Joshua 24:18 - ŊWÀʼ NYÙY

¹⁸ Nyùy Tàr‑iì jùm vitúm vidzə̀m fo vèsə́n mbìy, e jùm sa veé Amor ve vé‑eè dzə́ e nsay fèn. Bo vèr kù yíi a ghvəm sa a dzə̀ Nyùy Tàr, bìʼ fo kù dzəə̀n wun Nyùy wòsən.»

Joshua 24:18 Iomraidhean Croise

Nsùyrì Nyùy 116:16

Éè Nyùy Tàr, m dzə̀ ŋgaà wò lìm, a m dzə̀ kwàn wó, réŋréŋ mo yè wor‑iì dzəə̀n, à bòyìr ne mo fó kpu.

Ŋwàʼ Fəə 10:2

é vèn fiʼ wìy a fèr e wón véné, a fèr e wón woné mo mò‑oò tuʼùr wír veé Ejiv, yii viŋgaʼnìn vém vé vinyò aáwuné mvəm, é vèn nèn kìíy ji m dzə̀ á Nyùy Tàr.»

Ŋwàʼ Fəə 15:2

Nyùy Tàr dzə̀ vitaáví vém, a dzə̀ yòv wom. Wù lò ne, e lùŋèr mo. Dzə̀ wun Nyùy wom, a m yíi a burí wun, Nyùy wo tàr wor ghvə́mé, a m yíi a wùʼsì wun.

Ŋwàʼ Fəə 23:31

M wíy fèr bìíy yen, e kèʼ fo Rìbà Ndzə̀v wo Baar, e dù, e meé e Rìbà Ndzə̀v woó Filistia, e kfə̀n kèʼ fo woʼ, e dù, e meé e ndzəv yee Yufret. A m wíy yiì, áàŋgàa nsayi gbu ven, é vèn jum áwune, e fə̀ə́r.

Mayka 4:2

Vitúm vi wíy a wìy fo vinín, a suúy jii, «Vèn wáa wìy, é vèsən wáa koʼ e Nyùy Tǎr gwan, gwan, a dzə̀ lav Nyùy wo Jakov ghvə́mé. Nyùy yíi a yeʼéy vèsən kinyo ke wù taʼ ji vèsən wáa yiì, a vèsən kù yíi a ghan a dzə̀ e wun mbòv.» Kí dzə̀ jii, ntir se Nyùy Tàr sí kù wíy a lò a dzə̀ fó Sion, a wù kù wíy a suŋnín e wíri a dzə̀ fó Jerusalem foo fèy.

Sekariya 8:23

A ke suuy mo woo Nyùy Tàr woo Taà Mànjòŋ ki dzə̀ jii, wíy lòo dzə e ghan fóo fèy, é wíri wáa fəə fo vitum, a fə̀m dzə̀ ve ví súŋnin lám vəneé. Wíri lo e ghvə̀m, aá ghár ndzə̀y sé wìr woó Juda, a suúy ji vèsən kú a dù, vèr yú ji Nyùy dzə̀ á vèn áwune.»

Lim Aŋgàa Ntum 7:45

Wón véví nèn wìy sìíy, e sə̀ fo atàr vesən víyi, a beʼ, a wìy sho fèn. A ghán sin si‑iì dzə̀ se wùn à Joshua‑aà faasì nsay fo vitúm ve ví‑iì dzə́ fèn vi, a ghán Nyùy fo mbìy, jum vitúm vee shooy. Kibàn kee shooy ki nèn a dzə fèn, e meé e ghan se Fòn Davir‑iì sáʼ woŋ və̀n.

Remrí 10:21

Vèn wáa sùyrì wun. Dzə̀ wun Nyùy won wo wù‑uù yiìn viŋgaʼnìn ve vinyò e vèn, a ví gháʼ kfə̀n beéme, a vèn‑eè yén e sí yéné.

Remrí 33:27

Nyùy wo wù gòʼòn kàŋ mòʼón dzə̀ kibeey kén kee ŋkuuŋkùŋ. Wù kù wíy a koytí ven e kóy sə́ sí, e wìy dù, e jòʼsì. Wù wíy jùm aŋgaà vén vibàn fo věn mbìy, a jùm bèy, a yòŋ jii, vèn laar adzə̀m.

Joshua 23:9

a kuumé jii, mo vèn‑eè nəə e wòŋ, Nyùy Tàr‑iì jum vitúm fo věn mbìy, a dzə̀ ve ví ghaamen, e tàvkír. A bó wìr yòʼ‑oò lo tàm vèn áwune, e tòn ven e wìy to lán.

Joshua 24:17

Dzə̀ wun woo Nyùy Tàr woo Nyùy wòsən. Kù‑uù fə̀ə́r wun vèsən aàtàr vesəné fó wòŋ Ejiv fo vé‑eè reŋ vikwàn. Wù kfə̀n‑eè yiì viŋgaʼnìn ve vinyò e vèsə́n si, e tèʼtín vèsən dzə́ə sidzə̀m se vèsən‑eè ghán sho, téʼtin sa fo vitúm vidzə̀m vee fo vèsən‑eè shaa vi.

Joshua 24:19

Joshua suúy lèn e wíri jii, «Bó vèn yòʼ dzə̀ ve dzə̀ á cù Nyùy Tàr. Nyùy Tàr dzə̀ Nyùy wo ranén, a wù kíyri ven é ŋàŋ. Bó yòʼ dzə̀ wù làysìn jay wìr ve á méŋ wun, táv a dzə̀ kitu.