Joshua 4:19 - ŊWÀʼ NYÙY

¹⁹ Lòo dzə e kishiíy kee ghvə̀m, e ŋwee mbìyi, wír veé Israyi kóʼ fó ghaa Jordan, e dù beè e Gilgal wo wù dzəə̀n é ŋguùŋè Jeriko fo mbìv ntoshùy.

Joshua 4:19 Iomraidhean Croise

2 Afòn 2:1

Elija wùn Elisha nèn lò fo Gilgal, a dù, a sì ghán se Nyùy Tàr‑iì yíi lì Elija e yuv é mvə̀m kiìkir.

Amos 4:4

Nyùy Tàr woo Taà Ndzə té lám e vèn jii: «Vèn du ri e Betel, a bùʼtì vinyo vi. Vèn du ri e Gilgal, a bùʼtì vinyo, a dù duùn é kindzəʼ. Vèn koŋè, vèn wàa yiì rì cu sén kijàvndzə kidzə̀m. Vèn wáa jàv rì vifá vén kilíŋ e ghvəm, a fo kee kimòʼón ki ji kém e bǎm vishiíy vitaár vitaár.

Amos 5:5

Lá vèn yòʼ dù, a tàʼ sə́mo, a dzə̀ fó Betel, lá vèn yòʼ dù e Gilgal, kìn ji wìr líysín é Beersheba. Wír veé Gilgali kù yíi fəə nsàm, aá laar Betel, é wù du é vifə̀m.»

Mayka 6:5

Éè wìr vem, vèn ku kuùmé menàŋ me Fòn Balak woó Moav‑iì baan e věn bàm mè. Vèn kuúmé kinyo ke Balaam woo wan Beor‑iì bìnèrìn shó ki. Vèn kuúmé ghán yén yee lò fó Shittim, e dù e Gilgali. Mò‑oò sə́ ven bey ji vèn fiʼ kìíy mo m yii boyìr wír.»

Remrí 1:3

Mooser nèn lò, e sùŋnín jí sìn e wír veé Israyi, a kiyá ki meé ne ji mkweè mo áwune‑eè kèʼèn, a ghan, a kishiíy kí‑iì dzə̀ kishiíy ké mbìy ki fó ŋwee woo nshòv mòʼón e ghvə̀m. Wù wáa remrí kinyo kidzə̀m ke Nyùy Tàr‑iì yòŋèn ji wù suúy aáwune.

Remrí 11:30

Agwan vee abaà víne dzə̀ é mbìv Jordan yee fo shùy yii nəə, e wír veé Kanané nsay, ve á dzə́ e mbuŋ Jordan. A dzə̀ é ŋkìʼnìn Gilgal, a meʼ fo kicí kee *oak ke á yoŋ ji ké More ki dzəə̀n.

Joshua 10:43

Joshua màysì bèy, wùn à shúu rər woó Israyi nèn kfə̀n é bàm é Gilgal.

Joshua 10:6

Wír veé Gibeone nèn tsə̀nsí ntum e Joshua, a wù dzə̀ é kibeèy é Gilgal jii, «Lá à yòʼ bùʼúr fó màʼ kiwó e věr wùn. Kú a wìy cér, e tòm ver, e sə̀ ver. Afon veé Amor adzə̀m ve á dzə́ aàŋkoŋe lò ne, e bàʼtí, e tàŋ rə́r, e taàmé ver.»

Joshua 15:7

Bìíy lò fo fo, e shaà e Kiwoóy ké Akor, e dù fəə̀sín e Debir, e nèn tèém, e shaà kuy kuy, e kìʼ Gilgal wo wù dzəə̀n é ŋkìʼnìn bam Adummim wo wù dzəə̀n tsə́n fó kiwoóy. Bìíy nen shaà bèy, a dù, e bàʼ aàdàn veé En‑Shemesh, e shaà mèé e En‑Rogel.

Joshua 24:11

Vèn túm Jordan, e wìy e Jeriko, vilum veé Jerikòo taámé ven é vindzə̀ʼ. Vitúm vímóʼ ví kfən taàmé sa ven, aá dzə̀ jii, wír veé Amor wùn à veé Perisi, à veé Kanane, à veé Hiti, à veé Girgashi, à veé Hivi, e lì veé Jebus. M ku yiì, vèn tón áwune adzə̀m.

Joshua 4:18

Atàá cù ve vé‑eè béʼ ŋkùv mensàŋ Nyùy Tàrí nèn a fəə fo ntìntìn ndzə̀v. Kù mo á láʼ kiwuú fó kwaʼ, ndzə́ví kfə́n é bàm, a leŋ réŋréŋ mo yí‑iì léŋé, a kuŋ virə́ʼ.

Joshua 5:10

Lòo dzə e ŋkuùr kishìíy kee nshòv sikweè e ghvə̀m e ŋwee foo fèy, wír veé Israyi nèn yiì *Ŋkǎʼ Yáʼayshaà, aá dzəə́ bee e Gilgal, e mboʼ yeé Jeriko.

Joshua 5:9

Nyùy Tàr yòŋ Joshua, e sùúy jii, «Lán və̀n, m tsə̀ʼ ne nshoórsí woó Ejiv fo věn kitu.» Mo Nyùy suuyin bey, á nen yòŋ fó ji Gilgal, e shem lán.

Joshua 9:6

Áwune nèn dù, e yèn Joshua e kibeèy é Gilgal, a mbaà wùn à wír veé Israyi jii, «Vèr wìy ntàmda bèn ji vèsən gwar á *mensaŋ.»

1 Samuel 10:8

Á bèy, áà nèn a səy fo mǒ mbìy e Gilgal. M yíi wìy, e yen wò fo, e yiì cu ye tonèné wùn à cu kikòŋnìne. À yíi dzə̀ʼə̀m fo kishiíy saàmbà, é bo m wiy, e naàrì wò kinyo ke à wáa yiì.»

1 Samuel 15:33

Yii bèy, Samuel suúy jii, «Mo nyùy yè yiìn ne, vikìy wáa dzə là wón, bo yè won yíi a dzə sa là wán e vikǐy mvəm.» Samuel suúy bey, e nèn gwàtì Agag e vinsher vinshèr e Nyùy Tǎr kirə̀ʼ ké cù e Gilgal.