Joshua 23:8 - ŊWÀʼ NYÙY

⁸ Vèn ku yèʼtí a dzə̀ e Nyùy Tàr woo Nyùy wón wùn mo vèn‑eè sí yii, e to lán,

Joshua 23:8 Iomraidhean Croise

2 Afòn 18:6

Wù‑uù jumrì Nyùy Tàr féyì, a bó wù yòʼ‑oò lo ghàn sìíy yàr fó a jùmrì wun. Wù‑uù yú nsər se Nyùy Tàr‑iì foon e Mooser.

Lim Aŋgàa Ntum 11:23

Wù dù, e mèé fo, e yèn mo Nyùy bùʼùn wír vìy e vijuŋ vi, wù wáa sheʼrí, a tir áwune ji á kú a tiy a wùn à Taàtá Jesus shilív shimòʼón.

Remrí 10:20

Vèn wáa ghvəm Nyùy Tàr woo Nyùy won, a lìm fo wun, e kù a yeʼtí e wùn wó, lóo yiì kilìʼ, vèn wàa kàn yír rə́.

Remrí 11:22

«Bo dzə̀ ji vèn ku wìy a way ŋàŋ, a lèm nsər se m fó e vèn lán ji vèn wáa yiì, a kòŋ Nyùy Tàr woo Nyùy won, a tiír kiwuú kén, a fìʼ, a tàŋèn cáʼ a dzə̀ é wùn wó.

Remrí 13:4

Vèn ku wìy shèm a dzə̀ e Nyùy Tàr woo Nyùy wón bàm, a ghvəm wun, a lèm nsər sə́, a yunín wun, a lìm fo wun, e kù a tàŋèn a dzə̀ é wùn wó.

Remrí 13:5

Yii bèy, ké wìr wo wù fiʼ ji wun dzə̀ ŋgaà ntum Nyùy və̀y, kìn ŋgaà njèm, vèn ku yùyrí ŋwèrín yúyrín, bìʼ fo wù kì bayirin ne wíri ji á wáa tav kitú e Nyùy Tàr woo Nyùy won, a kù dzə̀ wun woo Nyùy Tàr wo wù‑uù fəərin ven fó wòŋ Ejiv, e tìn fó lav vikwàn. Ké wìr vee bey ki dzə̀ ji á ku bìnèr ven fo á wáa jùmrì Nyùy Tàr woo Nyùy won, a ghan e wun mbòv mo wù‑uù yòŋèn e vèn. Kí nén a dzə jii, vèn ku tùŋ liì kisaŋ, e fə̀ə́r fo věn mvəm.

Remrí 4:4

Yii bèy, ven ve á kù‑uù tíy a dzə̀ e Nyùy Tàr woo Nyùy wòsə́n wùné kù dzə̀ə́ sho atin, e wìy shem lán.

Remrí 8:20

A vèn dzə̀ là fóo wìy a yunín Nyùy Tàr woo Nyùy won, bo wù kù wíy laàr ven réŋréŋ mo wù yíi laàr vitúm fo věn mbìy e ghan se vèn yíi a nəə́ áwune.

Joshua 22:5

Kù dzə̀ cáʼ ji vèn kú a yen ji á yúnín á nsər se Mooser woo ŋgaà lìm Nyùy Tàr‑iì foon e vèn, a yu ntir sə́, a kòŋ Nyùy Tàr woo Nyùy won, a ghan e wun mbòv, a yunín nsər sə́, a bar e wun wùn, a lìm fo fo shilív shidzə̀m, e fò kitú kén shó kidzə̀m.»

Joshua 23:7

fo vèn shwír wún vèn à vitúm ve ví berin e věn mvəm ví. Lá vèn yòʼ fə̀m a gaʼ yír sé anyùy vév. Lá vèn yòʼ a lìʼ kilìʼ, a kàn yír sév. Vèn wáa yen fó a ghvəm áwune, a tsəm aáwuné si.

Joshua 23:9

a kuumé jii, mo vèn‑eè nəə e wòŋ, Nyùy Tàr‑iì jum vitúm fo věn mbìy, a dzə̀ ve ví ghaamen, e tàvkír. A bó wìr yòʼ‑oò lo tàm vèn áwune, e tòn ven e wìy to lán.