Joshua 4:9 - ŊWÀʼ NYÙY

⁹ Joshua kfən tàʼ tíy yímóʼó nshòv sibaà e ghvə̀m, e tùúy e kirə̀ʼ fo atàá cùu‑uù tíy e ndzəv, kér ŋkùv mensàŋ. A tíy sin si kù dzəə́ tíy fo e shem lán.

Joshua 4:9 Iomraidhean Croise

Kèʼlo 26:33

Wù nèn shù yír ndzəv yee shooy ji «Shiba», a dzə̀ ji kilìʼ. Á nèn a yoŋ yír ŋkàlaʼ yee fó ji Beersheba, e shem lán.

Kèʼlo 28:18

Jakov bvəə́shí, e lò e yuv kijàvndzə kijàvndzə, e lì tíy ye wù‑uù neèrìn kitú sho rə̀y, e tùúy fo ji dzə̀ á kirə́ʼ ké Nyùy, e sə̀r meŋgvə́r é kitu wo,

2 Samuel 4:3

Kí‑iì dzə̀ bey, bìʼ fo wír veé Beeroti‑iì loòn a dzə̀ fó Gittayim, e dù a dzə fo, e wìy shem lán.

1 Afòn 18:31

Wù lì tíy nshòv sibaà e ghvə̀m mo rám seé Isray see wón Jakov si dzə̀kìn, Jakov wo Nyùy Tàr‑iì yòŋèn ji á wíy a yòŋ a wun ji Isray.

2 Wòŋ 5:9

Vintoòr vìn vi‑iì dàr é ŋàŋ, a wìr lóo tiy e mvə̀m lav cù, wù wàa yen mo ví soŋ kitú fo kirə̀ʼ kee jeéy kí féyì, kirə́ʼ, a kí dzə̀ fó mvəə́mvəm. Wìr‑iì lóo tiy a dzə̀ fó ndzə, la wù yòʼ a yen. Ví kù dzə̀ə́ fo, e wìy shem lán.

Ŋwàʼ Fəə 24:12

Nyùy Tàr nèn sùúy e Mooser jii, «Kóʼ é gwan fèn fo m dzəə̀n, a yuurí mo, é m lo, e fò wò viwaŋ ve tiy, a nsər sém wùn à ntir sém sí dzə̀ shó, a m sáŋ ji sí wáa tir wíri.»

Ŋwàʼ Fəə 28:21

Síbaŋ e dzə̀me wíy a dzə nshòv sibaà e ghvə̀m, áà náŋsín, e sàŋ yír sí shó, a dzə̀ sé wón Isray, é síbaŋ mòʼón mòʼóne wáa dìn rám Isray e kitu kitu.

Matio 27:8

Á kinyo ke kí yiìn, é bo á wáa yòŋ kirə́ʼ kee shooy jii, Kwaʼ Mensəə, e shem lán.

Matio 28:15

Vé rər víyi sə́ mbàm sìy, e nèn a fèr kinyo a dzə̀ ke vé‑eè feesin vituʼùr vév ji á wáa fèr. A kù dzə̀ kíwun ke wír veé Judàa yii fer, e shem lán ji vé‑eè shòŋ dzə́n Jesus a shóŋén.

Remrí 34:6

Nyùy Tàr nèn dzəə̀mè wun e mboʼ yìmòʼ e nsay Moav fèy, e ŋkìʼnìn ŋkàlaʼ yee Bet‑Peor. Yii bèy, e wìy to lán, bó wìr yòʼ kì kileemè kee shó.

Joshua 24:26

e sàŋ jí sìn e Nyùy Ŋwàʼ Nsər, e lì màkìlan, e tùúy fo, e sar kici kee *terebint ke kí‑iì tíy e kirə̀ʼ ké cù ke Nyùy Tàr.

Joshua 4:10

Wíri kù‑uù gitì, túm ndzə́v, aàtàá cù ve vé‑eè béʼ ŋkùv mensàŋe kù tíy e kintìntìn ke ndzəv, e meé mo kinyo ke Nyùy Tàr‑iì yòŋèn e Joshua ji wíri yii kí‑iì màyìn. Kinyo kìn kidzə̀m ki kù‑uù kòóy réŋréŋ mo Mooser‑iì tiisin e Joshua fo ŋgùʼ.

Atǎr Nsaʼ 1:26

Wìr və̀n siíy, e lò, e dù e wír veé Hití wòŋ, e bàʼrì ŋkàlaʼ fo, e nèn shù yír ji Lus. A kù sì yír ŋkàlaʼ yee shooy, e shem lán.

1 Samuel 30:25

Davir nèn wày kinyo kìn ji nsər. Á ku nèn a jùmrì nsər yee shooy e Isray, e kèʼ fo ghan fóo fèy, e wìy shem lán.

1 Samuel 7:12

Samuel lì tíy, e tùúy e kintìntìn ke Mispa wùn Shen. Wù‑uù shù yír kirə̀ʼ kin ji Ebeneser, shu bèy suuy jii, «E wìy meé lán, Nyùy Tàr kù sə́ ver.»