Joshua 3:4 - ŊWÀʼ NYÙY

⁴ Ŋkùv mensàŋ yíi a dànèr ven mo bó vèn yòʼ‑oò yiì ne shaà e dzəə fen. Vèn wáa yen fóo yìi koʼtí e ghaŋ wo. Vèn yíi a wìy kén kwaʼda fo bàm moo kintoʼnìn ke may bèy.»

Joshua 3:4 Iomraidhean Croise

Kèʼlo 31:2

Wù kfən yèn sá ji liì Laban kùvsín a ne, a wù yòʼ dzəə́ koŋ a wun mo wù‑uù koŋ fo mbìy.

1 Wòŋ 11:2

Yì‑iì dzə̀ é ghan se sí‑iì shaàn, a Saul dzə̀ə́ fon, yì‑iì li wò wír veé Isray, du sho e shùu rər. A Nyùy Tàr woo Nyùy wò‑oò lo kàʼ wò ji à wíy a leéy a fo wír və́ veé Israyi mo nshìy lèéy fo njiì.

Nsùyrì Nyùy 25:12

Wìr wo wù yúnin Nyùy Tàr bèé? Nyùy Tàr kù yíi tir wun mo wù wáa tiír kiwúu kfə́.

Nsùyrì Nyùy 89:7

Kintatì ke nsheèlav sé ki ghvə́m wò. Á ghvə́m kfə̀n fan wò e ŋàáŋàŋ, e shaà kifá kidzə̀m.

Ŋwàʼ Fəə 19:12

Ku raàr koónte, e kaàrí gwan sho, e tàr, é la wíri yòʼ soòrí. Suúy ji lá wíri yòʼ kòʼ á e gwan. Lá wìr yòʼ fə̀m mèʼ á mentsə̀m me gwan. A wìr mùm, e làʼ kiwuú kfə́ fó, bo wù kpù á ne.

Ŋwàʼ Fəə 3:5

Nyùy suúy shó jii, «Lá à yòʼ dzəə kòʼtí, e wìy fo mentsə̀m. Shóʼtí alábáʼ vée, bìʼ fo à sí tíy a dzə̀ e Nyùy kirə̀ʼ ke ranén kí.»

Ŋwàʼ Fəə 4:10

Mooser wáa lon Nyùy Tàr jii, «Éè Nyùy Tàr, m yoʼ càʼ e kisuŋnìn. M yòʼ‑oò lo càʼ fo ŋgùʼ, e bóo fə̀m càʼ lèn wo à kèʼèn, a suŋnín e mò woo ŋgaà lìm wò.»

Aysaya 30:33

Rúrú, e kèʼ fo yàŋgùʼ, Nyùy Tàr‑iì bàʼtí ne kirə́ʼ kee fo á wíy tòn dzə́n fòn. Wù tùŋ ne kíy, wú fáŋ, e kfə̀n shoò, e fiì meŋkaʼ sho, və́yí wáa shwi, a bò. Kiyoy ke Nyùy Tàr kí dzə̀ moo kiliímé ke və̀y, a kí wíy sə̀ʼ meŋkaʼ mèn, é mè wáa shwi.

Aysaya 48:17

Nyùy Tàr wo wù boyìr ven, wun woo Ŋgaà wo Ranén woó Isray suuy jii: «Dzə̀ mo Nyùy Tàr woo Nyùy won. Kù yéʼey mo ven kinyo ke kí yíi sə ven, a kù danèr mo ven mo vèn wáa shoʼ kiwuú kén.

Joshua 3:3

e yòŋ e wíri jii, «Vèn yií yén wír veé ram Levi ve dzəə̀n atàá cù, aá sí béʼ ŋkùv mensàŋ Nyùy Tàr woo Nyùy won, vèn nèn shòʼóy vibàn vén, e lò fo bàm.

Joshua 3:5

Joshua nèn yòŋ e wíri jii, «Vèn *kfə́mrí vitú vén ví, bìʼ fo Nyùy Tàr bvəə́shi, e yiì viŋgaʼnìn ve vinyò e věn mvəm kibvəə́shí.»