Joshua 4:18 - ŊWÀʼ NYÙY

¹⁸ Atàá cù ve vé‑eè béʼ ŋkùv mensàŋ Nyùy Tàrí nèn a fəə fo ntìntìn ndzə̀v. Kù mo á láʼ kiwuú fó kwaʼ, ndzə́ví kfə́n é bàm, a leŋ réŋréŋ mo yí‑iì léŋé, a kuŋ virə́ʼ.

Joshua 4:18 Iomraidhean Croise

1 Wòŋ 12:15

Dzə̀ áwune vin ve vé‑eè tumen ndzə́v yee Jordan e ŋwee mbìyi fó kiya, wo ndzə́ví yii rún, fəə́ e kwaʼ. Áwune túm bey, e jùm wír ve vé‑eè dzə́ e viwoóy é ndzən və̀n wùn ǎ ndzən və̀sə.

Aysaya 8:8

Á wíy sùm Juda moo ndzə́v ye kuʼùn ye yí rún, sum virə́ʼ, kóʼ, mee e wìr kilòŋ.» Yii bèy, Nyùy dzə̀ vèsən áwune. Wù kù wíy a kìŋsìn wír veé Juda mo shinə́n shí kùʼtí wón é sar vàv.

Joshua 3:13

Fo ké ndzəv kí, atàá cù ve á béʼ ŋkùv mensàŋ Nyùy Tàr woo Taà Ndzəə lóo laʼ kiwuú é meshavtí meé Jordan, é ndzə́ví ku nèn tìnén fó a leŋ, é ye yí kaayìi nèn kù a run, a koʼ e yuv.»

Joshua 3:15

Wáa dzə e ghan sin, a sì ghán sé ŋkav vifa, a Jordan rún, e fəə̀ é kwaʼ mo wù yii rún e ghan foo fèy. Kù mo atàá cù ve vé‑eè béʼ ŋkùvi laʼan kiwuú é ghaa ndzəv,

Joshua 4:11

Mo wíri màysìn, e tùm é ndzən və̀sə, atàá cùu nèn bèʼèy ŋkùv mensàŋ Nyùy Tàr, a liysín sa, a wíri tíy, leeyì.

Joshua 4:17

Joshua nèn yòŋ aàtàá cùu jii, «Vèn fəə́ fó ndzəv.»

Joshua 4:19

Lòo dzə e kishiíy kee ghvə̀m, e ŋwee mbìyi, wír veé Israyi kóʼ fó ghaa Jordan, e dù beè e Gilgal wo wù dzəə̀n é ŋguùŋè Jeriko fo mbìv ntoshùy.