Joshua 5:10 - ŊWÀʼ NYÙY

¹⁰ Lòo dzə e ŋkuùr kishìíy kee nshòv sikweè e ghvə̀m e ŋwee foo fèy, wír veé Israyi nèn yiì *Ŋkǎʼ Yáʼayshaà, aá dzəə́ bee e Gilgal, e mboʼ yeé Jeriko.

Joshua 5:10 Iomraidhean Croise

2 Samuel 15:28

M yíi dù, e dzə̀ʼtì e shùu tuumé wo wú líysin e woʼ, a shìy mo vèn‑éè tsə́nsí ntum fo mǒ wùn.»

Ŋwàʼ Fəə 12:11

A dzəə̀ ye vèn yíi a yi sho dzə̀ jii, vèn yíi a yi cércér, aá báʼtí ne, e kùr vikuúví, e wày alábáʼ, a ker mbàŋ sén é wo. Kin ki dzə̀ cu *Ŋkǎʼ Yáʼayshaà ye á ghvə́m Nyùy Tàr shó.

Ŋwàʼ Fəə 12:18

A dzə̀ jii, kèʼ fo ŋkuùr kishìíy kee nshòv sikweè e ghvə̀m, e dù, e meé e ŋkuùr kishìíy kee nshòv mòʼón e mbaà fó ŋwee mbìyi, vèn wíy a yi a dzə̀ kibán kee là nyaà.

Ŋwàʼ Fəə 12:6

e lèm, a leéy fo fo, a shìy kishiíy kee nshòv sikweè e ghvə̀m fo ŋwee fèn. Á kishiíy ke wír veé Isray adzə̀me kù wíy see wón bvəy e meraaràŋ.

Jeremia 39:5

Yii bèy, vé rər veé Babilone wáa jùm áwune, e koò Tsədekiya e mboʼ yeé Jeriko. Mo á koon bey, e nèn lì, e dù, e fò e Fòn Nebukadnessar woó Babilon, a wù dzə̀ é Ribla, e nsay Hamat. Wù nèn tìnén mo á yii e Tsədekiya.

Esiker 12:3

Bo dzə̀ jii, wàn wìr msòŋ, báʼ vifá vi moo vé ŋgaà nsàm bey, a dù e kwaʼ nsàm, kù e shùy bèn, aáwune yéné. Ku yiì, é wìr dzə̀m yén mo à lo fo wò kirə̀ʼ, a dù fomóʼó, réŋréŋ moo wír wo wù du e kwaʼ nsàm. Ghanmóʼ, é wír vìne yén, e səə̀m kinyo, fə̀m mo á dzəə̀n antavkìtu bèn.

Cù 23:5

«Lóo dzə e ŋkuùr kishìíy kee nshòv sikweè e ghvə̀m fo ŋwee mbìyi, á yiì Ŋkǎʼ Yáʼayshaà, e ghvə̀m Nyùy Tàr.

Mayka 6:5

Éè wìr vem, vèn ku kuùmé menàŋ me Fòn Balak woó Moav‑iì baan e věn bàm mè. Vèn kuúmé kinyo ke Balaam woo wan Beor‑iì bìnèrìn shó ki. Vèn kuúmé ghán yén yee lò fó Shittim, e dù e Gilgali. Mò‑oò sə́ ven bey ji vèn fiʼ kìíy mo m yii boyìr wír.»

Joshua 4:19

Lòo dzə e kishiíy kee ghvə̀m, e ŋwee mbìyi, wír veé Israyi kóʼ fó ghaa Jordan, e dù beè e Gilgal wo wù dzəə̀n é ŋguùŋè Jeriko fo mbìv ntoshùy.

Joshua 5:11

Ndzə rán, a kishiíy ké Ŋkǎʼ Yáʼayshaà ki máy ne, áwune yí vifá a dzə̀ veé nsay foo fèy. Vé‑eè yì kibán kee là nyaà wùn à sáŋ yee *barli ye kaŋéné, e kishiíy fóo fèy.

Joshua 9:6

Áwune nèn dù, e yèn Joshua e kibeèy é Gilgal, a mbaà wùn à wír veé Israyi jii, «Vèr wìy ntàmda bèn ji vèsən gwar á *mensaŋ.»

1 Samuel 7:16

Wù‑uù lo, wù fəə̀ kiyá kidzə̀m, a ghan, a dù e Betel, a dù e Gilgal, a dù e Mispa, a tinén nsaʼ se wìr veé Isray fo.