Joshua 24:9 - ŊWÀʼ NYÙY

⁹ Balak woo fon woó Moav woo wan Tsippor nèn ŋàʼáy, e taàmé wír veé Isray e vindzə̀ʼ. Wù‑uù jàŋ Balaam woo wan Beor, e tùm ji wù roʼ á ven,

Joshua 24:9 Iomraidhean Croise

Mayka 6:5

Éè wìr vem, vèn ku kuùmé menàŋ me Fòn Balak woó Moav‑iì baan e věn bàm mè. Vèn kuúmé kinyo ke Balaam woo wan Beor‑iì bìnèrìn shó ki. Vèn kuúmé ghán yén yee lò fó Shittim, e dù e Gilgali. Mò‑oò sə́ ven bey ji vèn fiʼ kìíy mo m yii boyìr wír.»

Kintaŋ 22:2

A fòn woó Moav wo yì‑iì dzəə̀n Balak woo wan Tsippor‑iì yèn ne kinyo ke wír veé Israyi yiìn e wír veé Amori kidzə̀m,

Atǎr Nsaʼ 11:17

Mo á wìyìn, e nèn tsə̀nsí vé ntume fo fòn woó Edom wùn ji wù ku màʼtì, aáwune shaa á fo wun nsay. Á tiísí, la fòn woó Edom yòʼ yuùrí. Á kfən tùm ámóʼó fo fòn woó Moav wùn, wù ku dù, e shàʼnín shaʼnín. Wír veé Israyi nèn gòʼ e Kadesh.

Atǎr Nsaʼ 11:25

À kwaʼtì ji à kér kilíŋ, e shaà Balak woo wan Tsippor woo fon woó Moav à? Wù‑uù ló a wìy e nsaʼ ji wùn à wír veé Israyi wáa taŋ nsay a? Wù‑uù lo ghàn fəə̀ rə́r féyì wùn áwune á?