Joshua 4:7 - ŊWÀʼ NYÙY

⁷ vèn bìnèr jii, ‹Ndzə́v yee Jordane‑eè tìnén é ghan se ŋkùv mensàŋ Nyùy Tàr‑iì meʼen fó. Vé‑eè lóo tum ndzə́v yee Jordan sho, yí tínén.› Á mo tíy sin si wíy a yiì, é wír veé Israyi wìy a kuumé e ŋgwàʼ sí ŋgwàʼ si kinyo ke kí‑iì kooyin é ndzəv yee Jordan.»

Joshua 4:7 Iomraidhean Croise

Nsùyrì Nyùy 111:4

Wù yiì ne, á kú a kuumé lim sə́ se wiiwíy sí. Wù koŋ wíri, kfə̀n shám áwune.

Ŋwàʼ Fəə 12:14

Kishiíy kin ki dzə̀ ke vèn kù wíy a kuumé, a lèm ji ŋkǎʼ Nyùy Tàr, é wáa dzə nsər ye á wíy a lèm e ŋgwàʼ sí ŋgwàʼ si, e dù, e mày.

Ŋwàʼ Fəə 28:12

Aá nèn làʼtí síbaŋ yee baà rən e vimbar veé mbèʼ se shiŋkèéy shé kikum ji kisəəm ké wón Isray. Aaron lóo beʼ yír sév e wun mbèʼ, é la mo woo Nyùy Tàr yòʼ dzəə wìy làysìn wír vém.

Ŋwàʼ Fəə 30:16

À wíy a sə mbàm sìn fo wír veé Israyi, a lèm ji sé lìm yeé kibàn. M wíy a kuumé wír veé Isray bìʼ mbàm sìn, a teʼtín áwune fó ŋgeʼ.»

Aysaya 66:3

Yii bèy, ké wìr wo wù ŋwáy mo kí dzə̀ kfə́ jii, wù cu mo e mbòŋ, m kù a lì kém wun moo ŋgaà kinjuyrì. Wù cu mo e wàn njiì, m kù lèéy kém wun moo wír wo wù cu mo e jwi. Wù cu mo e viyíkìr vi, m lì kém wun moo wír wo wù cu mo e mensə́ me kǔnnyàm mè. Ŋgaàŋ lóo tòn kiláy kee *frankinsen ji m wáa kuumé wun, m wàa yen kém woo shooy moo wír wo wù mbaa a dzə̀ anyùy. Rúrú, kfə́ə wìr vee béne ŋwày ne mo, e kù a yiì a dzə̀ vinyo ve ví gheen áwune. Á kù sí yú vijuŋ, a dzə̀ e vinyo ve kisaŋ ve m yòʼ tíy sho vi.

Kintaŋ 16:40

Kinyo kìn ki kù‑uù wíy a kuumé wír veé Isray ji wìr wo bó yòʼ dzəə̀n taà cù yòʼ dzə̀ wù kòʼtí á ji wun yii cu kilay e Nyùy Tǎr si, a taà cù kù yii dzə́ ji rám Aaron. A wìr mùm, bo kinyo ke kí‑iì yiìn Kora wùn à ŋgoo rə kí kù‑úù yii sá wun. Á kù‑uù yiì vinyo vidzə̀m réŋréŋ mo Nyùy Tàr‑iì suuyin e Eleasar, e shaà fo Mooser.

Kintaŋ 17:5

Wìr wo m shoʼon, bo mbàŋ rə yíi tokír, é m nèn sə̀r kinyam ke wír veé Israyi nyam wò sho.»

1 Korin 11:24

e beèrì Nyùy, e bèʼnín, e sùúy jii, «Kin ki dzə̀ wún wóm wo m fó fo vèn. Vèn wíy siiy, vèn wàa yiì bèn, a kuumé mo.»

Remrí 16:3

Lá vèn yòʼ wìy a yi nyam cù rə̀n e kibán ke nyaà kí. Vèn kù wíy a yi a dzə̀ e kibán kee là nyaà kí, a yi bèn kishiíy saàmbà. Vèn kù wíy a yi kibán kìn ke kfə̀n dzəə̀n kibán ke ŋgeʼ ki, é kí fíʼ a yiì, é vèn wáa kuumé mo vé‑eè fəən fó Ejiv e kigir ki, a kuumé bèn kishiíy ké ndzə kidzə̀m ke vèn wíy a beʼrí e nsay fèn.

Joshua 4:6

Tíy see shooy si wíy a dzə ji kisəəm fo vèn. Wón véné wíy lóo dzər jii, ‹Nsàv tìy sin dzə̀ ka fo vèn,›