Joshua 3:11 - ŊWÀʼ NYÙY

¹¹ Kí dzə̀ jii, ŋkùv mensàŋ Taà Ndzə yíi dù e věn mbìy, é bo á túmsín ndzə́v yee Jordan.

Joshua 3:11 Iomraidhean Croise

1 Wòŋ 29:11

Feyì, feyì, Nyùy Tàr, à dzə̀ e gháʼtín. À tàv é ŋàŋ, e kfə̀n kùʼ e ŋàŋ. À yii só soón, a vifon vé vi dzə̀ ve wiy ví. Kér wò vifá vidzə̀m veé yuv, à veé nsay vi. Rúrú, Nyùy Tàr, kù sáʼ wò vifon, a kifá kidzə̀m ki kù néŋ a dzə̀ e wò sar.

Ŋwàʼ Jov 41:11

Wìr wo wù‑uù yiìn ne fò kifá e mò, é bo m laʼ wun dzə̀ la? Bó kifá keé kitu ke nsay kidzə̀m ki yòʼ dzə̀ kém a?

Nsùyrì Nyùy 24:1

Kitú ke nsay ki dzə̀ ké Nyùy Tàr, à kifá kidzə̀m ke kí dzəə̀n shó ki. Kù kér wun kitú ke nsay, à wír ve á dzəə̀n shóo adzə̀m.

Nsùyrì Nyùy 97:5

Agwane yaáne moo ghám vilù e Nyùy Tǎr si. Á kù yaáne yaànén e wun woo Taà Ndzə si.

Aysaya 3:12

Ke Nyùy Tàr suuy ki dzə̀ jii, «Wónlè ve terií lò ne, a tay wír vém, a sáʼ wìr vémé kù sí lo a dzə̀ fo vikìy. Éè wìr vem, vilìmbìy vén ví sí tuʼùr ven túʼurin, jívir ven fo vèn wáa ghan e mǒ mbòv.»

Aysaya 54:5

Lum wò kù dzə̀ə́ wun woo Ŋgaà Mbom wò. Yír yémé dzə̀ Nyùy Tàr woo Taà Mànjòŋ. Dzə̀ mo Ŋgaà wo Ranén woó Isray, a tìn mo wò fo ŋgeʼ, a kù sáʼ mo kitú ke nsay kidzə̀m.»

Jeremia 10:7

Caamfoò, Fòn vitum, dzə̀ la wo yòʼ dzə̀ wù wàa ghvəm wò? Dzə̀ kilíŋ ké ji á wáa ghvəm wò. Mo akiíy veé vitume dzəə̀n wùn aàfon véví, wo dzə̀ á lì, a fìʼsìn wò sho yòʼ dzə̀.

Mayka 4:13

Nyùy Tàr nèn sùúy jii: «Wír veé Jerusalem, vèn ŋáʼáy, e dù, a buʼ aŋgaà vén vibàné, mo á bùʼ sáŋ. Vèn ŋáʼáy, bìʼ fo m yíi tavír ven, é vèn wáa dzə moo mbòŋ wo wù kér loŋ a dzə̀ sé kishà si. M yíi fo ven mfay, a dzə̀ see kisha ke *brons si, é vèn bvə́ʼə́y vitúm vìn moo kíŋ, é ví du é vimbvəʼ. Vèn yíi kuúy séʼ wo áwune‑eè faàsìn fo wíri, e fo e mò woo Nyùy Tàr. Vèn yíi lì bùʼ wov e dzə̀m, e fo e mò wo m kér kitú ke nsay kidzə̀m.»

Tsəfaniya 2:11

Nyùy Tàr wíy lovtí aáwune, aá wáa yàʼ, a fàn. Wù wíy laàr anyùy ve wíri ghvə́m e nsay adzə̀m, é wìr dzə̀m wìy a ghvəm a dzə̀ wun woo Nyùy Tàr. Á wíy a ghvəm wun virə́ʼ vidzə̀m, kitúm kitúm, aáwuné nsay.

Sekariya 14:9

Nyùy Tàr wíy a dzə Fon woó kitu ke nsay kidzə̀m e ghan fóo fèy, a kù jòʼsì wun bèy, a kù mày yír rə́ ye á wíy a ghvəm.

Sekariya 4:14

Yì nèn sùúy e mò jii, «Vifá vìn vi din a dzə̀ wír vee abaà ve Nyùy Tàr shoʼon ne, e yòʼ ji á wáa lìm fo wun e kitu ke nsay.»

Sekariya 6:5

Yì bìnèr e mò jii, «Viténtén vin vi din a dzə̀ shwér wo wú lo fo Nyùy, wun wo wù kér kitú ke nsay. Wú du e buu se ndzə see sikweè.

Remrí 9:3

Yii bèy, vèn kiíy lán ji wìr wo wù du fo mbìy, tee virə́ʼ moo və́y, dzə̀ á Nyùy Tàr woo Nyùy won. Mo Nyùy Tàr‑iì kàʼàn ne ven, bo wù yíi tòn áwune, e laàr e věn mbìy. Bo dzə̀ ji vèn yíi jùm áwune, e laàr áwune cércér.

Joshua 3:13

Fo ké ndzəv kí, atàá cù ve á béʼ ŋkùv mensàŋ Nyùy Tàr woo Taà Ndzəə lóo laʼ kiwuú é meshavtí meé Jordan, é ndzə́ví ku nèn tìnén fó a leŋ, é ye yí kaayìi nèn kù a run, a koʼ e yuv.»