Joshua 3:16 - ŊWÀʼ NYÙY

¹⁶ ndzə́ví tínén, ye yí‑iì sə́y fo taa tiím, e fùmén, e dù kwaʼda, a meé e ŋkàlaʼ yee Adam ye yì dzəə̀n é ghaa Tsaretan. Kinshèr ki ku jìysí, e sə̀y é mbìv rìbà ndzə̀v woó mbuŋ Araba, aá yoŋ ji Ndzə́v Shiŋgwaŋ, a bó shindzə́v shí yòʼ dzəə́ kum fo. Wíri nèn a liysín e ndzə̀n Jeriko.

Joshua 3:16 Iomraidhean Croise

Kèʼlo 14:3

Afon vee atàn vìne‑eè yiì ne *mensaŋ, e bàʼtí shuu sév sé rər é Mboʼ Siddim ye dzəə̀n lèn ji Ndzə́v Shiŋgwaŋe.

1 Afòn 4:12

wùmòʼ Baana woo wan Ahilud wo wù‑uù sáʼ Taanak wùn à Megiddo, à nsay Bet‑Shean e dzə̀m ye yì méʼ Tsaretan e mbìv Jesreel yee tsə́n, a dzə̀ nsay yee kèʼ fó Bet‑Shean, e dù mèé e Abel‑Mehola, e liysín e Jokmean.

1 Afòn 7:46

A fòn‑eè sùúy, á fèr vifá vìn a dzə̀ é mboʼ ndzə̀v yeé Jordan, e ntìntìn Sukkot wùn à Tsaretan, fo vé‑eè yii ton visha.

Nsùyrì Nyùy 114:3

Nyùy dín kitú kfə́, Rìbà Ndzə̀v yúm, ndzə́v yee Jordane tiím fó a leŋ.

Nsùyrì Nyùy 114:5

Éè Rìbà ndzə̀v, yì‑iì kòóy ka, é bo à yúm? Éè Jordan, kòóy ka, é bo à tiím fó a leŋ?

Nsùyrì Nyùy 29:10

Kù màʼ Nyùy Tàr kàvàʼ e kitu ke mbàʼ. Kù sáʼ Nyùy Tàr vifon ghán sidzə̀m, a bó ví yòʼ wíy mày.

Nsùyrì Nyùy 33:7

Wù‑uù bàʼtí rìbà ndzə̀v é kirə̀ʼ kimòʼón, e kìŋ fó, fo wù fəə́ é kwaʼ.

Nsùyrì Nyùy 66:6

Wù‑uù jàvsìn rìbà ndzə̀v, fóo kfə́n é nsay ye yumér, wír vəə́ ghán, e tùmsín ndzə́v e kiwuú kí. Dzə̀ fó, fo vèr‑iì shéʼri lim rə́ é ŋàŋ.

Nsùyrì Nyùy 74:15

Wò‑oò yiì, ntòŋ sé ndzəv sí mvə́ʼkír, mewón me ndzə̀v mè fəə́kír, e kfə̀n lò, e yiì, ndzə́v se kuʼkìn sí yúmkír yumkín.

Nsùyrì Nyùy 77:19

Tuúmé yée wáa dzə a dzə̀ é rìbà ndzə̀v fo ŋkiʼ dzəə̀n, a kiwuú ké ke dzəə kí tóʼnin a dzə̀ ndzə́v ye wiyí, a bó yòʼ‑oò dzə̀ wìr yèn kitooshì ké.

Nsùyrì Nyùy 78:13

Wù‑uù tòʼnín rìbà ndzə̀v, dzəə̀ fəə́sín, áwune shaà sho, a wù yií ne, ndzə́ví wáa tiy moo virə́v vé lav bèy mbìv sibaà.

Ŋwàʼ Fəə 14:21

Mooser nèn ràmsì mbàŋ rə é kitu ke rìbà ndzə̀v, Nyùy Tàr yiì, shwér wo tavíné wìy fo mbìv ye shùy yii tó fo fo, a shaà vitsə́ʼ vifur. Shwér woo shooyi yiì, ndzə́ví jàvsìn, e kfə̀n é bàm. Rìbà ndzə̀v yúm, fóo kfə́n ji nsay ye yumér.

Ŋwàʼ Fəə 14:22

Wír veé Israyi nèn nə̀ə́ e rìbà ndzə̀v, a shaà e mvəm wó a dzə̀ é nsay ye yumér, a ndzə́ví sə́r wún fó kùy wùn à fó tsən moo virə́v vé lav bèy.

Ŋwàʼ Fəə 14:29

Yii bèy, a wír veé Israyi kù kì tòsín kév a dzə̀ é nsay ye yumér, a ndzə́ví tíy moo virə́v vé lav fo mbìv kùy wùn à fó mbìv tsə̀n.

Ŋwàʼ Fəə 15:8

À kì fèr yúy, ndzə́ví rún, e fùmén, ye leŋéné tiím é kikfər, rìbà ndzə̀v távtí fo wù shoon, e jòʼsì.

Aysaya 50:2

Mò‑oò wìy ji m luŋer ven, yiì ka, la wìr yòʼ a dzə wóo yuurí? Yì‑iì yiì ka, é bo m wáa suúy kinyo, é la wìr mòʼón yòʼ a bìnèr fo věn mvəm? Vèn kwaʼ ji bó m yòʼ kér mbòv wóo tin ven shó fo vikwàn, a bó m yòʼ kér kitar kée bòyìr ven shó à? A dzə̀ m sùŋnín suŋnín, rìbà ndzə̀v yùm, ndzə́v sí yùm, sə́ si toòŋé kilòŋ ke yumén kí, e kpùkír.

