Joshua 4:23 - ŊWÀʼ NYÙY

²³ A kí dzə̀ jii, Nyùy Tàr woo Nyùy won‑eè yùmér ndzə́v yee Jordan e věn si, e mèé mo vèn‑eè tumen, kù mo wù‑uù yiìn e Rìbà Ndzə̀v wo Baar wo wù‑uù yumerin, e mèé mo vèr‑iì tumen.

Joshua 4:23 Iomraidhean Croise

1 Afòn 8:43

à kù yù é yuv fo à dzə́, e fò ŋgaàŋ kifá kidzə̀m ke wù lóné, é wír veé kitu ke nsay adzə̀me fiʼ kìíy wò, e nèn a fàn wò moo wír vé veé Isray. Á bèy, aáwune nèn kìíy ji lav rə̀n, ye m bàʼrìn dzə̀ rú á lav yè.

Nehemia 9:11

Wò‑oò tìn rìbà ndzə̀v, aá yéné, e tùmér áwune é nsay ye yumér, e nèn màʼ wír ve vé‑eè jum áwune é ndzəv, á lày moo kilán ke á màʼàn é ndzəv ye wiyí.

Nsùyrì Nyùy 78:13

Wù‑uù tòʼnín rìbà ndzə̀v, dzəə̀ fəə́sín, áwune shaà sho, a wù yií ne, ndzə́ví wáa tiy moo virə́v vé lav bèy mbìv sibaà.

Ŋwàʼ Fəə 14:21

Mooser nèn ràmsì mbàŋ rə é kitu ke rìbà ndzə̀v, Nyùy Tàr yiì, shwér wo tavíné wìy fo mbìv ye shùy yii tó fo fo, a shaà vitsə́ʼ vifur. Shwér woo shooyi yiì, ndzə́ví jàvsìn, e kfə̀n é bàm. Rìbà ndzə̀v yúm, fóo kfə́n ji nsay ye yumér.

Ŋwàʼ Fəə 15:19

Vé‑eè yov bèy, bìʼ fo Nyùy Tàr‑iì yiìn, rìbà ndzə̀v sùm wír Farao. A vé‑eè nə̀ə́, Nyùy Tàr siìr ndzə́v, yí kuúy nyám se ŋkoʼ, à vé koʼo adzə̀m, e tàtí viténtén. Yii bèy, a wír veé Israyi kì tòsín kév rìbà ndzə̀v a dzə̀ é nsay ye yumér.

Aysaya 43:16

Jí sìn si dzə̀ sé Nyùy Tàr, wun wo wù‑uù ghemen dzə́ə é rìbà ndzə̀v, dzə́ə ye dzə̀ á ghàn shó, e fəə̀sín fo mvə̀m ndzə̀v ye wiyí.