Joshua 3:8 - ŊWÀʼ NYÙY

⁸ À yíi yòŋ aàtàá cù ve á béʼ ŋkùv mensàŋe ji á yií mee e ndzəv yee Jordan, á nə̀ə́, a tiy a sho.»

Joshua 3:8 Iomraidhean Croise

2 Afòn 2:6

Elija kfən siì sùúy e Elisha jii, «Kii wò, gòʼ fen, bìʼ fo Nyùy Tàr tumen mo ji m du á e shùu ndzəv yee Jordan.» Elisha kfən siì yòŋ jii, «Mo Nyùy Tàr dzəə̀n shó, aà kfə̀n dzə̀ shó, yòʼ dzə̀ m màʼtì wò.» Á bèy, áwune vee abàá nèn a dù.

2 Wòŋ 29:15

Wír vìne nèn bàʼtí afə́r vév vee rám Levi, wùn áwune *kfə́mrí vitú vév, e nèn kèʼ a kfəmrí lav cù mo nsər Nyùy Tàr suuyì, kù mo Fòn Hesekiya kì yòŋèn.

2 Wòŋ 29:27

Fòn Hesekiya nèn fò vitaáví ji á yii á cu ye tonèné é kiy cù. Á lòo kèʼ ji á sí yii a cu, wíri nèn, kèʼ a yòv, a sùyrì Nyùy Tàr, vé sòŋé wáa toŋ sóŋ, wír ámóʼó wáa kùm visháʼáy vé Davir woo fon woó Isray.

2 Wòŋ 29:30

Fòn Hesekiya wùn aàtǎr ntoʼ vəə́ nèn yòŋ e wír veé ram Levìi ji á wáa sùyrì a Nyùy Tàr e luŋ se Davir wùn Asav woo ŋgaà ntum Nyùy‑iì saŋen sí. Á bèy, áwune nèn a yòv luŋ si, a sùyrì Nyùy e kishéʼrì ki, a gvəʼtí, a ghvəm wun.

2 Wòŋ 30:12

Ké wìr veé Juda ki wáa dzə, a Nyùy‑iì lo màʼ sa kiwó aáwuné wùn, á wáa ker kwaʼtì e mòʼón, e nèn yù sáʼ ye fòn wùn aàtǎr ntoʼo‑oò foon ji á wáa yiì a mo kinyo ke Nyùy Tàr kí dzəə̀n.

Nehemia 13:22

M lò, e kfə̀n fò sáʼ ji wír veé ram Levìi kfə́mrí á vitú vév, e dù, a shìy a shuu se kày, é kishiíy ké bam ki fíʼ a dzə a kee jeéy kí. Éè Nyùy wom, kú a kuumé rì sa mo bìʼ kin, a sham mo bìʼ koŋ yé ye ghaʼtíné ye yí tíy fo ghán sidzə̀m.

Nehemia 13:28

Joyiada woo wan Eliashiv woo taà cù wo kuʼùn‑eè kér wán woo lumèn, a wù kér wiíy a dzə̀ wan Sanballat woo wír woó Horon, m nèn jùm Joyiada júmen.

Ŋwàʼ Fəə 14:13

Mooser bìnèr e wíri jii, «Lá vèn yòʼ a fàn. Vèn kúr tímé, é vèn yiì yèn mo Nyùy Tàr yíi lùŋèr ven é kishiíy ké lán ki. Wír veé Ejiv ve vèn yén lán vìn, vèn yòʼ dzəə́ wìy yen e kishiíy kímóʼ kí gheéy.

Yòvdìy 3:26

Kí bòŋ ji wìr wáa dzə ji nyaáŋ, a kìʼ a dzə̀ Nyùy Tàr, é wù sə́ wun.

Joshua 3:17

Aá líysinè, aàtàá cù ve vé‑eè béʼ ŋkùv mensàŋ Nyùy Tàrí kù tíy e mvə̀m Jordan e nsay ye yumér. Á tiím fó, e meé mo kitúm kidzə̀m ki‑iì tumen, e mày.

Joshua 3:3

e yòŋ e wíri jii, «Vèn yií yén wír veé ram Levi ve dzəə̀n atàá cù, aá sí béʼ ŋkùv mensàŋ Nyùy Tàr woo Nyùy won, vèn nèn shòʼóy vibàn vén, e lò fo bàm.

Joshua 3:7

Nyùy Tàr suúy e Joshua jii, «M sí yìi kèʼ, a koʼór wò e wír veé Israyí si adzə̀m e kishiíy ké lán ki, aáwune fíʼ kiíy rú ji m dzə̀ á wòsò, kù mo mò‑oò dzəə̀n vèr Mooser.

Joshua 3:9

Joshua nèn sùúy e wír veé Israyi jii, «Vèn wiy, e yù jí se Nyùy Tàr woo Nyùy won sí.»

Joshua 4:11

Mo wíri màysìn, e tùm é ndzən və̀sə, atàá cùu nèn bèʼèy ŋkùv mensàŋ Nyùy Tàr, a liysín sa, a wíri tíy, leeyì.