Joshua 23:3 - ŊWÀʼ NYÙY

³ Vèn‑eè lo yèn kinyo kidzə̀m ke Nyùy Tàr woo Nyùy wòsən‑eè yiìn e vitúm vìn vi, e fò e vèsən. Yì‑iì funèn wun woo Nyùy Tàr woo Nyùy wòsən áwune, e fò e vèsən.

Joshua 23:3 Iomraidhean Croise

Ŋwàʼ Fəə 14:14

Nyùy Tàr yíi màʼ rə́r sén, kù dzə̀ cáʼcáʼ ji vèn tiím á ji nyaáŋ.»

Ŋwàʼ Fəə 19:4

‹Vèn‑eè lo yèn kinyo ke mò‑oò yiìn e wír veé Ejivi e sí yéné, e kfə̀n yèn mo mò‑oò rə́si béʼ ven, é bo vèn wiy, e yèn mo fen. A mò‑oò béʼ ven réŋréŋ mo lùŋ wo wiy yii béʼ wón və́ e wun vàv bèy.

Esiker 20:28

Mò‑oò lì áwune, e dù sho e wòŋ wo mò‑oò kàʼàn áwune shó. Á meé fó, yén gwan wo da, kìn kicí ke rəŋsìn kí, á nèn dù, a cù anyùy fo. Vé‑eè yii cu vifa ve yi, yii yé melùʼ, ton kiláy, tínsin mo shó.›

Malakay 1:5

Wír veé Israyi wíy yen kinyo ke kí wíy koóy kìn e sí yéví, aá nèn bìnsí ji Nyùy Tàr dzə̀ á rú e gháʼtín, a sáʼ wun a virə́ʼ vidzə̀m.

Remrí 1:30

Nyùy Tàr woo Nyùy won wo wù danèr ven, wúnwun yíi fùnèn, e màʼ rə́r sén réŋréŋ mo wù‑uù fùnèn é Ejiv, a vèn yéné.

Remrí 20:4

Nyùy Tàr woo Nyùy won dzə̀ vèn áwune. Wù maʼ rə́r sén, yii, a vèn ton aŋgaà vén vibàn.›

Remrí 4:9

«Kinyo kimòʼón ki nén a dzə jii, vèn kim vitú vén ví, a tiír kiwuú kén, a fìʼ, a yen fóo làysìn kinyo ke vèn‑eè yenen e sí yéné. Lá vèn yòʼ biìmé, é kí fəə́ fo věn meliv mo vèn wíy a dzə sho. Vèn naari kinyo kee shooy ki e wón véné, e naàrì e wón woné.

Remrí 7:17

«A vèn fə̀m wìy a rə̀m jii, ‹Vitúm vìn vi kùʼ, e shaà ver, a dzə̀ vèr ghàn é le, e bóo jùm áwune,›

Remrí 7:24

Wù wíy way afon vév e věn wo, é vèn sə́ʼsí yír yév fó kitu ke nsay. Bó wìr yòʼ wíy tam vèn áwune, e meé mo vèn wíy laàr áwune.

Joshua 10:14

Bó kishiíy kí yòʼ‑oò yiì ne a dzə moo kin, a kí yòʼ kfə̀n‑eè yiì a dzə ke Nyùy Tàr yúnín wir msòŋ. Dzə̀ rú ji Nyùy Tàr‑iì màʼ á rə́r sé wìr veé Isray.

Joshua 10:42

Wù‑uù tòn afon veé wòŋ fèn adzə̀m, e sə̀ nsay yev ghan mòʼón, bìʼ fo yì‑iì maʼ Nyùy Tàr, wun woo Nyùy wìr veé Isray rə́r sév.

Joshua 23:10

Wìr mòʼón fo vèn kù wíy fùnèn wír nsə̀kì, aá léʼkír, bìʼ fo funèn Nyùy Tàr woo Nyùy won vindzəʼ vén mo wù‑uù kàʼàn.