Joshua 23:6 - ŊWÀʼ NYÙY

⁶ Kí ku nèn a dzə jii, vèn kú a tiy kitávín, e wày ŋàŋ ji vèn kú a yiì kinyo kidzə̀m ke kí dzəə̀n kisáŋén é Ŋwàʼ Nsər Mooser. Lá vèn yòʼ rə̀ʼə́m fo fo, a kfən e koy yìyí, kìn é koy ŋkoòvìi,

Joshua 23:6 Iomraidhean Croise

1 Afòn 2:3

Á yiì vinyo ve Nyùy Tàr woo Nyùy wò yòŋèn ví, a ghan e wun mbòv, a yu sáʼ rə́, a yunín nsər sə́. Kú a jùmrì vinyo ve wù tínen vi vidzə̀m, à ntò se vinyò si mo sí dzəə̀n é Ŋwàʼ Nsər wo Mooser‑iì saŋen, é vinyo vé vi wìy a ghan kijuŋ, a fə̀m dzə̀ ka, aà fə̀m dzə̀ feé.

Nsùyrì Nyùy 101:3

bó m yòʼ yíi a way kiwó kém é kifa ke bi kí. Bó m yòʼ koŋ lim wìr ve á bìnèn ne ndzə̀m e Nyùy, a bó yòʼ dzə̀ m wày kiwó kém shó.

Nsùyrì Nyùy 119:102

M kù jumrì vinyo ve à tinen, e wày ji nsər, a bó m yòʼ yáʼay kímóʼ kí, bìʼ fo kù duŋrì wò mo.

Jeremia 9:3

Nyùy Tàr suuy jii: «Kimboʼtì ki fəə́ fo áwuné kiliimé, fəə́ feyì mo mvəne fəə̀ fó kinte. Áwune tàv a dzə̀ é kimboʼtì, suuyrú nen mày fo wòŋ. Á yii jay e kintuŋ kintuŋ, aá yòʼ kfə̀n kiiy mo.

1 Korin 16:13

Kén kí nén a dzə jii, vèn ku wày a dzə̀ á vifií, a tiy kitávín é kinyò ke Jesus Kristu ke vèn biimen. Vèn ghár melív men, é mè táv.

Remrí 12:32

«Kinyo kidzə̀m ke m yòŋèn e vèn, vèn ku wìy wày ŋàŋ, a lèm. Lá vèn yòʼ wìy dzə̀sì kifá sho, lá á yòʼ shòʼór.

Remrí 17:20

Kí wíy yiì, é la wù yòʼ a koʼór wún ji wun dzə̀ jeéy fo wír veé Isray vee afə́r vəə́, e kfə̀n yiì, é la wù yòʼ shòʼór nsər se Nyùy Tàr, kìn dzə̀ é dzəə rəné. Kí lóo dzə bèy, bo wù wíy saʼ Isray viyá vinín, é rám rəə́ kfən wìy bònen sàʼ.»

Remrí 28:14

Lá vèn yòʼ wìy shòʼór nsər yìmòʼ fo se m fó e vèn lán si. Lá vèn yòʼ a bìnbìn, e dù, a ghvəm anyùy ámóʼó, a lìm fo áwune.

Remrí 5:32

Mooser kfə́n a yòŋ jii, «Wír veé Isray, kù dzə̀ cáʼ ji vèn ku wày ŋàŋ ji á wáa yiì a dzə̀ mo Nyùy Tàr woo Nyùy won yòŋèn e vèn. Lá vèn yòʼ shòʼór nsər rə yìmòʼ, e bàr ŋwàn.

Hibru 12:4

Ŋgeʼ si lóo koóy ven, vèn wàa kiíy jii, mo vèn fə̀m tuutì ji vèn kú a tiy vèn à Nyùy, e làa yòʼ a way kiwó e kinyò ke bi kí, bó kí yóʼ ne mèé e kiliŋ ke dzə̀ á yùyrí wír yúyrín bìʼ kinyo kee shooy.

Ŋgaà Yen 21:8

Yii bèy, ké wìr ámóʼó kí kù jòʼsì ne kimbiirìn ke və̀y fo və́yí bo, baári moo mekàŋ, a dzə̀ kpú yee akàŋ abaà. A kù dzə̀ áwune adzə̀m ve bó á yòʼ‑oò lo kùr shilív, a tiy e mǒ kinyò, e làa yòʼ a way shilív e mǒ wùn, tíy a dzə̀ é vinyò ve kisaŋ vi. Kìn dzə̀ wír wo wù yúyri wír, kìn ŋgaà kinjàŋ, kìn wo viŋkar, kìn wo wù sénin sə́m, kìn wo wù ghvə́m vifá vímóʼ ví ji Nyùy, e lì aŋgàa kimboʼtì adzə̀m.»