Joshua 23:13 - ŊWÀʼ NYÙY

¹³ vèn wàa kiíy, e ké ru kí ji bó Nyùy Tàr woo Nyùy won yòʼ dzəə́ yiì a jùm a vitúm vìn fo věn mbìy. Bo vitúm vìn vi yíi lò, a dzə làm wo vèn koó sho, a dzə kitám ke vèn li sho, e kfə̀n a dzə sòv e věn buu nsaŋ, a dzə njoŋ e věn wàn si. Bo kù sì bey, e meé mo vèn wíy rèŋ, e mày fo nsay ye juŋ ye Nyùy Tàr woo Nyùy won foon e vèn rə̀n.

Joshua 23:13 Iomraidhean Croise

1 Afòn 11:4

Wù wìy dzə̀n, vikìy vəə́ nèn sə̀ŋrì wun, wù wáa ghvəm anyùy ámóʼó, la shilív sə́ shí yòʼ dzə́ə a tiy e Nyùy Tàr woo Nyùy və́ wùn mo shé tàr wov Davir shi‑iì tíyí.

2 Afòn 17:18

Á bèy, Nyùy Tàr wáa yu bír e ŋàŋén kùm wír veé Isray, e nèn jùm áwune fo wun si, la wìr yòʼ kfə̀n bèr, bánlà wír veé ram Juda cáʼ.

2 Afòn 17:20

Nyùy Tàr nèn tèn wír veé Isray adzə̀m, e màʼ ŋgeʼ aáwuné kitu, e wày áwune áàŋgàa vibàn véví wo, e dù, e meé mo vé‑eè màyìn fo wun si.

2 Afòn 25:21

Wù nèn yòŋ, á ndzə́n áwune, e yùyrí e Ribla foo fèy e nsay Hamat. Á mo vé‑eè kuuyin wír veé Juda bèn, e fəə̀ woŋ wóv shó, e dù sho e wòŋ wo səné.

2 Afòn 25:26

Wìr dzə̀m woo fó, kìn wo terí, kìn wo kuʼùn, à vilìmbìy ve rər ví nèn tùmnín, e lèʼ, e dù e Ejiv, bìʼ fo vé‑eè fan wír veé Babilon.

Nsùyrì Nyùy 69:22

Ku yiì, áwune lóo yi ŋkàʼ wóv, aá li a dzə̀ lòn. Ŋkàʼ sév sé cù si ku bìnkìr ji vitám vév.

Ŋwàʼ Fəə 10:7

Vé saʼ Faraòo nèn sùúy e wun jii, «Á sà màʼtì ji jwè və̀n wíy kàr woŋ və̀n bèn, e dù, e meé e le á? Bòŋ ji Fòn maʼti, é vilum veé Israyi du, e fíʼ cù Nyùy Tàr woo Nyùy wov. Fòn yóʼ ne sà yèn ji Ejiv sàʼkìr ne a?»

Ŋwàʼ Fəə 23:33

Lá vèn yòʼ wìy biìmé, é wír vìne shwír wún e věn wòŋ, a dzə vèn áwune. A vèn wìy màʼtì, bo á wíy levtí ven, é vèn wáa cù anyùy vév, e jay e mò.»

Ŋwàʼ Fəə 34:12

Vèn wáa yen fó gwàr mensaŋ vèn à wír veé kitum fo vèn dúu, fó lì aáwuné kitam, e jay dzə́ə.

Ŋwàʼ Fəə 34:16

Kímóʼ kí jii, a tàm vèn nèn lò, a tàʼ vikǐy won vén a dzə̀ fo wón véví mvəm. A kí kòóy bèy, bo á yíi lòo cù anyùy vév, é wón vén vee vilume wáa cù sa.

Esiker 28:24

«Kí kooy bèy, é la wír veé Israyi yòʼ dzəə wìy a ker aŋgàa vibàn aáwuné ghaŋ ve á wáa sòvnìn moo laàlaŋ, a lumnín moo jwí. Á bèy, aáwune nèn kìíy ji m dzə̀ á Nyùy Tàr woo Taà Ndzə.»

Kintaŋ 33:55

A vèn dzə̀ làa yòʼ jùm aŋgàa nsay, e fəə́r fo fo, bo wír ve vèn màʼtìn, á góʼ fóo wíy a dzə moo síy se sí toon e věn si, a dzə moo njoŋ se vifa e věn buu se nsaŋ, a fo ŋgeʼ e nsay ye vèn wíy a dzə sho.

Ŋwàʼ Luk 21:24

Á wíy gwàtì ámóʼó gwátin, e tayrí ámóʼó ji akwàn, a jàvtì vitúm vidzə̀m. Á mo vitúm ve bó ví yòʼ kiìn Nyùy vi wíy tòn Jerusalem, a koʼrí e kitu wo, e dù, e meé mo ghán sév sí wíy mày.

Remrí 29:28

Á bèy, Nyùy Tàr nèn shwìíy kilòŋ é ŋàŋ, tímé ndzə́ʼ wun, wù túŋ áwune fo áwuné nsay, e rə̀ŋ e wòŋ wo səné, á wáa dzə fo, e wìy to lán.

Remrí 30:18

bo m yoŋ e vèn é kishiíy ké lán ki ji á kù wíy laàr a ven láarin, a bó vèn yòʼ wíy dzə̀ʼə̀m ntàmda e nsay ye vèn líysin ndzə́v yee Jordan, e nəə́ sho ji vèn yov.

Remrí 4:26

M nén a bi yúv wùn à nsay lán ji á wáa yen a kinyo ke vèn yii. A vèn tàv kitú fo Nyùy, é la vèn yòʼ dzəə dzə̀ʼtì ntàmda e nsay ye vèn líysin Jordan, e nəə́ sho. Bo vèn lo, e rèŋ fo kitu ke nsay, e mày. A kí kòóy bèy, aá ku laàr ven láarin ŋkuuŋkùŋ.

Remrí 7:16

Vèn wíy laàr wir dzə̀m wo Nyùy Tàr woo Nyùy won wayin e věn kiwo. Lá vèn yòʼ wìy rə̀r mendzən fo áwune, e bàvtí. Lá vèn yòʼ wìy a ghvəm anyùy vév, bìʼ fo kee shooy ki dzəə̀n kitám ke dzə̀ vèn lì shó.

2 Timoti 2:26

é vifií vév ví nèn kfə̀n fó, aá boy fó kitam ke Satan‑eè wayin, áwune lì sho, a yu a dzə̀ fó fo.

Atǎr Nsaʼ 2:21

bo m yòʼ dzəə́ yìi jùm vitúm ve Joshua‑aà màʼtìn é nsay là ton, e bó a kpu.