Joshua 24:16 - ŊWÀʼ NYÙY

¹⁶ Wíri nyàysì, e bìnèr jii, «A dzə̀ yiì ka, é bo vèr maʼti Nyùy Tàr, a ghvəm anyùy ve səné.

Joshua 24:16 Iomraidhean Croise

Nsùyrì Nyùy 119:106

M yiì ne kilìʼ, e fìnèr ji m kù yíi a jùmrì vinyo ve à tinen, e wày ji nsər, a ví dzə̀ là kiloʼ.

Ŋwàʼ woó Rom 3:6

Bó yòʼ dzə̀ bey gheéy. A Nyùy dzə̀ là fóo yen kinyo ke bi kí, e saʼ ji jay, bo wù kfə̀n wíy a saʼ wír veé ndzə adzə̀m fo gha?

Ŋwàʼ woó Rom 6:2

Bó yòʼ dzə̀ vèsən kfə̀n a yiì bèy. Vèsən kpù ne fo mbìv vinyò ve bi ví, a bó yòʼ dzə̀ vèsən kfə̀n a dzə, a yiì vinyo vee shooy.

Joshua 22:29

Bó yòʼ dzə̀ kí kòóy ji vèr táv kitú fo Nyùy Tàr, e bìn ndzə̀m e wun, a bom kíy cù ji wó cù ye tonèné, kìn yé meŋkfə̀ŋe, kìn ye seeríné, a bó yòʼ dzə̀ kíy cù Nyùy Tàr woo Nyùy wòsən wo wú tíy e wun shùu kibàn.»

Joshua 24:15

A vèn tàn shií wó a ghvəm Nyùy Tàr, vèn nèn shòʼ é kishiíy ké lán ki anyùy ve vèn yíi a ghvəm. Kìn vèn yíi a ghvəm a dzə̀ anyùy ve atàr véné‑eè cu e Mesopotamia, kìn anyùy wìr veé Amor veé nsay ye vèn dzə́ sho. Bo, fo kém kí, vèr à kfə́ə yémé e dzə̀m, vèr yíi a ghvəm a dzə̀ Nyùy Tàr.

Joshua 24:17

Dzə̀ wun woo Nyùy Tàr woo Nyùy wòsən. Kù‑uù fə̀ə́r wun vèsən aàtàr vesəné fó wòŋ Ejiv fo vé‑eè reŋ vikwàn. Wù kfə̀n‑eè yiì viŋgaʼnìn ve vinyò e vèsə́n si, e tèʼtín vèsən dzə́ə sidzə̀m se vèsən‑eè ghán sho, téʼtin sa fo vitúm vidzə̀m vee fo vèsən‑eè shaa vi.

1 Samuel 12:23

Fo kém kí, Nyùy wáa teér mo fo m jáy e wun, e làa yòʼ a bùnrì fo vèn. M kù wíy a dùŋrì ven dzə́ə ye juŋ wùn à yee tìítiy.