á li á kilíŋ ke atàr vév, a vé‑eè dzə̀ə́ e nshòmé, bìʼ fo á yòʼ‑oò lo sàŋ mbèʼ sév é dzəə.