Joshua 23:15 - ŊWÀʼ NYÙY

¹⁵ Mo Nyùy Tàr yiìn ne vinyo ve juŋ ve wù‑uù kàʼàn ven shó vidzə̀m, bo kù dzə̀ sá mo dzə̀ wù wìy yiì ve bi ví vidzə̀m, e màʼ ŋgeʼ e věn kitu, e meé mo wù‑úù laar ven fó nsay ye juŋ ye wun woo Nyùy Tàr woo Nyùy won‑eè foon e vèn.

Joshua 23:15 Iomraidhean Croise

1 Afòn 14:15

Nyùy Tàr wíy màʼ ŋgeʼ e Isray, é wù wáa dzə moo ŋkiʼ wo wù yaʼ e ndzəv. Wù wíy tsə̀ʼ Isray fo nsay ye juŋ ye wù‑uù foon áàtǎr atàr véví rə̀n, e taʼár, aá du, e shaà ndzə́v yee Yufret. Kí kù wíy a dzə bèy, bìʼ fo áwune‑eè fèrìn wúr sé nyùy woo *Ashera, a ghvəm, e nèn ŋàʼár dòʼshwiiy Nyùy Tàr.

1 Afòn 8:56

«Búríi wáa dzə fo Nyùy wo wù foon meemè e wír və́ veé Israyi réŋréŋ mo wù‑uù kàʼàn. Bó jì e mòʼón yoʼ tùm fó vinyò ve juŋ ve wù‑uù kàʼàn, e shaà fo ŋgaà və lìm woo Mooser.

Aysaya 24:6

Bìʼ bey, kinyo ke tavín kí lo, e sùm kitú ke nsay. Wìr msòŋ woó kitu ke nsay sí lim ŋgeʼlàʼ njò yev. Á kifá ke kí yiìn, é bo wíri ndzə́mén, é bér ashàr.

Jeremia 32:24

«Leey, e yèn, wír veé Babilone yàvtí ne vikfə́r ve tiy, e kaàrí ŋkàlaʼ sho ji á nəə́, e sùm. Á bèy, a rə́r wùn à jiŋ, à kifə̀ʼ ki lo, e way áwune áàŋgàa vibàn ve á taáme áwuneé wo, aá sum. Kí à yén ji kinyo ke wò‑oò suuyin kidzə̀m ki sí kooyì.

Jeremia 32:42

Nyùy Tàr suuy jii, «Mo mò‑oò wìyìn e rə́mrə́m ŋgeʼ rə̀ne e wír vìné kitu, kù dzə̀ réŋréŋ mo m yíi wìy e vijuŋ ve ghaʼtín ví vidzə̀m, ve m kàʼàn áwune shó.

Jeremia 35:17

Á bèy, mo woo Nyùy Tàr woo Taà Mànjòŋ, mo woo Nyùy wìr veé Isray nén a suúy jii, vèn yuúri yù, m lo, e màʼ ŋgeʼ ye mò‑oò yòŋèn e dzə̀m e wír veé Juda wùn à wìr dzə̀m woó Jerusalem kitu, a dzə̀ bìʼ fo m suŋnin aáwune, la á yòʼ yuùrí. M jáŋ áwune, á tén fó biimé.»

Cù 26:3

«A vèn wìy a yu sáʼ yém, a yunín nsər sém, a yiì mo sí dzəə̀n,

1 Tesalonika 2:16

bìʼ fo áwune sháʼnin fo vèr wáa ghan fo vèn vee wír ve bó yòʼ dzəə̀n veé Juda, a fìʼtì ji dzə̀ Nyùy lùŋèr sáa ven. Aá yiì ne bèy, vinyo vév ve bi ví máysí, e kùʼ, lǒn Nyùyi koó áwune.

Atǎr Nsaʼ 13:1

Wír veé Israyi kfən lò, a yiì vinyo ve bi ví, a tinsín Nyùy Tàr, wù nèn wày áwune e wír veé Filistiàá sar, á sáʼ áwune kiyá mkweè.

Atǎr Nsaʼ 3:12

Wír veé Israyi kfən lò, a yiì vinyo ve bi ví, a tinsín Nyùy Tàr. Bìʼ bey, Nyùy Tàr nèn yiì, Fòn Eglon woó Moav táv, e shaà áwune.

Atǎr Nsaʼ 3:8

Nyùy Tàr nèn shwìíy kilòŋ, e wày áwune e Kushan‑Rishatayim wo, wo yì‑iì dzəə̀n fon wìr veé Mesopotamia, wù tón áwune. Á nén a dzə e wun sar saʼ, wù wáa nə̀ʼsì áwune e mèé kiyá waamé.

Atǎr Nsaʼ 6:1

Wír veé Israyi kfən lò, a yiì vinyo ve bi ví, a tinsín Nyùy Tàr. Wù nèn wày áwune e wír veé Midiané wo, áwune nə́ʼsí wír veé Isray kiyá saàmbà.