Joshua 24:21 - ŊWÀʼ NYÙY

²¹ Wíri bìnèr e Joshua jii, «Àáy, vèr yíi a ghvəm a dzə̀ Nyùy Tàr.»

Joshua 24:21 Iomraidhean Croise

Ŋwàʼ Fəə 19:8

Wìr dzə̀m nèn bìnsí jii, «Vèr yíi a yiì vinyo vidzə̀m ve Nyùy Tàr suuyin.» Mooser nèn kfə̀n é bàm, e sùúy e Nyùy Tàr kinyo ke wíri kì binsin.

Ŋwàʼ Fəə 20:19

Á nèn sùúy e Mooser jii, «Kù yíi a suŋnín wò e vèr, é vèr wáa yuurí. Lá à yòʼ màʼtì, é wáa suŋnín Nyùy e vèr, fo kpúu li ver.»

Ŋwàʼ Fəə 24:3

Mooser nèn dù, e yèn wíri, e fìʼtì jí se Nyùy Tàr sidzə̀m aáwune, e kfə̀n fìʼtì nsər se wù foon. Màŋgòŋ yú, e bìnsí jí e mòʼón jii, «Kinyo kidzə̀m ke Nyùy Tàr suuyin, vèr yíi a yiì.»

Ŋwàʼ Fəə 24:7

e nèn lì Ŋwàʼ Mensàŋ, e yòŋ e wíri. Áwune yú, e bìnsí jii, «Kinyo kidzə̀m ke Nyùy Tàr suuyin, vèr yíi a yiì, a yunín wun.»

Aysaya 44:5

Vitúm vi wíy lò, é wìr nèn a binsí jii, ‹M dzə̀ wo Nyùy Tàr.› Wùmòʼ woo wír wíy a tasín jii, ‹M dzə̀ rám Jakov›, é wùmòʼ wáa saŋ e koy jii, ‹M dzə̀ wir Nyùy Tàr›, e nèn a yòŋ kitú kfə́ ji wír woó Isray.»

Remrí 26:17

Lán və̀n, vèn bìnsí ne e shuu wóné ji Nyùy Tàr dzə̀ á Nyùy won, e kàʼ ji vèn wíy a ghan a e wun mbòv, a yu sáʼ rə́ wùn à nsər sə́ sí, à vinyo ve wù tínen vi, e kfə̀n a yunín jí rə.

Joshua 24:20

A vèn màʼtì Nyùy Tàr, a ghvəm a dzə̀ anyùy, bo wù yíi bìnkìr, e màʼ ŋgeʼ e věn kitu, e laàr ven, fə̀m mo wù‑uù yii kijuŋ e vèn.»

Joshua 24:22

Joshua suúy aáwune jii, «Vèn dzə̀ anjen fo věn vitu ji vèn shòʼ á ne ji á yíi a ghvəm a dzə̀ á Nyùy Tàr.» Áwune bínsí jii, «Eè, vèr dzə̀ anjen.»