Esiker 47:8

Wù lò, e sùúy e mò jii, «Ndzə́v rə́ne léŋ bèn, du e mbìv ntoshùy, sə́y e Mboʼ Araba. Yí nəə e Ndzə́v Shiŋgwaŋ ye yí tíy tiyín, yí yiì, mendzə́v mee fó mè kfə̀n ji me juŋ mè.

Nahum 1:4

Wù wám rìbà ndzə̀v, wù yùm. Lo, wù yiì, ndzə́v sí yùmkír sidzə̀m, vifá veé ŋgvən Bashan vi yùm, Gwan Karmel yòvrí, vibuushì veé Lebanon vi keèsí.

Habakuk 3:8

Éè Nyùy Tàr, yì‑iì tìnsín ndzə́v sí wò, é bo à wáa shwiíy kilòŋ a? Wò‑oò shwiiy kilòŋ a dzə̀ vèn à rìbà ndzə̀v a? Wò‑oò kóʼ kikfəm ke mbàʼ moo nyamŋkoʼ, mbàʼ wàa dzə kiténtén ké ke nsiì ke səŋ nyám si.

Kintaŋ 34:3

A sí wíy a dzə jii, bìíy yee tsə́n wíy nàsì fo woʼ yee Tsin, a gwàmrì fo mbìv Edom, a yì wíy kèʼ mo Ndzə́v Shiŋgwaŋe ndzə̀yìn, e mbìv yee fo shùy yii tó,

Remrí 1:1

Vinyo ve ví dzəə̀n é ŋwàʼ fèn vi kù dzə̀ jí se Mooser‑iì loòn, e sùŋnín e wír veé Israyi adzə̀m, aá dzə̀ é woʼ yeé ghaa ndzəv yee Jordan, e mbìv yee fo shùy yii tó. Vé‑eè dzə́ e mbuŋ Jordan foo fèy e ŋkìʼnìn Suv, aá dzə̀ é ntìntìn mvə̀m sé laʼ símóʼ sí. Mvə̀mlaʼ yee Paran‑eè dzə̀ é mbìv yìmòʼ, a see Tofel wùn à Laban, à Haserot, à Disahav si dzə̀ e yìmòʼ yee mbìv.

Remrí 3:17

Fo mbìv yee fo shùy yii nəə, bìíy ràm see sitaár sìn, wáa dzə, e dù, e bàʼ e ndzəv yee Jordan. Yì kèʼ fo kibaŋ keé Galeli, fo mbìv yee fó kùy, e sə̀y é Jordan, e dù, e bàʼ e Ndzə́v Shiŋgwaŋe, e mbìv yee tsə́n, e nèn dù, e ndzə̀y e sar Gwan Pisga, e mbìv yee fo shùy yii tó.

Joshua 12:3

e tàtí virə́ʼ veé mbuŋ Jordan veé mbìv yee fo shùy yii tó, e kèʼ fo kibaŋ kee Kineret, a səy, e dù meé e Jeshimot, e ghaa rìbà ndzə̀v woó mbuŋ Araba wo á yoŋ sa ji Ndzə́v Shiŋgwaŋe, bìíy nen dù jòʼsì e sar se abam veé Pisga.

Joshua 15:2

A bìíy yev yee fó tsən rə̀n‑eè kèʼ fó kibùʼ ke kí ndzə̀yìn tsə́n e Ndzə́v Shiŋgwaŋe,

Joshua 3:13

Fo ké ndzəv kí, atàá cù ve á béʼ ŋkùv mensàŋ Nyùy Tàr woo Taà Ndzəə lóo laʼ kiwuú é meshavtí meé Jordan, é ndzə́ví ku nèn tìnén fó a leŋ, é ye yí kaayìi nèn kù a run, a koʼ e yuv.»

Joshua 4:22

á yiì, é wóné kiíy ji wír veé Israyi‑iì tùm á ndzə́v yee Jordan rə̀n e nsay ye yumér.

Joshua 5:1

Á bèy, afon veé mbìv Jordan yee fo shùy yii nəə adzə̀me lòo yu mo Nyùy Tàr tinen ndzə́v yee Jordan, yí tiím, e mèé mo wír veé Israyi‑iì tumen e mày, tím yéví kpú, wún wóví seèm, la áwune yòʼ kfə̀n a ker vitaáví vée fùnèn wír veé Isray. Aàfon vee shooyi‑iì dzə̀ veé Amor wùn à veé Kanane, a veé Kanane‑eè dzə̀ kév a dzə̀ é ghaŋ se rìbà ndzə̀v.

Atǎr Nsaʼ 7:22

Mo wír vee ghii taár vìyi‑iì toŋen sóŋ, Nyùy Tàr yiì, wír veé Midiane kéʼ, a fùnèn vitú vév virə́ʼ vidzə̀m, e lò, a nyeŋkír, a dù e Bet‑Shita e dzəə ye yì du e Tsərera, du bèn du, mee e bìíy ŋkàlaʼ yee Abel‑Mehola e ghaa Tabbat.