Joshua 24:14 - ŊWÀʼ NYÙY

¹⁴ Joshua nèn sùúy lèn jii, vèn wáa ghvəm a dzə̀ Nyùy Tàr, a cù wun rúrú, e kfə̀n a tiy tìítiy e wun kinyò. Vèn maʼti anyùy ve atàr véné‑eè cu e Mesopotamia, à ve vé‑eè cu e Ejivi. Vèn kú a cù a dzə̀ Nyùy Tàr.

Joshua 24:14 Iomraidhean Croise

Kèʼlo 17:1

Abram meé kiyá nshòv bvə̀ʼə̀ e mbvə̀ʼə̀ (99), Nyùy Tàr wìy fo wun wùn, e sùúy sho jii, «M dzə̀ Nyùy woo Ŋgaà Vitaàví Vidzə̀m. Á yunín mo, a yiì vinyo vee tìítiy vi, a dzə là nsem,

Kèʼlo 35:2

Jakov nèn sùúy e kfə́ə rəə́ wùn à wír ve wùn áwune‑eè dzəə̀né jii, «Vèn tsəʼ mebvə̀m me anyùy vitume fo věn ghaŋ, mebvə̀m me vèn kérí. Vèn bvəti vishí vén, e màʼ ndzə̀y se ranén sí.

2 Afòn 20:3

«Éè Nyùy Tàr, m lón wò lónén. Kuúmé mo mò‑oò ghán e wò mbòv tìítiy, e shilív shém shí shidzə̀m.»

Esra 9:11

ye wò‑oò tumen aŋgàa lìm vé, á wìy, e fò e vèr. Vé‑eè sùúy e vèr ji nsay ye vèr‑iì du e yòv dzə̀, a vé nsayi‑iì bìvír á ne e joonè wóví. Liì wov joònè sùm a ne fó, e kèʼ fo buu fèn, e dù e meé a e və́səə.

Ŋwàʼ Jov 1:1

Wìr wùmòʼ‑oò dzə̀, aá yoŋ ji Jov, a wù‑uù dzə́ e wòŋ wo á yoŋ ji Us. Wù‑uù dzə̀ là shilóm, tíy a dzə̀ é suuyrú, ghvə́m Nyùy, bin ndzə̀m é kinyò ke bi kí.

Ŋwàʼ Jov 28:28

«Á bèy, Nyùy nèn yòŋ e wìr msòŋ jii, ‹Rúrú, wìr lóo ghvəm Nyùy, bo sì vifií bey, lóo bìn ndzə̀m é kinyò ke bi kí, bo wù sí kiiy jeéyjeéy fó vinyò.› »

Nsùyrì Nyùy 111:10

Wìr lóo ghvəm Nyùy Tàr, bo wù kèʼ ne, a ker vifií. Lóo yu nsər sə́, bo wù sí kiiy mó a yiì vinyo. Búrí rəə́ kù wíy a tiy fo, e dù, e jòʼsì.

Nsùyrì Nyùy 119:1

Bòŋ ké wìr ve á dzəə̀n là nsem, jumrì kinyo ke Ŋwàʼ Nsər Nyùy Tàr.

Nsùyrì Nyùy 119:80

Yiì ji m kú a yu sáʼ yé shilív shidzə̀m, é la m yòʼ yiì shòór kitú, a woomé.

Nsùyrì Nyùy 130:4

Yii bèy, à kù yii laysìn ajay wíri, á làysìn rì bèy, aá bóo fíʼ a ghvəm wò.

Nsùyrì Nyùy 81:10

Dzə̀ mo Nyùy Tàr woo Nyùy won, mo, wo mò‑oò fəərin ven fó wòŋ woo Ejiv. Vèn maʼ wó yéné, é m ku rùnsí e vifá ve juŋ vi.

Esiker 20:18

Yii bèy, m kàʼtì kiwó e wón véví é woʼ fey jii, lá vèn yòʼ bìʼnìn njiìn atàr vén, a ghan aáwuné mbòv, a ghvəm mebvə̀m mev, e lòr vitú vén.

Esiker 23:3

Á nèn lò, a yiì visàkì e wòŋ woo Ejiv, fo vé‑eè dzə́, aá dzə̀ə́ wónlè, e nèn màʼtì vilum wáa tay vín yév, a yí rúnkír ne.

Hosea 3:5

Yii bèy, a ghán sí wíy gheén, é wír veé Israyi binkir, a leéy a dzə̀ Nyùy Tàr woo Nyùy wov, e kfə̀n a leéy wír wo wù wíy fəə fo Davir ram, a dzə fon wov. Wíy lòo dzə e ghan sé bàm sí, aáwune wáa koʼtí e Nyùy Tǎr si, a fàn, a yàʼ, a kìʼ kisəəvì a dzə̀ ke fó wun woo Nyùy.

Cù 17:7

Kí lóo dzə bèy, é la wír veé Israyi yòʼ dzə́ə a ghan viŋkar fo anyùy kisaŋe, a see nyám si, a cù anyùy vee bvə́y si shó. Wír veé Israyi kù wíy a lèm nsər rə̀n, e wìy dù, e mày, e ŋgwàʼ sí ŋgwàʼ si mo sí wíy a dzə.

