Joshua 3:6 - ŊWÀʼ NYÙY

⁶ Joshua yiì lò, e yòŋ aàtàá cùu ji á beʼey á ŋkùv mensàŋ, a dù a sho e wírí mbìy. Áwune ku nèn yiì mo wù yòŋèn.

Joshua 3:6 Iomraidhean Croise

1 Afòn 8:3

Kfə́m sé wìr veé Isray si báʼtí, atàá cùu nèn shùr ŋkùv mensàŋ, a koʼ sho e lav cù.

2 Wòŋ 5:4

Kfə́m sé wìr veé Isray si wìykìr, wír veé ram Levìi nèn bèʼèy ŋkùv mensàŋ, a koʼ sho.

Mayka 2:13

Kí nén a dzə̀ jii, Nyùy wíy mvə̀ʼ dzə́ə, aáwune fəə́ fó kwaʼ vikwàn. Áwune wíy kiv shúu kày woó ŋkàlaʼ, a dù là kindzə́m, a Fòn wov woo Nyùy Tàr wíy shem mbìy, a tsəəné áwune, a fəə sho.

Kintaŋ 10:33

Áwune nèn lò fo Nyùy Tǎr gwan, e ghàn vishiíy vitaár. Aá ghán bèy, a ŋkùv mensàŋ Nyùy Tàr du aáwuné mbìy, taʼ kirə́ʼ ke áwune bee shó.

Kintaŋ 14:15

Aà lò lèn, e laàr wír vìn, bo vitúm ve ví yuun leŋ wó vi yíi a suúy jii,

Hibru 6:20

bìʼ fo Jesus nəən ne fo e vèsə́n mbìy, a wù dzə́ wùn Nyùy lèn ji taà cù wòsən wo kùʼùn wo wù dzəə̀n moo *Melkisedek, lón fo vèsən ghán sidzə̀m, e dù, e mày.

Joshua 3:3

e yòŋ e wíri jii, «Vèn yií yén wír veé ram Levi ve dzəə̀n atàá cù, aá sí béʼ ŋkùv mensàŋ Nyùy Tàr woo Nyùy won, vèn nèn shòʼóy vibàn vén, e lò fo bàm.

Joshua 3:5

Joshua nèn yòŋ e wíri jii, «Vèn *kfə́mrí vitú vén ví, bìʼ fo Nyùy Tàr bvəə́shi, e yiì viŋgaʼnìn ve vinyò e věn mvəm kibvəə́shí.»

Joshua 3:7

Nyùy Tàr suúy e Joshua jii, «M sí yìi kèʼ, a koʼór wò e wír veé Israyí si adzə̀m e kishiíy ké lán ki, aáwune fíʼ kiíy rú ji m dzə̀ á wòsò, kù mo mò‑oò dzəə̀n vèr Mooser.

Joshua 6:6

Joshua woo wan Nun və̀n nèn jàŋrì atàá cù, e sùúy aáwune jii, «Vèn li ŋkùv mensàŋ Nyùy Tàr, áàtàá cù vee saàmbàa wáa ker sóŋ see loŋ kiyaʼ, a dù sho fo mbìy.»