Joshua 23:2 - ŊWÀʼ NYÙY

² Wù nèn bàʼtí wír veé Isray adzə̀m, aá dzə̀ jii, vilìmbìy wùn aàtǎr saʼa, à wír ve á tínen nsaʼ si, à wír ve á tóm áwuneé. Wù lò, e yòŋ áwune, a suúy jii, «M dzə̀n ne, viyá vém ví dúnén.

Joshua 23:2 Iomraidhean Croise

1 Afòn 1:1

Fòn Davir wìy dzə̀n, e kòŋrí, nsheèlav sə́ sí wáa kfəvsí wun e bvə̀ràŋgí, a wù yòʼ fə̀m yú lum.

1 Afòn 8:1

Fòn Solomon nèn tòóy kfə́m sé wìr veé Isray wùn aàtǎr ramé, aàtǎr kfəə véví ji á báʼtí á e wun si e Jerusalem, aá du, e lì a ŋkùv mensàŋ Nyùy Tàr fó Ŋkàlaʼ Fòn Davir, aá yoŋ sa ji Sion, e kòʼ shó e lav cù.

1 Wòŋ 23:2

Fòn Davir‑iì lò, e bàʼtí vilìmbìy veé Isray vidzə̀m wùn aàtàá cùu, à wír veé ram Levìi,

1 Wòŋ 27:27

Shimey woó Ramat wáa leéy fo sum sé vitiír vé *vayin, aá koy, fer meluʼ sho, a Sabdi woo lò fó Shifmi nèn leey fo melùʼ me vé‑eè fer, lemè.

1 Wòŋ 28:1

Fòn Davir‑iì tòóy vilìmbìy veé Isray vidzə̀m, ví báʼtí é Jerusalem. Vé‑eè dzə̀ jii, atǎr ram seé Isray, amfòómé ve á sáʼ akáŋ rər ve á shiy woŋ, e lì amfòómé ve á wám wíri nsə̀kì nsə̀kì, à ve á wám wíri wií wií, e kfə̀n lì wír ve á leey fo kéŋ fòne e dzə̀m, à nyám si shó, kfə̀n leey sa fo wón ntoʼo, e bóo lì atǎr ntoʼ, e siì lì antav wùn à vé rər ve tavkíné adzə̀m.

Remrí 31:28

Vèn báʼtí atǎr ram sén wùn à ntom se saʼ si, é m yoŋ jí sìn, aáwune yú. M nén a bi yúv wùn à nsay ji á tiím á vinjen ve vinyò ve wír vìne rə́si mumè.

Joshua 13:1

Yì‑iì dzə̀ a Joshua dzə́n ne, a viyá və́ ví sì vidzərìn, Nyùy Tàr yòŋ wun, e sùúy sho jii, «À dzə̀n ne e ŋàŋ, a nsay kù dzə̀ə́ sho e nín ye dzə̀ á sə̀.

Joshua 23:3

Vèn‑eè lo yèn kinyo kidzə̀m ke Nyùy Tàr woo Nyùy wòsən‑eè yiìn e vitúm vìn vi, e fò e vèsən. Yì‑iì funèn wun woo Nyùy Tàr woo Nyùy wòsən áwune, e fò e vèsən.

Joshua 24:1

Joshua kùm rám seé Isray, sí báʼtí é Shekem. Mo á wìyìn, wù jàŋrì ŋgày sé wìr wùn à vilìmbìy vi, à vé saʼa, à wír veé vitu ve ntaʼa ji á kóʼtí, a tiy e ŋkùv mensàŋ Nyùy Tǎr mbìy.

1 Samuel 12:2

Vèn sí kér wun lèn ji kilìmbìy kén. M dzə̀n ne kém, e fə̀r fə́rín, a wón vémé dzə̀kìr fen vèn áwune. Mò‑oò dzə̀ kilìmbìy kén, e kèʼ fo meterí, e wìy shem lán.