Joshua 4:5 - ŊWÀʼ NYÙY

⁵ e sùúy aáwune jii, «Vèn shaa, e kfə̀n é Jordan, e dù e mbìy ŋkùv mensàŋ Nyùy Tàr woo Nyùy won, é wìr wáa lì tíy é mbèʼ, aá li mo rám sé wìr veé Isray si dzəə̀n.

Joshua 4:5 Iomraidhean Croise

Kèʼlo 31:46

Jakov suúy áàfə́r vəə́ jii, «Vèn táyrí tíy sí.» Á nèn tàyrí, e bàʼtí e kikfər. Wìr dzə̀m nèn yìkír e ghaŋ wo, vé Jakov wùn à vé Labane.

Ŋwàʼ Fəə 24:4

Mooser nèn sàŋ nsər se Nyùy Tàr sidzə̀m fo nsay. Ndzə bvəə́shí, e jàv, wù bóm *kíy cù e sar gwan, e lì sə́y si nshòv sibaà e ghvə̀m mo rám seé Isray si dzəə̀n, e tùúy, sí wáa tiynín fo e kitu kitu.

Remrí 27:2

Lóo dzə e kishiíy ke vèn liysin ndzə́v yee Jordan, e nə̀ə́ e nsay ye Nyùy Tàr woo Nyùy won fó e vèn, vèn tùúy lúm se tiy, e yòʼ e fém si.

Remrí 9:1

«Éè Isray, vèn yuúrí, e yù. Vèn sí lo, a liysín ndzə́v yee Jordan rə̀n e kishiíy ké lán ki. Vèn líysin, e dù, e sə nsay vitum, a ví dzə̀ viwíy, e kfə̀n tàvkír, e shaà ven. Ŋkà se laʼ sév sí kùʼkìr, e kfə̀n a ker vikum ve kày, a ví kóʼ é yuv.

Joshua 22:10

Áwune vee rám Ruben wùn à yé Gadi, à kintoʼnìn ke yé Manassèe nèn lò, a dù, e lòo meé e ŋgvən yeé ghaa Jordan, a kù dzə̀ə́ e nsay Kanan, e nèn bòm *kíy cù wo wiyí fó.

Joshua 4:4

Joshua nèn jàŋrì wír vee nshòv sibaà e ghvə̀m ve wù kì shoʼtin ne, wir mòʼón mòʼón fo ram seé Isray sidzə̀m,

Joshua 4:6

Tíy see shooy si wíy a dzə ji kisəəm fo vèn. Wón véné wíy lóo dzər jii, ‹Nsàv tìy sin dzə̀ ka fo vèn,›