Joshua 24:15 - ŊWÀʼ NYÙY

¹⁵ A vèn tàn shií wó a ghvəm Nyùy Tàr, vèn nèn shòʼ é kishiíy ké lán ki anyùy ve vèn yíi a ghvəm. Kìn vèn yíi a ghvəm a dzə̀ anyùy ve atàr véné‑eè cu e Mesopotamia, kìn anyùy wìr veé Amor veé nsay ye vèn dzə́ sho. Bo, fo kém kí, vèr à kfə́ə yémé e dzə̀m, vèr yíi a ghvəm a dzə̀ Nyùy Tàr.

Joshua 24:15 Iomraidhean Croise

Kèʼlo 18:19

M shòʼ ne wun ji wù wáa dànèr a wón və́ wùn à rám rəə́ ji á wáa yunín mo, a yiì vinyo tìítiy là jay, é m fiʼ wìy yiì kinyo kidzə̀m ke mò‑oò kàʼàn wun sho.»

Kèʼlo 35:2

Jakov nèn sùúy e kfə́ə rəə́ wùn à wír ve wùn áwune‑eè dzəə̀né jii, «Vèn tsəʼ mebvə̀m me anyùy vitume fo věn ghaŋ, mebvə̀m me vèn kérí. Vèn bvəti vishí vén, e màʼ ndzə̀y se ranén sí.

1 Afòn 18:21

Elija nèn kòʼtí e wírí mentsə̀m, e dzə̀r jii, «Vèn wíy tùʼtìn e kwaʼtìi e baà ben, e dù meé e le? A Nyùy Tàr dzə̀ Nyùy, vèn wàa jùmrì wun, wáa dzə a dzə̀ Baal, vèn wàa jùmrì rì Baal.» Wíri ku gòʼ gòʼòn kisə́sə.

1 Wòŋ 1:14

Vitúm vímóʼ ví nen kfə̀n ràm sa fo Kanan, a ví dzə̀ jii, wír veé Jebus, veé Amor, veé Girgash,

Nsùyrì Nyùy 101:2

M yíi a tiír kiwúu kém a fìʼ, a dzə là nsem. Éè Nyùy, à yíi wìy, a tavír mo, a dzə̀ é ghàn ka? M kù yíi a saʼ ntoʼ yem é dzəə yee réŋ, shilív shimòʼón,

Nsùyrì Nyùy 119:106

M yiì ne kilìʼ, e fìnèr ji m kù yíi a jùmrì vinyo ve à tinen, e wày ji nsər, a ví dzə̀ là kiloʼ.

Ŋwàʼ Fəə 23:2

Lá wìr yòʼ jùmrì kinyo ke kisaŋ ke màŋgòŋ yii. Wìr lóo tiím vinjen e kibàʼ ke nsaʼ, lá wù yòʼ jùmrì kinyo ke màŋgòŋ, e lò, e laàr suuyrú.

Ŋwàʼ Fəə 23:24

Vèn wáa yen fóo wìy a ghvəm anyùy vév, a cù áwune, a jùmrì dzə́ə sév. Vèn laar mebvə̀m mev mè láarin, e bvə̀ʼtí sə́y se sí tíynin aáwuné virə̀ʼ vé cù.

Ŋwàʼ Fəə 34:15

«Lá vèn yòʼ gwàr mensaŋ vèn à wír veé nsay foo fène, fo áwune yií lóo taŋrí anyùy vév, lóo cù anyùy vee shooy, bí wír fo vèn, é wù du, e yì nyám ye á cuùn anyùy vév shó.

Esiker 20:39

«Éè wìr veé Isray, ke mo woo Nyùy Tàr woo Taà Ndzə suuy ki dzə̀ jii, ‹Vèn du ri, e shaà fo mbìy, a cù mebvə̀m men mèy. Yii bèy, e bǎm kee shooy, vèn kù kér fó yiì a ghvəm mo, mo wo m dzəə̀n e ránén, e làa yòʼ dzə́ə a shoór yír yém e cu ye vèn cu mebvə̀m sho rə̀ne.

Daniel 3:18

Yii bèy, a Nyùy fə̀m tèn fóo sə ver, nyàr, bo bó yòʼ dzə̀ féyì feyì vèr mùm á ji á ghvə́m nyùy və, kìn ji vèr wáa sùyrì shibvə̀m she fòn fèrìn e wóo, e tùúy shìn.»

Cù 14:42

Aá nèn wàyrí tíy se sən sí fo á kì shoʼtin siy, e lì nsay ye sən, e yòʼ lav sho.

Mayka 4:5

Mo wìr dzə̀m lo, wù kù a ghvəm a dzə̀ və́ə woo nyùy, yii bèy, fo késən kí, vèsən wíy a ghan a dzə̀ e Nyùy Tàr woo Nyùy wòsə́n mbòv, e kèʼ fo lèn, e dù, e jòʼsì.

Lim Aŋgàa Ntum 11:23

Wù dù, e mèé fo, e yèn mo Nyùy bùʼùn wír vìy e vijuŋ vi, wù wáa sheʼrí, a tir áwune ji á kú a tiy a wùn à Taàtá Jesus shilív shimòʼón.

Remrí 13:7

Kìn wù yoŋ a dzə̀ anyùy vitum ve ví kaarin ven, kìn dzə̀ vee věn mentsə̀m, kìn dzə̀ vee kwaʼda,

Remrí 29:18

Vèn wáa yen fo wìr fo věn mvəm ve á tíy fèn lán, bin ndzə̀m e Nyùy Tàr woo Nyùy won, e dù, a ghvəm anyùy vitum vee shooy. Bo dzə̀ ji a fə̀m dzə̀ lumèn, a fə̀m dzə̀ wiíy, kìn dzə̀ kfəə́, kìn rám yee shó, lá á yòʼ mùm, fo kinyo ke bi kí nəə́, a ghanén e věn mvəm moo ndzəʼ.

Joshua 24:16

Wíri nyàysì, e bìnèr jii, «A dzə̀ yiì ka, é bo vèr maʼti Nyùy Tàr, a ghvəm anyùy ve səné.

Atǎr Nsaʼ 6:10

M kfə̀n‑eè sùúy e vèn jii, dzə̀ mo Nyùy Tàr woo Nyùy won, lá vèn yòʼ a ghvəm anyùy wìr veé Amor ve vé‑eè dzəə̀n é nsay ye vèn dzə́ sho lèn. Yii bèy, vèn yòʼ‑oò lo yùnín mo.»