Joshua 24:12 - ŊWÀʼ NYÙY

¹² Mo vèn‑eè nyoorì áwune wiyì, m kú a way a dzə̀ fan aáwuné meliv, á wáa tùʼtìn e věn si, vèn wáa jùm. Kù dzə̀ mo vèn‑eè jùmèn afon veé Amor vee abaà. A bó vèn yòʼ‑oò lo tòn wír vìn a dzə̀ e vitaáví vén ví, kìn e vifá vén vé rər ví. Yì‑iì tòn mo, e fò e vèn.

Joshua 24:12 Iomraidhean Croise

Nsùyrì Nyùy 135:11

Afon, moo Sihon woo fon wìr veé Amor, à Og woo fon woó Bashan, e lì afon adzə̀m ve vé‑eè sáʼ vitúm veé Kanan.

Nsùyrì Nyùy 80:10

kindzə̀ə́ndzəm kfə́ kí sə́tí agwan, e sə̀tí lúm se vici vé *sidar e tám sə́ sí.

Nsùyrì Nyùy 80:9

Wò‑oò kaàsì fó, e tùŋ, gháŋ rəə́ nəə́ é nsay, kí téʼ, e sə̀ fó e dzə̀m,

Ŋwàʼ Fəə 23:28

M wíy tum vimfàŋfàʼáy, é ví wáa shem e věn mbìy, a jùm wír veé Hiv wùn à veé Kanane, à veé Hiti, aá wáa nyeŋkír.

Ŋwàʼ Fəə 23:31

M wíy fèr bìíy yen, e kèʼ fo Rìbà Ndzə̀v wo Baar, e dù, e meé e Rìbà Ndzə̀v woó Filistia, e kfə̀n kèʼ fo woʼ, e dù, e meé e ndzəv yee Yufret. A m wíy yiì, áàŋgàa nsayi gbu ven, é vèn jum áwune, e fə̀ə́r.

Kintaŋ 21:31

Á mo wír veé Israyi‑iì taʼamen e wír veé Amorí nsay bèy.

Kintaŋ 21:32

Mooser yiì lò, e tsə̀nsí vé ŋkiyi é ŋkàlaʼ Jaser ji á du, e shwèʼ, e yèn á mo dzə̀ á ghàn, e bóo tòn fó. Wír veé Israyi nèn dù, e tòn, e tòn sa ntèʼ see fó ghaŋ, e jùm wír veé Amor ve vé‑eè dzə́ fo.

Remrí 31:4

Nyùy Tàr wíy lovtí e vitúm vìn vi mo wù‑uù lovtin e Sihon wùn Og ve yì‑iì dzəə̀n afon veé Amor. Wù‑uù laàr áwune wùn à woŋ wóví.

Remrí 4:46

e wìy, a dzə e mbuŋ Jordan, e mbìv yee fo shùy yii tó, e ŋkìʼnìn Bet‑Peor. Fóo dzə̀ nsay Fòn Sihon woó Amor wo wù‑uù dzə́ e Heshbon, wo Mooser wùn à wír veé Israyi‑iì tònèn é ghan se vé‑eè wìyìn fó Ejiv.

Remrí 4:47

Vé‑eè tòn bey, e nèn yòv nsay rə, e yòv ye Fòn Og woó Bashan. Dzə̀ afon vee abaà vin ve vé‑eè dzə́ e mbìv Jordan yee fo shùy yii tó, sáʼ wír veé Amor.

Remrí 7:20

Fə̀m à bey, Nyùy Tàr kù wíy tum vimfàŋfàʼáy aáwuné mvəm, e meé mo ví wíy laàr kibér ke wìr ve vé‑eè berin, e lìr fo vèn.

Joshua 2:10

Vèr‑iì lo yù mo Nyùy Tàr‑iì shèsìn Rìbà Ndzə̀v wo Baar, wù yúm ji vèn túm é ghan se vèn‑eè fəən fó Ejiv. Vèr kfə̀n‑eè yù sá kinyo ke vèn‑eè yiìn áàfon veé Amor vee abaà veé ndzə̀n Jordan fèsə, vee Sihon wùn Og, e laàr áwune láarin.