Joshua 23:12 - ŊWÀʼ NYÙY

¹² A kí shaà fo bèy, vèn yiì lò, e bìnkìr, a suusín vèn à vitúm ve ví berin e věn mvəm vin, a tatí vijín vèn áwune, à lì wón vév, áwune wáa lì vén,

Joshua 23:12 Iomraidhean Croise

Kèʼlo 2:24

Á kinyo ke kí yiìn, é bo lùmèn maʼti tàr wov wùn yè wov, e tàtí wùn wiiy və, wùn wun wáa dzə wún e mòʼón.

Kèʼlo 34:3

Mo wù ghatin bey, Dina woo wan Jakov nəə́ e wun shiliv, wù nèn kèʼ mboòrì.

1 Afòn 11:2

Vitúm vìn vi dzə̀ ve Nyùy Tàr‑iì shaʼnin ne fo wír veé Israyi. Wù‑uù sùúy jii, «Lá vèn yòʼ wìy wày wón vév é lav. Lá áwune yòʼ wìy wày sá vén é lav, bìʼ fo a kí kòóy bèy, bo áwune kù yíi bìnèr melív men, é vèn nèn a ghvəm a dzə̀ anyùy vév.» Yii bèy, Fòn Solomon ku bìy wún, a kòŋ vikìy vin kóŋen.

1 Afòn 11:4

Wù wìy dzə̀n, vikìy vəə́ nèn sə̀ŋrì wun, wù wáa ghvəm anyùy ámóʼó, la shilív sə́ shí yòʼ dzə́ə a tiy e Nyùy Tàr woo Nyùy və́ wùn mo shé tàr wov Davir shi‑iì tíyí.

Nsùyrì Nyùy 125:5

Yii bèy, ké wìr ve á bin kév é dzəə sé kisaŋ si, Nyùy Tàr ku jùm áwune júmen fo wun si wùn à wír ve bií. Nyaáŋ wáa dzə e Isray.

Nsùyrì Nyùy 36:3

Wù mvəʼ shuu, kù fəə̀ kinyo ke bi kí, lóo suŋnín, kù a fəə kimboʼtì, a bó wù yòʼ dzəə́ yii yii ye juŋe moo fií.

Aysaya 1:4

Yìiy, kitúm ke Nyùy sháʼnin kinyo, aá kù yii a dzə̀ kíwun. Wír, aá jáy vinyo e ŋgeʼ, a ví rə́ʼəy áwune rəʼəyín. Wón, aá kù buʼtì vinyo moo atàr vév, táti kifá kidzə̀m, kuvrì kùvrìn. Áwune màʼày ne Nyùy Tàr, a ŋway wun woo Ŋgaà wo Ranén woó Isray ŋwáyín. Á bìn ne ndzə̀m e wun, e lèʼ wun léʼén.

Esiker 18:24

«Yii bèy, a wìr wo wù yii réŋ lò, e kfə̀n bìn ndzə̀m e wun yiì yee réŋé, a yiì a dzə̀ liì kisaŋ, kfə́ə wo ambùʼtìvìnyòo yii kérí, wù wàa dzə sho e tin a? Bó yòʼ dzə̀ á kfə̀n a kuumé kinyo fo vinyò vee réŋ ve wù‑uù yii. Mo liì və kù siìn wo bi, wù lì ne njò, a wù kér fóo kpu bìʼ vinyo ve bi ví ve wù buʼtì.

Tsəfaniya 1:6

M wíy laàr wír ve á bìnèn ne ndzə̀m e mò, a bó á yòʼ dzəə́ taʼ mo, a bó á yòʼ dzəə́ bee mo woo Nyùy Tàr é kinyò.»

Joon 6:66

Kèʼ fo ghan see shooy, kùʼùn wìr nèn jàv ŋgoo, e làa yòʼ dzə́ə a ghan wùn à Jesus.

Ŋwàʼ woó Rom 12:9

Vèn wáa kòŋ wíri rú e shilív shí, lá vèn yòʼ a suúy a dzə̀ fó shuù. Vèn wáa leʼ kinyo ke bi kí, a ghar a dzə̀ ke juŋ ki.

Remrí 6:15

bìʼ fo Nyùy Tàr woo Nyùy won wo wù dzəə̀n e věn mvəm dzə́, kíyri ven. A vèn mùm, e ghvə̀m anyùy ámóʼó, bo dòʼshwiiy Nyùy Tàr yíi koʼ, é wù laar ven fó kitu ke nsay.

Remrí 7:3

Lá vèn yòʼ wìy a tatí vijín vèn áwune mó a fo wón vén ji vikǐy won vév, kìn mó a lì wón vév ji vikǐy won vén.

Remrí 7:4

Kí dzə̀ bey, bìʼ fo a vèn wìy mùm, bo áwune wíy a bìnèr wón vén fo á wáa ghvəm a dzə̀ mo, e nèn lò, a ghvəm a dzə̀ anyùy kisaŋe. A kí kòóy bèy, bo dòʼshwiiy Nyùy Tàr lo, e ŋaʼáy, é wù sasin, e yùyrí ven.

Joshua 23:11

Vèn ku nèn a kìm vitú vén ví, a kòŋ Nyùy Tàr woo Nyùy won.

1 Joon 2:9

Kí nén a dzə jii, a wìr suuy ji wun ghán e Nyùy mvə̀m ran, kfə̀n ban fə́r və, bo wù kù dzəə́ ghán e ndzə ye sənér.

Atǎr Nsaʼ 14:3

Tàr wov wùn yè wov dzə́r shó jii, «À kì du, a tàʼ wiíy fo wír veé Filistia ve á méŋ Nyùyí mvəm ji ka? Bó yòʼ kì dzə̀ à tàʼ wiíy fo vèsə́n ram a, fə̀m fo wír vesəné mvəm a?» Yii bèy, Samson bìnèr e tàr wov jii, «Ku tàʼ, e fò e mò, wù ghèén mo féyì.»

Atǎr Nsaʼ 3:6

Wír veé Israyi nèn lò, a lì wón vitum vìn, a wayrí e lav ji vikìy vév, e kfə̀n a ghvəm anyùy vitum vee shooy.