Joshua 3:1 - ŊWÀʼ NYÙY

¹ Joshua bvəə́shí kijàvndzə, wùn à wír veé Isray adzə̀me lò fo Shittim, e dù e ghaa dzəv yee Jordan, e tùy vibàn vév a beè fo, e dù meé mo vé‑eè yíi tum ndzə́v.

Joshua 3:1 Iomraidhean Croise

Kèʼlo 21:14

Ndzə bvəə́shí, e jàv, Abraham nèn lì vifá ve yi wùn à kitém ke mendzə̀v kí, e fò e Hagar. Wù shúr é mbèʼ wo, e shàʼtì ji wùn wàn ku dù a duùn bey. Hagar nèn lì kiwuú é dzəə, a ghan, a jan e woʼ yeé Beersheba.

Kèʼlo 22:3

Ndzə bvəə́shí, e jàv, Abraham báʼtí kimbèʼbìy, e lì wón və́ lìm abaà wùn à wan və Aysi, e shètì meŋkaʼ me cù, wùn áwune nèn ŋàʼáy, a dù e kirə̀ʼ ke Nyùy‑iì suuyin e wun.

Nsùyrì Nyùy 119:60

M sí shwírí, a m yòʼ kfə̀n jívir ghán, fó a lèm nsər sé.

Jeremia 25:3

«Sì lèn viyá nshòv sitaár e mbaà mo Nyùy Tàr kù tiísi kinyo kfə́ e mò. A wù‑uù kèʼ, a Fòn Josia woo wan Amon sáʼ ne e Juda kiyá nshòv sitaár e ghvə̀m. M ku nèn a fìʼtì ntum Nyùy e vèn là yar, e wìy meé lán, vèn ku tèn fó yu.

Jeremia 26:5

e kù a ten fó a yunín jí se aŋgàa lìm vém ve m túm fo věn wùn akàŋ akàŋ,

Jeremia 7:13

Mo woo Nyùy Tàr, m nén a kàʼ ven jii, mo vèn yiìn ne vin vee vinyo, m súŋnín e vèn akàŋ akàŋ, la vèn yòʼ yuùrí, m jáŋ ven, la vèn yòʼ biìmé,

Mayka 6:5

Éè wìr vem, vèn ku kuùmé menàŋ me Fòn Balak woó Moav‑iì baan e věn bàm mè. Vèn kuúmé kinyo ke Balaam woo wan Beor‑iì bìnèrìn shó ki. Vèn kuúmé ghán yén yee lò fó Shittim, e dù e Gilgali. Mò‑oò sə́ ven bey ji vèn fiʼ kìíy mo m yii boyìr wír.»

Kintaŋ 25:1

Wáa dzə e ghan sin, a kiláʼáy ké wìr veé Isray ki dzə̀ é Shittim, vilum veé Israyi nèn lò, a dù, a jàŋ vikìy veé Moav.

Maak 1:35

Ndzə bvəə́shí, e jàv vitsə́ʼ vitsə́ʼ, Jesus lò e yuv, e fəə̀, e dù e kirə̀ʼ kímóʼ kí wùn mòʼón, a bùnrì fo.

Joshua 2:1

Joshua woo wan Nun nèn tùm wír abaà fó Shittim fo vé‑eè bee ji á du á bám bám, e kìy á woŋ. Wù suúy aáwune jii, «Vèn du, e shwèʼ woŋ Kanan, bo taaka ŋkàlaʼ yee Jeriko.» Wír vìyi nèn lò, e dù mèé e ŋkàlaʼ fèy, e nə̀ə́ e sàkì wùmǒʼ lav, aá yoŋ ji Rahav, e beè fo.

Joshua 6:12

Joshua bvəə́shí, e lò yuv kijàvndzə, atàá cùu lì ŋkùv mensàŋ Nyùy Tàr,

Joshua 6:15

Wáa dzə e kishiíy kee saàmbà, ndzə káʼ, á lò e yuv, e dù, a lev, a kaarí ŋkàlaʼ réŋréŋ mo vé‑eè léví, e lèv bey kàŋ saàmbà. Kù‑uù mày é kishiíy fóo fèy ke vé‑eè kaarin kàŋ saàmbà.

Joshua 7:16

Ndzə bvəə́shí, a kaʼ, Joshua kóʼór wír veé Isray fo si, e ram sí ram sí, kí nèn koò rám Juda.

Joshua 8:10

Wáa dzə kibvəə́shí kijàvaʼndzə, Joshua nànèn, e bàʼtí vé rərí kirə́ʼ kimòʼón, wùn à vilìmbìy veé Isray vi tsəə́né, e kòʼ shó e Ay.

Atǎr Nsaʼ 20:19

Wír veé Israyi nèn bvəə̀shí, e ŋàʼáy kijàvndzə, e dù, e bàʼtí e ghaa ŋkàlaʼ yee Gibea,

1 Samuel 17:20

Ndzə bvəə́shí, e ràn, Davir lèm anjiì e nshìy wùmòʼ, e lì vifá ve yi vìy, e nèn dù mo Tàr wov Jessi kì suuyin. Wù lòo meé e kilaʼáy, a wír veé Israyi sí yov mànjòŋ, du e shùu rər.