Joshua 24:23 - ŊWÀʼ NYÙY

²³ Wù suúy aáwune jii, «Vèn fəə́r ri anyùy vitum ve vèn kéríi, e wày shilív shén a dzə̀ e Nyùy Tàr woo Nyùy woó Isray wùn.»

Joshua 24:23 Iomraidhean Croise

1 Afòn 8:57

Nyùy Tàr woo Nyùy wòsən wáa dzə vèsən áwune mo wù‑uù dzəə̀n wùn aàtàr vesəné. Lá wù yòʼ màʼtì vèsən, lá wù yòʼ màʼày vèsən.

1 Afòn 8:58

Wù ku yiì, é vèsən wáy shilív e wun wùn, a ghan e wun mbòv, a yu sáʼ rə́, a yunín nsər sə́, a ghar vinyo ve wù tínen vidzə̀m, vinyo vidzə̀m ve wù‑uù yòŋèn áàtàr vesəné.

Nsùyrì Nyùy 119:36

Yìi, é shilív shém shí wáa lùm e vinyò ve à foon, é la m yòʼ a jùm a dzə̀ káv woó nsay.

Nsùyrì Nyùy 141:4

Ku yiì, é la shilív shém shí yòʼ a yeʼtí e kinyò ke bi kí. Ku yiì, é la m yòʼ a tatí wír ve bií, é vèr áwune wáa yiì vinyo ve bi ví. Ku tèér fo m tátí áwune, é vèr áwune wáa yinín kikóŋ.

Nsùyrì Nyùy 81:10

Dzə̀ mo Nyùy Tàr woo Nyùy won, mo, wo mò‑oò fəərin ven fó wòŋ woo Ejiv. Vèn maʼ wó yéné, é m ku rùnsí e vifá ve juŋ vi.

Ŋwàʼ Fəə 20:23

Lá vèn yòʼ fèr mebvə̀m ji vèn fíʼ a cù mo á yii cu mo, kìn dzə̀ me á fèrìn e kisha ke mbàm ke fəvír kí, kìn ke baar kí.

Ŋgàn 2:2

Ku mvə̀ʼtì vituʼùr vé vi, e yuùrí jí se sí fó wò vifií sí. Yuúrí yéʼéy ye afií yéʼey wò shoo, a mùm ji à kiíy nsàv.

Hosea 14:8

Wír veé Isray, m yòʼ kfə̀n kér fó wìy yu kinyo kímóʼ kí ji mebvə̀m me vèn ghvə́mé. Dzə̀ mo wo m yú bunrì yén, leey fo vèn. M dzə̀ moo kicí ké dzəʼə̀y ke kí teʼ, boʼrì ghán sidzə̀m, kiŋsìn ven. Kisəəvì kén kidzə̀m ki kù lo a dzə̀ fo mò.»

Joshua 24:14

Joshua nèn sùúy lèn jii, vèn wáa ghvəm a dzə̀ Nyùy Tàr, a cù wun rúrú, e kfə̀n a tiy tìítiy e wun kinyò. Vèn maʼti anyùy ve atàr véné‑eè cu e Mesopotamia, à ve vé‑eè cu e Ejivi. Vèn kú a cù a dzə̀ Nyùy Tàr.