Joshua 3:17 - ŊWÀʼ NYÙY

¹⁷ Aá líysinè, aàtàá cù ve vé‑eè béʼ ŋkùv mensàŋ Nyùy Tàrí kù tíy e mvə̀m Jordan e nsay ye yumér. Á tiím fó, e meé mo kitúm kidzə̀m ki‑iì tumen, e mày.

Joshua 3:17 Iomraidhean Croise

2 Afòn 2:8

Elija shóʼ kikúm kfə́, e kaàrí, e dzə̀v ndzə́v shó. Ndzə́ví nèn jàvsìn mbìv sibaà, áwune vee abàá túm é nsay ye yumér.

Nsùyrì Nyùy 66:6

Wù‑uù jàvsìn rìbà ndzə̀v, fóo kfə́n é nsay ye yumér, wír vəə́ ghán, e tùmsín ndzə́v e kiwuú kí. Dzə̀ fó, fo vèr‑iì shéʼri lim rə́ é ŋàŋ.

Ŋwàʼ Fəə 14:21

Mooser nèn ràmsì mbàŋ rə é kitu ke rìbà ndzə̀v, Nyùy Tàr yiì, shwér wo tavíné wìy fo mbìv ye shùy yii tó fo fo, a shaà vitsə́ʼ vifur. Shwér woo shooyi yiì, ndzə́ví jàvsìn, e kfə̀n é bàm. Rìbà ndzə̀v yúm, fóo kfə́n ji nsay ye yumér.

Ŋwàʼ Fəə 14:22

Wír veé Israyi nèn nə̀ə́ e rìbà ndzə̀v, a shaà e mvəm wó a dzə̀ é nsay ye yumér, a ndzə́ví sə́r wún fó kùy wùn à fó tsən moo virə́v vé lav bèy.

Ŋwàʼ Fəə 14:29

Yii bèy, a wír veé Israyi kù kì tòsín kév a dzə̀ é nsay ye yumér, a ndzə́ví tíy moo virə́v vé lav fo mbìv kùy wùn à fó mbìv tsə̀n.

Aysaya 25:8

Nyùy Tàr woo Taà Ndzə wíy laàr kpú, é yí may ŋkuuŋkùŋ. Wù wíy sòr mensíy fo wìr dzə̀m si, e sù wír və́ fó liy se á shur áwune shó virə́ʼ vidzə̀m. Á ŋkàʼmé wo Nyùy Tàr yiìn.

Kintaŋ 33:51

wù suúy á e wír veé Israyi jii, «Vèn yíi liysín Jordan, e nəə́ e nsay Kanan,

Hibru 11:29

Wír veé Israyi wáa dzə sa, a vé‑eè wày shilív e Nyùy wùn, e nèn tùm Rìbà Ndzə̀v wo Baar, aá ghán a dzə̀ é nsay fo meyumér. Wír veé Ejivi siíy, e wìy kév, a bìʼnìn ji á túm sa sho, yí kuúy áwune.

Joshua 4:1

Kitúm kee Isray kidzə̀m ki líysín ndzə́v e mày, Nyùy Tàr suúy e Joshua jii,

Joshua 4:10

Wíri kù‑uù gitì, túm ndzə́v, aàtàá cù ve vé‑eè béʼ ŋkùv mensàŋe kù tíy e kintìntìn ke ndzəv, e meé mo kinyo ke Nyùy Tàr‑iì yòŋèn e Joshua ji wíri yii kí‑iì màyìn. Kinyo kìn kidzə̀m ki kù‑uù kòóy réŋréŋ mo Mooser‑iì tiisin e Joshua fo ŋgùʼ.

Joshua 4:11

Mo wíri màysìn, e tùm é ndzən və̀sə, atàá cùu nèn bèʼèy ŋkùv mensàŋ Nyùy Tàr, a liysín sa, a wíri tíy, leeyì.

Joshua 4:22

á yiì, é wóné kiíy ji wír veé Israyi‑iì tùm á ndzə́v yee Jordan rə̀n e nsay ye yumér.

Joshua 4:3

e sùúy, aá táyrí tíy sí nshòv sibaà e ghvə̀m kù fo atàá cùu tíyí e kintìntìn ke ndzəv, e bèʼèy, e dù, e neèr fo vèn yíi shiíy lán.»

Joshua 5:1

Á bèy, afon veé mbìv Jordan yee fo shùy yii nəə adzə̀me lòo yu mo Nyùy Tàr tinen ndzə́v yee Jordan, yí tiím, e mèé mo wír veé Israyi‑iì tumen e mày, tím yéví kpú, wún wóví seèm, la áwune yòʼ kfə̀n a ker vitaáví vée fùnèn wír veé Isray. Aàfon vee shooyi‑iì dzə̀ veé Amor wùn à veé Kanane, a veé Kanane‑eè dzə̀ kév a dzə̀ é ghaŋ se rìbà ndzə̀v.