Joshua 24:25 - ŊWÀʼ NYÙY

²⁵ Á bèy, Joshua nèn bàʼtí wíri, á gwàr *mensaŋ wùn à Nyùy e kishiíy fóo fèy e Shekem. Joshua neèr sáʼ, e naàrì ntò se mensàŋ se dzə̀ wíri wàa tiy sho,

Joshua 24:25 Iomraidhean Croise

Kèʼlo 35:4

Á yú bey, e nèn bàʼtí mebvə̀m mev, à shív se vé‑eè sə́ŋri e vitùʼùr sí, e fò e Jakov, wù dzəə̀mè e sar kici ké *terebint ke kí‑iì dzəə̀n é ŋguùŋè Shekem foo fèy.

2 Afòn 11:17

Taà cù woo Jehoyiada nèn tìír Fòn Joash wùn à wíri e Nyùy Tǎr si, á gwàr *mensaŋ wùn à Nyùy Tàr ji áwune yíi a dzə a wír Nyùy Tàr. Wù kfən yiì sa fòn wùn à wíri gwàr mensaŋ.

2 Wòŋ 15:12

Áwune nèn yiì kilìʼ, e biìmé ji áwune yíi a ghvəm a Nyùy Tàr woo Nyùy atàr vév shilív shév shidzə̀m, a ghvəm kitú kév kidzə̀m.

2 Wòŋ 15:15

Wír veé Juda adzə̀me‑eè shèʼrí kinyo ke kilìʼ kin, bìʼ fo áwune‑eè yiìn shilív shév shidzə̀m. Áwune‑eè wày vifií vév vidzə̀m ji á kfə́n á fo Nyùy Tǎr wùn, a wù‑uù lo səə̀sí áwune, e fò áwune nyaáŋ mbìv sidzə̀m.

2 Wòŋ 23:16

Jehoyiada wùn à fòn, à wíri nèn yiì kilìʼ ji áwune sì á wír Nyùy Tàr.

2 Wòŋ 29:10

«Ké lèn ki, m taʼ ji vèsən yii ŋkàʼmé vèsən à Nyùy Tàr woo Nyùy wìr veé Isray, é la wù yòʼ dzə́ə a shwiíy kilòŋ vèsən áwune.

Nehemia 9:38

Á nèn a yòŋ jii, «Bìʼ vinyo ve ví kooyin vin vidzə̀m, vèr nén a gwàr *mensaŋ me mè yií a tiy fo. Vèr lo, e saŋ aàŋwàʼ, é vilìmbìy vér wùn à wír vér veé ram Levìi, aàtàá cù vérí wáyrí vifin vév shó.»

Ŋwàʼ Fəə 15:25

Mooser tóŋ e Nyùy Tàr, Nyùy Tàr dìn kicí e wun, wù màʼ e ndzəv, mendzə́v mè nèn bòŋ. Dzə̀ é kirə̀ʼ fen fo Nyùy Tàr‑iì tiirin kinyo kímóʼ kí aáwuné wùn, e fò nsər ye dzə̀ áwune wàa lèm, e taàsín áwune shó.

Ŋwàʼ Fəə 24:3

Mooser nèn dù, e yèn wíri, e fìʼtì jí se Nyùy Tàr sidzə̀m aáwune, e kfə̀n fìʼtì nsər se wù foon. Màŋgòŋ yú, e bìnsí jí e mòʼón jii, «Kinyo kidzə̀m ke Nyùy Tàr suuyin, vèr yíi a yiì.»

Remrí 29:1

Nyùy Tàr‑iì yòŋ e Mooser e nsay Moav fèy ji wù gwar á *mensaŋ wùn à wír veé Israyi e wun yir, é mè dzəsi á wún é kitu ke mensàŋ me wù‑uù gwàrìn wùn à wír veé Israyi é Gwan Sinay. Ntò se mensàŋ mee shooy si síne.

Joshua 24:1

Joshua kùm rám seé Isray, sí báʼtí é Shekem. Mo á wìyìn, wù jàŋrì ŋgày sé wìr wùn à vilìmbìy vi, à vé saʼa, à wír veé vitu ve ntaʼa ji á kóʼtí, a tiy e ŋkùv mensàŋ Nyùy Tǎr mbìy.

Joshua 24:26

e sàŋ jí sìn e Nyùy Ŋwàʼ Nsər, e lì màkìlan, e tùúy fo, e sar kici kee *terebint ke kí‑iì tíy e kirə̀ʼ ké cù ke Nyùy Tàr.