Joshua 4:10 - ŊWÀʼ NYÙY

¹⁰ Wíri kù‑uù gitì, túm ndzə́v, aàtàá cù ve vé‑eè béʼ ŋkùv mensàŋe kù tíy e kintìntìn ke ndzəv, e meé mo kinyo ke Nyùy Tàr‑iì yòŋèn e Joshua ji wíri yii kí‑iì màyìn. Kinyo kìn kidzə̀m ki kù‑uù kòóy réŋréŋ mo Mooser‑iì tiisin e Joshua fo ŋgùʼ.

Joshua 4:10 Iomraidhean Croise

Nsùyrì Nyùy 119:60

M sí shwírí, a m yòʼ kfə̀n jívir ghán, fó a lèm nsər sé.

Ŋwàʼ Fəə 12:39

Áwune‑eè ghán bèy, ton ntuʼ se kiban kee là nyaà e meŋkfəŋ me vé‑eè tovin, e lò sho fo Ejiv mè, a vé‑eè tòv là nyaà, bìʼ fo vé‑eè sí jum áwune júmen, la á yòʼ a ker ghán sée dzə̀ʼə̀m, e fèr viyíkìr vév.

Ŋgàn 27:1

Lá à yòʼ a dzə̀v nsaŋ bìʼ kibvəə́shí, bìʼ fo à yòʼ kiìn kinyo ke kí yíi koóy.

Ŋgaà Tàrvìnyò 9:10

Kifá kidzə̀m ke à yuun fó a lìm, à kù a lìm vèn à shilív shé shi shidzə̀m, a lìm, a kiíy jii, aàŋkfəə́ wòŋ fo à du, bó á yòʼ yii lim lim fo, a bó wìr yòʼ kfə̀n kwaʼtì kinyo fo, a bó wìr yòʼ kiiy kinyo fo, é bo wìr wáa ker vifií fó.

Aysaya 28:16

Bìʼ bey, Nyùy Tàr woo Taà Ndzə suuy jii, «Vèn yuúrí, m neèr ne tíy é Sion ji kinsə̀ŋ. Tíy, aá múmrí ne, e bìnsí ji dzə̀ á yíwun, yíwun feyì ye a dzə̀ yí tòm kór lav, lav ye m bóm e Sion, a wìr wo wù wáy shilív e mǒ wùn yòʼ wíy a gìr.

2 Korin 6:2

Vèn kuúmé kinyo ke vé‑eè saŋen ji Nyùy suuy a jii: «Mò‑oò ji ji m wáa sə wíri, a m kì yù ne tóŋ yé, e shàm wò. Mò‑oò lóo lùŋèr wíri, e nèn kù sə̀ wò.» Vèn wáa kiíy ji ghán se dzə̀ Nyùy yù sin si dzə̀ lèn. Á lèn wo dzə̀ wù lùŋèr wíri.

Remrí 31:9

Mooser‑iì sàŋ yéʼéy Nyùy rə̀n wùn à nsər si é ŋwàʼ, e wày áàtàá cù wùn à vilìmbìy veé Isray ví kiwo. Kù‑uù dzə̀ atàá cù, áwune vee rám Levi, a dzə̀ áwune ve vé‑eè béʼ ŋkùv mensàŋ Nyùy Tàr.

Joshua 24:11

Vèn túm Jordan, e wìy e Jeriko, vilum veé Jerikòo taámé ven é vindzə̀ʼ. Vitúm vímóʼ ví kfən taàmé sa ven, aá dzə̀ jii, wír veé Amor wùn à veé Perisi, à veé Kanane, à veé Hiti, à veé Girgashi, à veé Hivi, e lì veé Jebus. M ku yiì, vèn tón áwune adzə̀m.

Joshua 3:13

Fo ké ndzəv kí, atàá cù ve á béʼ ŋkùv mensàŋ Nyùy Tàr woo Taà Ndzəə lóo laʼ kiwuú é meshavtí meé Jordan, é ndzə́ví ku nèn tìnén fó a leŋ, é ye yí kaayìi nèn kù a run, a koʼ e yuv.»

Joshua 4:11

Mo wíri màysìn, e tùm é ndzən və̀sə, atàá cùu nèn bèʼèy ŋkùv mensàŋ Nyùy Tàr, a liysín sa, a wíri tíy, leeyì.

Joshua 4:9

Joshua kfən tàʼ tíy yímóʼó nshòv sibaà e ghvə̀m, e tùúy e kirə̀ʼ fo atàá cùu‑uù tíy e ndzəv, kér ŋkùv mensàŋ. A tíy sin si kù dzəə́ tíy fo e shem lán.