Joshua 23:16 - ŊWÀʼ NYÙY

¹⁶ A vèn wìy a dzə, e làa yòʼ a tiy e *mensàŋ me Nyùy Tàr woo Nyùy won me wù‑uù yòŋèn ji vèn wáa tiy sho, e dù, a ghvəm a dzə̀ anyùy ámóʼó, a tsəm aáwuné si, bo Nyùy Tàr wíy shwiíy kilòŋ vèn áwune. Wù shwiiyì, é wù maʼ ŋgeʼ e věn kitu, é vèn wìy rèŋ cércér fo nsay ye juŋ ye wù‑uù foon e vèn.»

Joshua 23:16 Iomraidhean Croise

1 Afòn 14:15

Nyùy Tàr wíy màʼ ŋgeʼ e Isray, é wù wáa dzə moo ŋkiʼ wo wù yaʼ e ndzəv. Wù wíy tsə̀ʼ Isray fo nsay ye juŋ ye wù‑uù foon áàtǎr atàr véví rə̀n, e taʼár, aá du, e shaà ndzə́v yee Yufret. Kí kù wíy a dzə bèy, bìʼ fo áwune‑eè fèrìn wúr sé nyùy woo *Ashera, a ghvəm, e nèn ŋàʼár dòʼshwiiy Nyùy Tàr.

1 Afòn 9:6

Yii bèy, aà lò, kìn lò wón vé, e bìn ndzə̀m e mò, a ghvəm anyùy kisaŋe, a cù áwune, e làa yòʼ dzə́ə a yu sáʼ yém, e làa yòʼ dzə́ə a yunín nsər se m foon e vèn,

1 Afòn 9:7

bo m yíi fəə́r wír veé Isray fo nsay ye m foon aáwune, é m kfən mèŋ lav cù rə̀n, ye m kì lèmèn ne ji yee jeéy ji á wíy a cù mo shó, aá nèn wìy a màʼ Isray máʼan é ŋgàn, é vitúm vidzə̀m vi wáa jàʼ áwune jáʼan.

2 Afòn 17:7

Vinyo vìn vi‑iì kooy bèn, bìʼ fo wír veé Israyi‑iì yii vinyo ve bi ví e Nyùy Tàr woo Nyùy wov, wo wù‑uù liìn áwune, e kòʼ shó fo Ejiv, e bòyìr fo Farao wo. Áwune‑eè cu anyùy kisaŋe,

2 Afòn 24:20

Ví màysì, e ŋàʼár dòʼshwiiy Nyùy Tàr, wù nèn lò, e jùm wír veé Jerusalem wùn à veé Judàa adzə̀m fo wun si, e màʼày e kwaʼ nsàm.

Aysaya 24:5

Wír ve á dzə́ e kitu ke nsayi yiì ne kitú ke nsay ki bír birín kidzə̀m. Áwune ŋwày ne yéʼéy Nyùy, e bìvír kitú ke nsay. Á jwìvrì ne sáʼ Nyùy, e yàʼáy *mensaŋ me wù‑uù gwàrìn wùn áwune ji mè kù wíy a tiy fo.

Jeremia 32:23

Áwune nəə́, e yòv fó, e nèn tèn fó a yunín wò, a jùmrì nsər sé. Áwune yòʼ‑oò ló a yiì vinyo ve wò‑oò yòŋèn ji á wáa yiì. À nen yiì, ŋgeʼ rə̀n gbú aáwuné kitu.

Jeremia 32:24

«Leey, e yèn, wír veé Babilone yàvtí ne vikfə́r ve tiy, e kaàrí ŋkàlaʼ sho ji á nəə́, e sùm. Á bèy, a rə́r wùn à jiŋ, à kifə̀ʼ ki lo, e way áwune áàŋgàa vibàn ve á taáme áwuneé wo, aá sum. Kí à yén ji kinyo ke wò‑oò suuyin kidzə̀m ki sí kooyì.

Kintaŋ 33:56

Vèn wáa dzə, e làa yòʼ jùm, bo kinyo ke m wayin ji m yii aáwune kí dzə̀, a m wíy siìr a dzə̀ e věn kitu.»

Remrí 17:3

a cù anyùy ámóʼó, e kfə̀n a ghvəm, kìn dzə̀ shúy, kìn dzə̀ ŋwee, kìn dzə̀ kifá kímóʼ kí é yuv, a mò‑oò shàʼnín ne,

Remrí 28:15

«Yii bèy, a vèn wìy tèn fó a yunín Nyùy Tàr woo Nyùy won, e lò, a ŋway sáʼ rə́, a ten fó a lèm nsər sə́ sidzə̀m se m fó e vèn é kishiíy ké lán ki, bo lòné wíy nəə́ ven, é vinyo ve bi ví sum ven.

Remrí 6:15

bìʼ fo Nyùy Tàr woo Nyùy won wo wù dzəə̀n e věn mvəm dzə́, kíyri ven. A vèn mùm, e ghvə̀m anyùy ámóʼó, bo dòʼshwiiy Nyùy Tàr yíi koʼ, é wù laar ven fó kitu ke nsay.

Atǎr Nsaʼ 2:14

Dòʼshwiiy Nyùy Tàr ŋáʼáy kùm wír veé Isray e dzəə ye biibí, wù wáy áwune e vé kimfaàsìí wo, á wáa nəə́ nsay yev, a faàsì vifá vév. Wù‑uù fiìnè áwune áàŋgàa vibàn vév ve vé‑eè gìŋèn áwune, e tàrí, á wáa ghiʼ áwune, a bó yòʼ‑oò dzə̀ á kfə̀n yù fóo tam wùn áwune.

Atǎr Nsaʼ 2:20

Á bèy, dòʼshwiiy Nyùy Tàr ŋáʼáy kùm wír veé Isray e dzəə ye biibí, wù suúy jii, «Mo wír vìne yaʼayin ne *mensaŋ me mò‑oò gwàrìn vèr aàtàr véví, e tèn fó yunín jí yem,

1 Samuel 12:25

A vèn kù gòʼ, a jay jayín, bo wù yíi laàr vèn, e kfə̀n laàr fon won.»