Joshua 24:11 - ŊWÀʼ NYÙY

¹¹ Vèn túm Jordan, e wìy e Jeriko, vilum veé Jerikòo taámé ven é vindzə̀ʼ. Vitúm vímóʼ ví kfən taàmé sa ven, aá dzə̀ jii, wír veé Amor wùn à veé Perisi, à veé Kanane, à veé Hiti, à veé Girgashi, à veé Hivi, e lì veé Jebus. M ku yiì, vèn tón áwune adzə̀m.

Joshua 24:11 Iomraidhean Croise

Kèʼlo 15:19

Kù dzə̀ woŋ və̀n wo dzəə̀n wó wìr veé Ken wùn à veé Kenas, à veé Kadmon,

Nsùyrì Nyùy 105:44

Wù nèn fò áwune nsay ye vitúm vímóʼ ví‑iì dzə́ sho, áwune yòv vifá ve vitúm vi‑iì ndzə̀ʼnìn, e lìm.

Nsùyrì Nyùy 114:3

Nyùy dín kitú kfə́, Rìbà Ndzə̀v yúm, ndzə́v yee Jordane tiím fó a leŋ.

Nsùyrì Nyùy 114:5

Éè Rìbà ndzə̀v, yì‑iì kòóy ka, é bo à yúm? Éè Jordan, kòóy ka, é bo à tiím fó a leŋ?

Ŋwàʼ Fəə 13:5

Nyùy Tàr wíy yii, vèn nəə e wòŋ wo wù‑uù kàʼàn atàr vén shó, e lìʼ, vèn kù a lèm ŋkàʼ vən e ŋwee mbìyi viyá vidzə̀m. Woŋ və̀ne dzə̀ e juŋ, a vín nàʼ wùn à vilu vi tsəətìn sho, a dzə̀ nsay wìr veé Kanan, wùn à veé Hiti, à veé Amori, à veé Hivi, à veé Jebusi.

Ŋwàʼ Fəə 23:23

Nshìylav yem yíi lì ven, e nəə́ sho e wòŋ wìr veé Amor wùn à veé Hiti, à veé Perisi, à veé Kanane, à veé Hivi, à veé Jebusi. A m yíi laàr áwune fó fo.

Ŋwàʼ Fəə 23:28

M wíy tum vimfàŋfàʼáy, é ví wáa shem e věn mbìy, a jùm wír veé Hiv wùn à veé Kanane, à veé Hiti, aá wáa nyeŋkír.

Ŋwàʼ Fəə 23:31

M wíy fèr bìíy yen, e kèʼ fo Rìbà Ndzə̀v wo Baar, e dù, e meé e Rìbà Ndzə̀v woó Filistia, e kfə̀n kèʼ fo woʼ, e dù, e meé e ndzəv yee Yufret. A m wíy yiì, áàŋgàa nsayi gbu ven, é vèn jum áwune, e fə̀ə́r.

Ŋwàʼ Fəə 3:17

Wù nen kàʼ ji wun yíi fəə́r a áwune fó ŋgeʼ yeé Ejiv, e dù sho e nsay ye vín nàʼ wùn à vilu vi tsəətìn sho, a dzə̀ fo wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́.

Ŋwàʼ Fəə 3:8

Á bèy, m nen sə̀y ji m boyir á áwune fo wír veé Ejiví wo, e fəə́r fo nsay foo fèy, e dù sho e nsay ye juŋ, nsay ye vín nàʼ wùn à vilu vi tsəətìn sho. A dzə̀ nsay ye wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́ sho.

Ŋwàʼ Fəə 33:2

M yíi tsənsí nshìylav yem, é yì wáa dù fo věn mbìy, é m jum wír veé Kanan wùn à veé Amori, à veé Hiti, à veé Perisi, à veé Hivi, à veé Jebusi, e fə̀ə́r fo wòŋ Kanan.

Lim Aŋgàa Ntum 13:19

Áwune wìy lòo nəə́ e Kanan, wù laàr kitúm saàmbà fo fo, e fò woŋ woo shooy ji wóv,

Lim Aŋgàa Ntum 7:45

Wón véví nèn wìy sìíy, e sə̀ fo atàr vesən víyi, a beʼ, a wìy sho fèn. A ghán sin si‑iì dzə̀ se wùn à Joshua‑aà faasì nsay fo vitúm ve ví‑iì dzə́ fèn vi, a ghán Nyùy fo mbìy, jum vitúm vee shooy. Kibàn kee shooy ki nèn a dzə fèn, e meé e ghan se Fòn Davir‑iì sáʼ woŋ və̀n.

Remrí 7:1

Mooser shaà fo mbìy, a suúy jii, «Nyùy Tàr woo Nyùy won wíy lì ven, e dù sho e nsay ye vèn du, e nəə́ sho ji vèn yov, é wù tsəʼ vitúm fo fo vinín fo věn mbìy, a kù dzə̀ mo vèn wíy a nəə́, a dù. Wù wíy tsə̀ʼ wír veé Hit wùn à veé Girgashi, à veé Amori, à veé Kanane, à veé Perisi, à veé Hivi, à veé Jebusi. Dzə̀ vitúm saàmbà, a ví kùʼkìr, e kfə̀n tàvkír, e shaà ven.

Joshua 3:10

Á wìy, wù wáa suúy aáwune jii, «Vèn yuúrí kinyo ke kí yíi yiì, é vèn kiíy ji Nyùy wo tin dzə̀ á vèn áwune, a wù kù yíi jùm vitúm fo nsay mo vèn nəə. Wù yíi jùm wír veé Kanan wùn à veé Hiti, à veé Hivi, à veé Perisi, à veé Girgashi, à veé Amori, à veé Jebusi.

Joshua 4:1

Kitúm kee Isray kidzə̀m ki líysín ndzə́v e mày, Nyùy Tàr suúy e Joshua jii,

Joshua 4:19

Lòo dzə e kishiíy kee ghvə̀m, e ŋwee mbìyi, wír veé Israyi kóʼ fó ghaa Jordan, e dù beè e Gilgal wo wù dzəə̀n é ŋguùŋè Jeriko fo mbìv ntoshùy.

Joshua 4:23

A kí dzə̀ jii, Nyùy Tàr woo Nyùy won‑eè yùmér ndzə́v yee Jordan e věn si, e mèé mo vèn‑eè tumen, kù mo wù‑uù yiìn e Rìbà Ndzə̀v wo Baar wo wù‑uù yumerin, e mèé mo vèr‑iì tumen.