Joshua 4:3 - ŊWÀʼ NYÙY

³ e sùúy, aá táyrí tíy sí nshòv sibaà e ghvə̀m kù fo atàá cùu tíyí e kintìntìn ke ndzəv, e bèʼèy, e dù, e neèr fo vèn yíi shiíy lán.»

Joshua 4:3 Iomraidhean Croise

Kèʼlo 28:22

a tíy ye m tuuyin rə́ne wíy a dzə kirə́ʼ, a dzə̀ kee fo á wíy a bùnrì wò. A m kfə̀n wíy a jàv vifá ve à fó e mò vidzə̀m kirə́ʼ e ghvə̀m, a fo kee kimòʼón ki e wò.»

Nsùyrì Nyùy 103:2

M yíi a burí Nyùy Tàr shilív shém shidzə̀m, a bó yòʼ dzə̀ m làysìn vinyo ve juŋ ve wù yii.

Nsùyrì Nyùy 11:4

Nyùy Tàr kù dzə́ e wun lav cù ye ranén. Nyùy Tàr kù dzə́ e wun kàvàʼ woó yuv. Wù dzə́, shwéʼ wir msòŋ, kaʼày áwune.

Ŋwàʼ Luk 19:40

Jesus bìnèr jii, «M suuy e vèn jii, aá fə̀m yàr, bo dzə̀ tíyí kù a ndzəʼ.»

Joshua 24:27

Wù tuúy, e sùúy e wíri jii, «Vèn yén, tíy rə́ne yíi a dzə njen wòsən, bìʼ fo yí yuun ne jí se Nyùy Tàr yòŋèn e vèsən sidzə̀m. Yí kù yíi a dzə njen won, fo vèn lo, a shwèy Nyùy won, a meŋ wun.»

Joshua 3:13

Fo ké ndzəv kí, atàá cù ve á béʼ ŋkùv mensàŋ Nyùy Tàr woo Taà Ndzəə lóo laʼ kiwuú é meshavtí meé Jordan, é ndzə́ví ku nèn tìnén fó a leŋ, é ye yí kaayìi nèn kù a run, a koʼ e yuv.»

Joshua 4:4

Joshua nèn jàŋrì wír vee nshòv sibaà e ghvə̀m ve wù kì shoʼtin ne, wir mòʼón mòʼón fo ram seé Isray sidzə̀m,

Joshua 4:8

Á bèy, wír veé Israyi nèn yiì mo Joshua‑aà suuyin, e lì tíy sí nshòv sibaà e ghvə̀m fo mvə̀m ndzə̀v yee Jordan réŋréŋ mo rám seé Isray si dzəə̀n. Á kù‑uù yii mo Nyùy Tàr‑iì suuyin e Joshua. Áwune‑eè bèʼèy, e dù sho e kibeèy, e nèn neèr fo.

1 Samuel 7:12

Samuel lì tíy, e tùúy e kintìntìn ke Mispa wùn Shen. Wù‑uù shù yír kirə̀ʼ kin ji Ebeneser, shu bèy suuy jii, «E wìy meé lán, Nyùy Tàr kù sə́ ver.»