Joshua 24:31 - ŊWÀʼ NYÙY

³¹ Wír veé Israyi‑iì ló a ghvəm Nyùy Tàr e Joshua ghan, e dù meé mo ŋgày sé wìr se sí‑iì shaàn wun si‑iì kpukin, ŋgày sé wìr se sí‑iì yenen viŋgaʼnìn ve vinyò ve Nyùy Tàr‑iì yiìn e wír veé Israyi vidzə̀m.

Joshua 24:31 Iomraidhean Croise

Kèʼlo 14:10

E ghan fen, Mboʼ Siddim rə̀n‑eè kér bií sé kunta e ŋàŋ. Fòn woó Sodom wùn à woó Gomorra lòo leʼ, wír ámóʼó tókír shó, ámóʼó nyéŋ, e kòʼ áàgwan.

2 Wòŋ 24:2

Yì‑iì dzə̀, a Jehoyiada woo taà cù dzə̀ə́ sho, Fòn Joash kú a yiì vinyo ve ví wáa gheén Nyùy Tàr.

2 Wòŋ 34:33

Fòn Josia nèn lo, e laàr kinyo kee ji anyùy fo wír veé Israyí nsay, e nèn a banrí áwune, á wáa cù a dzə̀ Nyùy Tàr woo Nyùy wov. Yì‑iì dzə̀ e wun ghan sé saʼ, bó wíri yòʼ‑oò lo ghàn yàr fó a cù Nyùy Tàr woo Nyùy atàr vév.

Lim Aŋgàa Ntum 20:29

M suuy bèn, a m kì ji m wíy bìn ndzə̀m, é nyám se bi sí nəə́ é mvə̀m ŋgoo njiì fèn, e làa yòʼ a nyàʼ wóo lemér.

Remrí 11:2

Lán və̀n, vèn kuúmé ji Nyùy Tàr woo Nyùy won‑eè dìn lim sə́ a dzə̀ e vèn ji vèn fiʼ kìíy mo wù dzəə̀n. Bó wù yòʼ‑oò lo dìn a dzə̀ e wón véné. Yì‑iì yèn ven vikuʼùy vé Nyùy Tàr, e yèn vitaáví və́, e kfə̀n yù mo wù ghaʼan.

Remrí 11:7

Kí nén a dzə jii, kù dzə̀ ven vin ve vèn‑eè yenen e sí yéné vinyo ve tavkín ví vidzə̀m ve Nyùy Tàr‑iì yiìn.

Remrí 31:13

Vèn kù wíy a yiì bèy, e dù, e meé mo vèn wíy a dzə e nsay ye vèn líysin ndzə́v yee Jordan ji á yov, e kù a yiì bèy, ji ŋgwàʼ sidzə̀m se sí dzəə́ wìy a koʼ fo bàm, a bó á yóʼ ne kìíy nsər sìn si fíʼ a yu, a yeʼéy sa mo dzə̀ á wàa ghvəm Nyùy Tàr woo Nyùy won.»

Remrí 31:29

M sì é shùu kpu, a m kì jii, yì yíi ran kibvəə́shí, é la á yòʼ dzə́ə a ci kinyo ké a yiì, kìn dzə̀ ke juŋ ki, kìn ke bi kí. Áwune yíi a yiì bèy, a tav kitú fo Nyùy Tàr, e ten fó a dzə mo mò‑oò yòŋèn ji á wáa dzə. Nyùy Tàr wíy shwiíy kilòŋ, é vinyo ve biibí ví wáa koóy áwune.»

Filipi 2:12

Ŋkàr sem, dzə̀ sá mo vèn kú a yu a dzə̀ fo Nyùy. Vèn‑eè ló a yu e ghan se vèsən‑eè dzəə̀n. Vèn ku nèn a yu e shaà bèy lèn wo bó m yòʼ dzə̀ə́ vèsən, e màysì, a yiì moo wír ve Nyùy liìn ji və́, a fàn, a yàʼ fó jay kinyo e wun, é vèn nèn wìy lùŋ.

Atǎr Nsaʼ 2:10

Ŋgwàʼ yee shooy‑iì kpù, e mày, yìmòʼ yee ŋgwàʼ siíy, e kòʼ, e nèn a meŋ Nyùy Tàr, a bó á yòʼ kiiy lim se wù‑uù lìmèn e wír veé Israyi.

Atǎr Nsaʼ 2:6

Yì‑iì dzə̀ é ghan se Joshua‑aà baʼtin wír veé Isray, e lòo màʼtì ji á wáa dù, wìr mòʼón mòʼón nèn lò, e dù ji wun yov á rə́ə yee nsay ye vé‑eè foon ji və́ vee vitsə́ʼ.

Atǎr Nsaʼ 2:7

Áwune dù bèy, e nèn kù a tiy e Nyùy Tǎr wùn ghán sidzə̀m se Joshua‑aà dzə̀ə́ sho, e kù sìíy, a tiy sa bèy, a vilìmbìy ve ví‑iì yenen viŋgaʼnìn ve lìm ve Nyùy Tàr‑iì yiìn e wír veé Israyi dzə̀ə́ sho.