Joshua 24:20 - ŊWÀʼ NYÙY

²⁰ A vèn màʼtì Nyùy Tàr, a ghvəm a dzə̀ anyùy, bo wù yíi bìnkìr, e màʼ ŋgeʼ e věn kitu, e laàr ven, fə̀m mo wù‑uù yii kijuŋ e vèn.»

Joshua 24:20 Iomraidhean Croise

1 Wòŋ 28:8

«Lèn və̀n wo m tíy e wír veé Israyí si, ven ve dzəə̀n wír Nyùy Tàr, a m kfə̀n tíy, súŋnin bèn, a Nyùy wòsən yú. M nén a suúy jii, vèn wáa yunín nsər se Nyùy Tàr wo dzəə̀n Nyùy won, e fíʼ wìy gòʼ, a dzə e nsay ye juŋ rə̀n, e nèn wìy màʼtì e wón véné ji vitsə́ʼ vév.

1 Wòŋ 28:9

«Wówò Solomon woo wán wom, kiíy Nyùy wo tàr won ghvə́mé. Á ghvəm vèn à shilív shé shi shidzə̀m, à kwaʼtì yée e dzə̀m, bìʼ fo Nyùy Tàr yii tar melív medzə̀m, a wù kfə̀n yii kiiy kwaʼtì e dzə̀m ye yí dzəə̀n e wìr vifii. Aà yiì a tàʼ wun, áà wáa yen. Yii bèy, à maʼay wun, bo wù yíi bìn ndzə̀m e wò, e màʼày wò ŋkuuŋkùŋ.

2 Wòŋ 15:2

Wù fəə́, e dù, e yèn Fòn Asa, e sùúy sho jii, «Wò woo Fòn Asa, e lì wír veé Juda, à veé Benjamine, vèn yuúrí kinyo ke m yoŋ ki. Nyùy kù yíi a dzə vèn áwune, a vèn fèn yéʼti e wun wùn. A vèn lò, a tàʼ wun, wù dìn kitú kfə́ e vèn. Vèn bin ndzə̀m e wun, wù bìn sá e vèn.

Esra 8:22

Woómé si‑iì koò mo fo m kfən dù, a bùn fon ji wù fó ver á vé rərí wùn à vé nyàm se ŋkoʼo, aá tsəə́né ver bìʼ aŋgàa vibàn. A vèr fíʼtí ne e fòn ji vèr dzə̀ á e Nyùy wór kiwo, a wù kiŋsìn wír ve á yú wun, maʼ ŋgeʼ ye bi e wír ve á méŋ wune.

Nsùyrì Nyùy 89:31

aáwune ŋwày sáʼ yém, e tèn fóo lèm nsər yem,

Aysaya 1:28

Yii bèy, wù wíy tatí wír ve á tsə́y kóy wùn áwune, à ve á yii vinyo ve bi ví, e màʼ ŋgeʼ aáwuné kitu. Á bèy, a wù wíy laàr wír ve á méŋ wun láarin.

Aysaya 63:10

Yii bèy, áwune kú a tsəy kóy wùn à Nyùy Tàr, a tinsín Kiyoy kfə́ ke Ranén kí. Bìʼ bey, Nyùy Tàr nèn lò, e kfə̀n ji ŋgaà wov vibàn, wúnwun kitú kfə́ wáa ghiʼ áwune.

Jeremia 17:13

Éè Nyùy Tàr, wò woo fo kwaʼtì Israyi tíyí, wír ve á méŋ wòo wíy woomé. Wír ve á bin ndzə̀m e wòo wíy a dzə moo kinyo ke á saŋen é kibvə̀r, bìʼ fo á meŋen ne Nyùy Tàr, wun wo dzəə̀n ntoò ndzə̀v ye yì fəər mendzə́v me mè fó dzəʼə̀m.

Esiker 18:24

«Yii bèy, a wìr wo wù yii réŋ lò, e kfə̀n bìn ndzə̀m e wun yiì yee réŋé, a yiì a dzə̀ liì kisaŋ, kfə́ə wo ambùʼtìvìnyòo yii kérí, wù wàa dzə sho e tin a? Bó yòʼ dzə̀ á kfə̀n a kuumé kinyo fo vinyò vee réŋ ve wù‑uù yii. Mo liì və kù siìn wo bi, wù lì ne njò, a wù kér fóo kpu bìʼ vinyo ve bi ví ve wù buʼtì.

Lim Aŋgàa Ntum 7:42

Nyùy nèn bìn ndzə̀m aáwune, á wáa ghvəm shúy wùn à ŋwee, à mejiy mè réŋréŋ mo vé‑eè saŋen é ŋwàʼ *aŋgàa ntum Nyùy ji Nyùy suuy jii: « ‹Wír veé Isray, vèn‑eè ghán e kirə̀ʼ ké woʼ kí kiyá mkweè, seéri nyám si, cu a dzə̀ mo shó à?

Remrí 4:25

«Fə́m wíy lóo dzə, a vèn nəə́ ne e nsay foo fèy, e bònen dzə̀ʼtì fo, a ker wón, à wón woné, lá vèn yòʼ mùm kinyo kée bivír vitú vén ji á fer shibvə̀m e nshwìnin kifa. A vèn wìy mùm, bo kí wíy tinsín Nyùy Tàr, é wù wáa shwiíy kilòŋ.

Remrí 4:26

M nén a bi yúv wùn à nsay lán ji á wáa yen a kinyo ke vèn yii. A vèn tàv kitú fo Nyùy, é la vèn yòʼ dzəə dzə̀ʼtì ntàmda e nsay ye vèn líysin Jordan, e nəə́ sho. Bo vèn lo, e rèŋ fo kitu ke nsay, e mày. A kí kòóy bèy, aá ku laàr ven láarin ŋkuuŋkùŋ.

Hibru 10:38

Wír vém vee réŋé kù wíy a way shilív a dzə̀ e mǒ wùn, e wìy lùŋ. A bó yòʼ dzə̀ shilív shém shí wàa bòŋ fo wìr wo wù tsəʼtì wún é bàm.»

Joshua 24:21

Wíri bìnèr e Joshua jii, «Àáy, vèr yíi a ghvəm a dzə̀ Nyùy Tàr.»

1 Samuel 12:15

Yii bèy, a vèn dzə̀ làa yòʼ a yu Nyùy Tàr, e kfə̀n tèn fó a yunín nsər sə́, bo wù yíi meŋ ven réŋréŋ mo wù‑uù meŋen atàr vén.

1 Samuel 12:25

A vèn kù gòʼ, a jay jayín, bo wù yíi laàr vèn, e kfə̀n laàr fon won.»