Joshua 4:24 - ŊWÀʼ NYÙY

²⁴ Wù‑uù yiì bey ji wír veé kitu ke nsay adzə̀me wìy a kiíy ji kóy Nyùy Tàrí waà tàv, é vèn wìy a ghvəm Nyùy Tàr woo Nyùy won, e wìy dù, e mày.»

Joshua 4:24 Iomraidhean Croise

1 Afòn 8:40

aáwune fíʼ a fàn wò ghán sidzə̀m se áwune dzə́ e nsay ye wò‑oò foon áàtàr véví.

1 Afòn 8:60

é wìr dzə̀m woó kitu ke nsay wáa kiíy ji kù mày Nyùy Tàr wo dzəə̀n Nyùy, a bó wùmòʼ yòʼ kfə̀n dzə̀.

2 Afòn 19:19

Éè Nyùy Tàr woo Nyùy wor, ku sə̀ ver fo wír veé Assiriyàá wo, é vitúm veé kitu ke nsay vidzə̀m vi fiʼ kìíy ji kù dzə̀ wò wo à dzəə̀n Nyùy Tàr.»

2 Afòn 5:15

Naaman wùn aàŋgàa ŋgoo vəə́ nèn kfə̀n é bàm fo ŋgaà ntum Nyùy, e tìím e si wo, e sùúy e wun jii, «M kìíy ne lèn rú ji bó Nyùy wùmòʼ yòʼ kfə̀n dzə̀ shó e kitu ke nsay, e shaà woó Isray. Kò ri fómo wo ŋgaà wò lìm wìyìn shó.»

1 Wòŋ 29:12

A wìr kér káv, kìn vikuʼùy, bo ví kù lò a dzə̀ fo wò. Sáʼ wò kifá kidzə̀m. Vitaáví vidzə̀m vi kù dzə̀ a dzə̀ e wò kiwo. À lo, à wàa fo wir dzə̀m vitaáví, lo, à kòʼór wo wo‑óò kóʼór.

Ŋwàʼ Jov 40:9

Jov, à kér vitaáví moo mo a? A dzə̀ jì yè wàmkír é njà kishèv moo yéem a?

Nsùyrì Nyùy 106:8

Yii bèy, wù ku lùŋèr áwune mo wù‑uù kàʼàn, e lùŋèr ji wíri fiʼ yèn vitaáví və́ ve ghaʼán ví.

Nsùyrì Nyùy 89:13

À kér kóy wo tavíné, a wó yée kér vitaáví é ŋàŋ. Kóy wó yìyí dzə̀ é yuv, maʼ rə́r sé.

Nsùyrì Nyùy 89:7

Kintatì ke nsheèlav sé ki ghvə́m wò. Á ghvə́m kfə̀n fan wò e ŋàáŋàŋ, e shaà kifá kidzə̀m.

Ŋwàʼ Fəə 14:31

Mo wír veé Israyi‑iì yenen kiŋgaʼnìn ke kinyò ke Nyùy Tàr yiìn, e laàr wír veé Ejiv bèy, á nèn a fàn Nyùy Tàr, e wày shilív e wun wùn, e kfə̀n wày sá e Mooser woo ŋgaà lìm və́ wùn.

Ŋwàʼ Fəə 15:16

Kindzə́m kí wíy toʼnín áwune, aá wáa fàn, a yàʼ. Éè Nyùy Tàr, bìʼ kóy wó vitaavií, áwune kù wíy a sov fo moo kilán, e meé mo wír vée wíy shaà, wír, ve wò‑oò tinen fó vikwàn.

Ŋwàʼ Fəə 20:20

Mooser nèn sùúy e wíri jii, «Lá vèn yòʼ a fàn. Nyùy wìy ji vèn kiíy mo wù koó, é fan Nyùyi fíʼ a dzə e věn meliv, é la vèn yòʼ dzəə yiì jày kinyo e wun.»

Ŋwàʼ Fəə 9:16

Yii bèy, e fíʼ dìn vitaáví vém e wò, e kfə̀n yiì, aá samer yír yém kitú ke nsay kidzə̀m, m nen màʼtì wò, à wáa dzə sho e tin.

Aysaya 52:10

Nyùy Tàr sí lo, a dìn vitaáví və́ ve ghaʼán ví, a vitúm vidzə̀m vi lo, e yen e sí yéví. Wìr dzə̀m woó vitum vidzə̀m veé kitu ke nsay lo, e yen mo Nyùy wov luŋèr wír və́.

Jeremia 32:40

M wíy gwàr *mensaŋ vèr áwune, a dzə̀ me mè kù wíy a tiy fo ghán sidzə̀m. Bó m yòʼ dzəə́ wìy yàr fó a yiì kijuŋ aáwune. M wíy yiì, é melív mev mè wáa tiy e mǒ wùn, aá wáa ghvəm mo, e làa yòʼ dzə́ə wìy bìn ndzə̀m e mò.

Remrí 28:10

Á bèy, é wìr dzə̀m woó kitu ke nsay nèn a yen ji vèn dzə̀ féyì a ji wír Nyùy Tàr. Lóo yen, aá wáa fàn ven.

Remrí 6:2

Á bèy, é vèn à wón véné, à wón won véné nèn a ghvəm Nyùy Tàr woo Nyùy won, a lèm nsər sə́, a yu sáʼ rə́ ye m fó e vèn. Vèn kú a lèm, e dù, e meé mo vèn dzəə̀n shó, e fíʼ wìy bonén, e shiíy.

1 Samuel 17:46

Nyùy Tàr yíi way wò lán e mǒ kiwo, é m yúyrí wò, e shòʼ kitú ké. E kishiíy ké lán ki, m yíi fo dzə́n sé vé rər veé Filistia, é menə́n wùn à nyám seé kwaʼ si wáa kfər, é wír veé kitu ke nsay adzə̀me nèn kìíy ji wír veé Israyi kér a Nyùy,