Mayka 6:8

Éè wìr msòŋ, Nyùy Tàr dìn ne kinyo ke juŋ ke dzə̀ à yiì. Kinyo ke wù leey ji à yii kí dzə̀ jii, à kú a yiì vinyo vee réŋ ví, a ker shammèndzə̀n, a ghan e wun woo Nyùy mbòv, a borkír.

Ŋwàʼ Luk 8:15

Ŋgoòy ye yì tumkin é nsay ye juŋ nén a dzə wír ve á yú kinyo ke Nyùy, á ghàr shilív shimòʼón, a yiì mo kí dzəə̀n, a dù duùn fó mbìy.

Lim Aŋgàa Ntum 9:31

Wáa dzə e ghan sin, a vintatì ve wìr Jesus vi sí yoyrì fo ŋgeʼ e wòŋ woo Juda, wùn à woo Galeli, à woo Samaria. Vintatì vi nèn màysì, e tùúy, a ghvəm Nyùy, a yu a dzə̀ fó fo, Kiyoy ke Ranén kí wáa lùmèr melív me wíri, kintatì ki wáa kuy.

2 Korin 1:12

A dzə̀ mo vèr à wíri yii dzə́, m wàa tuy shwín, a suúy feyì fo shiliv jii, m kù yii yii kinyo e wìr, a dzə̀ ke m yú fo Nyùy, bo taaka e vèn, e làa yòʼ a bìnbìn. A bó yòʼ dzə̀ m wàa yiì kinyo, a dzə̀ ke yii kwaʼtì wír. M kù yii kinyo kidzə̀m, a dzə̀ ke Nyùy din e mò, sə́ mo, a m yii.

Efesor 6:24

Kfə̀n lón ji Nyùy kú a kòŋ ven, a leéy fo vèn adzə̀m, ven ve á wayin Tàr wòsən Jesus Kristu e shiliv, e kpù shó.

Remrí 10:12

«Wír veé Isray, ké lèn ki, kinyo ke Nyùy Tàr woo Nyùy won taʼ fo vèn kí dzə̀ cáʼ jii, vèn wáa ghvəm Nyùy Tàr woo Nyùy won, a ghan e wun mbòv, a kòŋ wun, a lìm fo wun shilív shén shidzə̀m, e fò kitú kén shó kidzə̀m,

Remrí 18:13

Vèn kú a dzə kén là njò e Nyùy Tàr woo Nyùy wón si.»

Remrí 6:13

Vèn wáa ghvəm Nyùy Tàr woo Nyùy won, a yu a dzə̀ fó fo, lóo yiì kilìʼ, vèn wàa kàn a dzə̀ yír rə́.

Filipi 1:10

Vèn lóo səə̀m, é vèn nèn a fəə́r a dzə̀ ve juujùŋ vi, é wíy lóo dzə e kishiíy ke Jesus Kristu kfə́n e bàm, é vèn wáa tiy e wùn si là nsem, a wàrkìr.

Joshua 24:2

Joshua yòŋ e wìr dzə̀m jii, «Vèn yuúrí kinyo ke Nyùy Tàr woo Nyùy wìr veé Isray suuyì. Kí dzə̀ jii, yì‑iì dzə̀ é yàŋgùʼ, aàtàr véné dzə́ é ndzə̀n Yufret, e mbìv yee fo shùy yii tó, cu a dzə̀ anyùy ámóʼó. Kù‑uù dzə̀ fo Tera woo tàr à Abraham wùn Nahor‑iì dzə́.

Joshua 24:23

Wù suúy aáwune jii, «Vèn fəə́r ri anyùy vitum ve vèn kéríi, e wày shilív shén a dzə̀ e Nyùy Tàr woo Nyùy woó Isray wùn.»

1 Samuel 12:14

Vinyo vén vidzə̀m vi yíi a dù kijuŋ, a vèn à fòn won fèn jumrì Nyùy Tàr, ghvə́m wun, lim fo wun, yú wun, kfə̀n yúnin sa nsər sə́.

1 Samuel 12:24

Vèn kú a fàn a dzə̀ Nyùy Tàr, a lim fo wun kijuujùŋ vèn à shilív shén shí shidzə̀m. Vèn kuúmé vinyo ve ghaʼtín ví ve wù yiìn e vèn.

1 Samuel 7:3

Samuel nèn yòŋ wír veé Isray adzə̀m, e sùúy aáwune jii, «A vèn sí taʼ e kfən fo Nyùy Tàr, vèn à shilív shén shí shidzə̀m, vèn fə̀tí anyùy kisaŋe fo věn mvəm, bo taaka mebvə̀m me nyùy woo wiíy woo *Ashtoret, e fò vitú vén e Nyùy Tàr, a cù a dzə̀ wun. Vèn yii bèy, é wù nèn yiì fə̀ə́r ven fo wír veé Filistiàá wo.»