Joshua 24:27 - ŊWÀʼ NYÙY

²⁷ Wù tuúy, e sùúy e wíri jii, «Vèn yén, tíy rə́ne yíi a dzə njen wòsən, bìʼ fo yí yuun ne jí se Nyùy Tàr yòŋèn e vèsən sidzə̀m. Yí kù yíi a dzə njen won, fo vèn lo, a shwèy Nyùy won, a meŋ wun.»

Joshua 24:27 Iomraidhean Croise

Ŋwàʼ Jov 31:23

Àáy, mò‑oò fan kém laar ye Nyùy laar wíri fánen. M kù‑uù fan Nyùy ji fon wo ghaʼán.

Ŋwàʼ Jov 31:28

bo kù‑uù dzə̀ sá kinyo ke bi kí, ke a dzə̀ á kù tìír mo é kibàʼ ke nsaʼ, bo kù‑uù dzə̀ ji m mèŋ á ne Nyùy wo wù dzəə̀n é yuv.

Ŋgàn 30:9

Lá à yòʼ fò, é ví kuʼnin, fo m wáa meŋ wò, a suúy ji Nyùy Tàr dzə̀ la? Lá à yòʼ yiì, é m wáa tàn kitan, fo m kfə́n ji shóŋ, e shoór wò woo Nyùy wom.

Aysaya 1:2

Éè yùv, yuúrí. Éè nsay, yuúrí, e yù. Nyùy Tàr suuy jii, «M lìy wón, e gèʼ shó, á kúykír, e nèn bìnkìr, a tsəy kóy vèr áwune.

Aysaya 59:13

Vèr tàv ne kitú, e mèŋ wò woo Nyùy Tàr. Vèr bìn ne ndzə̀m e wò woo Nyùy wor. Vèr nə̀ʼsì ne wír ámóʼó, e ŋwày kinyo ké. Vèr kù sí baʼrì a dzə̀ kimboʼtì e věr meliv, fəər a dzə̀ kíwun fo shuù.

Habakuk 2:11

Fə̀m tíy yeé wǔn lav, yí kù tóŋ, táŋ a dzə̀ ven, a vitu ve lav vi fó binèr bìʼ vinyo ve vèn buʼtì.

Kintaŋ 11:20

Áwune kù wíy a yi ŋwee e fur, e meé mo ví wíy a fàmtìn, a fəə fo yuy, e kfə̀n a kùʼnìn, a koʼóy áwune. A kí dzə̀ bey bìʼ fo áwune ŋwayin Nyùy Tàr wo wù dzəə̀n aáwuné mvəm, a toŋ e wun si, a suúy jii, ‹Yì‑iì fə̀ə́r ka ver fó wòŋ Ejiv feyì.› »

Matio 10:33

Wáa dzə wír wo wù méŋ mo lèn e wírí si, bo m wíy meŋ sa ŋgaàŋ e Tàr wor woó yúv si.

Ŋwàʼ Luk 19:40

Jesus bìnèr jii, «M suuy e vèn jii, aá fə̀m yàr, bo dzə̀ tíyí kù a ndzəʼ.»

Remrí 30:19

M bí yúv wùn à nsay e kishiíy ké lán ki ji anjen kinyò ke m neer e věn si ji vèn shóʼ ke á shóʼó, a ví dzə̀ jii, luŋ, kìn kpú, kisəəvì, kìn lòn. Bo dzə̀ ji vèn shóʼ á luŋ, é vèn à ŋgwàʼ sén sí wìy bònen shìíy.

Remrí 31:19

«Kí nén a dzə lèn jii, m lo, e fo luŋ e vèn. M fó, vèn sàŋ, e yèʼéy wír veé Isray sho. Á wíy lóo yòv, lóo màʼtì dzə́ə yem, é luŋ və̀ne wáa dzə kisəəm ke kí din jay wov.

Remrí 31:21

Vinyo ve bi ví wùn à ŋgeʼ si wíy lóo gbù aáwuné kitu, é luŋ və̀ne kú a yìmrì áwune moo njen, bìʼ fo wú wíy gòʼ e ŋgwàʼ sév sí shuù. M kì kinyo ke áwune taáme, é bo m fəm lì áwune, a dù sho e nsay ye mò‑oò kàʼàn ji m fó aáwune.»

Remrí 31:26

«Vèn li Ŋwàʼ Nsər və̀ne, e neèr e Nyùy Tàr woo Nyùy wón ghaa ŋkùv mensàŋ, é wú fíʼ wìy a dzə fo, a dzə bèy ji njen kinyò ke wír vìne lo, a yiì.

Remrí 32:1

Aà yùv, aà nsay, vèn yuúrí kinyo ke m yoŋ ki. Vèn yuúrí kijuŋ.

Remrí 4:26

M nén a bi yúv wùn à nsay lán ji á wáa yen a kinyo ke vèn yii. A vèn tàv kitú fo Nyùy, é la vèn yòʼ dzəə dzə̀ʼtì ntàmda e nsay ye vèn líysin Jordan, e nəə́ sho. Bo vèn lo, e rèŋ fo kitu ke nsay, e mày. A kí kòóy bèy, aá ku laàr ven láarin ŋkuuŋkùŋ.

Titur 1:16

Wír vee béyi suuy feyì ji áwune kì á Nyùy, a vinyo ve áwune yii vi din ji bó á yòʼ kì. Áwune táv a dzə̀ kitú fo Nyùy, liì wov kóʼóy é ŋàŋ, a bó yòʼ dzə̀ á yiì kinyo kee réŋ gheéy.

Joshua 22:34

Rám Ruben wùn à yé Gadi nèn shù yír kiy cù və̀y ji «Njen», e sùúy jii, «Wù tíy vinjen e vesə́n nsàn, a dzə̀ ji Nyùy Tàr dzə̀ Nyùy.»

Joshua 24:28

Joshua nèn tàʼár wíri, á wáa dùkìr, wìr wáa kfən e wun kirə̀ʼ, wìr wáa kfən e wun kirə̀ʼ.

Ŋgaà Yen 3:8

M kì vinyo ve vèn yii vidzə̀m, e kfə̀n kìíy ji vèn yòʼ kér a kitar, a vèn kù tíy e mǒ kinyò kitávín, yii mo kí dzəə̀n. M nen mvə̀ʼ shúu lav, e lèm e rə́ ji vèn shaa shó, a bó yòʼ dzə̀ wìr sə̀tí.

1 Samuel 7:12

Samuel lì tíy, e tùúy e kintìntìn ke Mispa wùn Shen. Wù‑uù shù yír kirə̀ʼ kin ji Ebeneser, shu bèy suuy jii, «E wìy meé lán, Nyùy Tàr kù sə́ ver.»