Joshua 3:3 - ŊWÀʼ NYÙY

³ e yòŋ e wíri jii, «Vèn yií yén wír veé ram Levi ve dzəə̀n atàá cù, aá sí béʼ ŋkùv mensàŋ Nyùy Tàr woo Nyùy won, vèn nèn shòʼóy vibàn vén, e lò fo bàm.

Joshua 3:3 Iomraidhean Croise

2 Samuel 6:13

Á wáa wìy sho bèy, a yòv, a sàvnìn. Wír ve á béʼ ŋkùv mensàŋe sar ntàm ntuùfú, Davir yiì cu e nàʼ, e yiì e kinsòŋ ke nàʼ ki.

2 Samuel 6:3

Á dù, e lì ŋkùv mensàŋ fo Abinadav lav ye yì dzəə̀n é kitu ke gwan, e wày é kar ye fíyi. Ussa wùn Ahiyo vee wón Abinadavi nèn a dànèr nyám se sí səŋ kár

1 Afòn 8:3

Kfə́m sé wìr veé Isray si báʼtí, atàá cùu nèn shùr ŋkùv mensàŋ, a koʼ sho e lav cù.

Jeremia 33:18

Bó atàá cù ve kù dzəə̀n wír veé ram Levìi yòʼ wíy a buú wír wo wù wáa tiy e mǒ si ghán sidzə̀m, a yiì cu ye tonèné wùn à yé vifa ve yii, à yé nyàme.»

Kintaŋ 10:33

Áwune nèn lò fo Nyùy Tǎr gwan, e ghàn vishiíy vitaár. Aá ghán bèy, a ŋkùv mensàŋ Nyùy Tàr du aáwuné mbìy, taʼ kirə́ʼ ke áwune bee shó.

Kintaŋ 4:15

«Aaron wùn à wón vəə́ maysì, sə́ti vifá vìn ve dzəə̀n vee jeéy ví, à vifá vév vee fó ghaŋ vi vidzə̀m, màŋgòŋ lóo ŋaʼáy ji á waà sí du, é wír Kohati nèn wìy, e bèʼèy vifá vee shooy. Yii bèy, á lóo bèʼèy, lá wìr yòʼ mùm, e kùm wún vifa vee shooy, fóo kpu. Á vifá ve kibàn ké ntàsín ve wír Kohati wíy a beʼ.

Matio 16:24

Jesus suúy bey, e nèn sùúy e wón və́ lìme jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, e lì moo kintam, a ghan sho e mǒ bàm.

Matio 8:19

Á lò ji á sí du, wìr wo wù‑uù duŋrì nsər se Nyùy wùmòʼ wìy, e yòŋ Jesus jii, «Ŋgaà Yèʼey, aà fə̀m du fèé, bo wòsò kù yíi a ghan.»

Remrí 31:25

Wù màysì bèy, e yòŋ aàtàá cùu, áwune vee rám Levi ve á yii béʼ ŋkùv mensàŋ Nyùy Tàr, e sùúy jii,

Remrí 31:9

Mooser‑iì sàŋ yéʼéy Nyùy rə̀n wùn à nsər si é ŋwàʼ, e wày áàtàá cù wùn à vilìmbìy veé Isray ví kiwo. Kù‑uù dzə̀ atàá cù, áwune vee rám Levi, a dzə̀ áwune ve vé‑eè béʼ ŋkùv mensàŋ Nyùy Tàr.

Joshua 3:4

Ŋkùv mensàŋ yíi a dànèr ven mo bó vèn yòʼ‑oò yiì ne shaà e dzəə fen. Vèn wáa yen fóo yìi koʼtí e ghaŋ wo. Vèn yíi a wìy kén kwaʼda fo bàm moo kintoʼnìn ke may bèy.»

Joshua 3:6

Joshua yiì lò, e yòŋ aàtàá cùu ji á beʼey á ŋkùv mensàŋ, a dù a sho e wírí mbìy. Áwune ku nèn yiì mo wù yòŋèn.

Joshua 3:8

À yíi yòŋ aàtàá cù ve á béʼ ŋkùv mensàŋe ji á yií mee e ndzəv yee Jordan, á nə̀ə́, a tiy a sho.»

Joshua 4:10

Wíri kù‑uù gitì, túm ndzə́v, aàtàá cù ve vé‑eè béʼ ŋkùv mensàŋe kù tíy e kintìntìn ke ndzəv, e meé mo kinyo ke Nyùy Tàr‑iì yòŋèn e Joshua ji wíri yii kí‑iì màyìn. Kinyo kìn kidzə̀m ki kù‑uù kòóy réŋréŋ mo Mooser‑iì tiisin e Joshua fo ŋgùʼ.

Joshua 6:6

Joshua woo wan Nun və̀n nèn jàŋrì atàá cù, e sùúy aáwune jii, «Vèn li ŋkùv mensàŋ Nyùy Tàr, áàtàá cù vee saàmbàa wáa ker sóŋ see loŋ kiyaʼ, a dù sho fo mbìy.»

Ŋgaà Yen 14:4

Mo áwune ghvə́m a dzə̀ Wan Njiì Nyùy, á nén a dzə là shilóm moo wánlè lùmèn wo bó yòʼ dzə̀ wù kùm wiíy, kù dzə́, shiy a dzə̀ və́ə. Áwune ku nèn a jùmrì a dzə̀ wun woo Wan Njiì Nyùy, wùn áwune wáa dù fo wù du. A Nyùy‑iì shòʼtí ne áwune, e fə̀ə́r fo wìr msǒŋ mvəm, wáa dzə wír mbìyi ve kér wun woo Nyùy wùn Wan və wo á yoŋ ji Wan Njiì.

1 Samuel 6:15

Kí wáa koóy bèy, a wír veé ram Levi ámóʼó dzə̀ fó. Kù‑uù sə̀ʼə́r áwune ŋkùv mensàŋ Nyùy Tàr wùn à shiŋkùv she vimfìʼìr ve vifa vi‑iì dzəə̀n shó, vee kisha ke mbàm ke baar kí, e tìír e kitu ke lum kilan fèy. Wír veé Bet‑Shemeshi ku nèn a cù Nyùy Tàr é kishiíy fóo fèy, ton nyám se tonèn sí, seé se seén sí.